Yuti 1:16 - The Keyagana NT and 25 OT books

¹⁶ Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.

Yuti 1:16 ပူးပေါင်းရင်းမြစ်များ

Samu 106:25

Apakaemo seli noʼapifiʼmo maiʼneʼapaeʼmo Goti geʼamo akame osuʼa ge nege nege huʼa maiʼnae.

Samu 15:4

Gotiʼa ohauʼniya vayaʼaifeʼmo, laulagaleʼmo ina agufa vayaʼmo maiʼnae, huʼa huge Gotifeʼmo koli nehaya vayaʼai apakiʼapileʼmo aliʼa asaga huʼa apatege Goti agiʼalefeʼmo ani kavaʼmo hugune, huʼa hapa nepaiya gemo akame hisayafeʼmo kana huʼnisiyana afaʼa akame huge

Samu 17:10

Apaipaguʼe vayaʼmo maiʼnae. Ala apakimo alisayafekeʼmo gemo nehae.

Samu 73:8

Huʼa faipa huʼa apatege apaini huʼa apatege nehae. Himuʼnamu gemo huteʼapaeʼmo alita afepi lapategaune, huʼa nehae.

Mai'naya kavane 28:21

Apakiʼapieʼmo apakesamo afige aliʼnaya yafeʼmo apakesamo afige alu ya alu yaʼapieʼmo apakesamo afige nehiya kavaʼmo kanale kavaʼmo nosae. Ani agufa kavaʼmo nehaya vayaʼmogi aise miyaʼmo alisayafeʼmo hosu kavaʼmo afaʼa hugae.

Napa 14:36

Apakaemo ani mopamo ageteʼa esayafeʼmo Moseseʼmo alino apateʼnigeʼa uteʼa atagineʼa eʼa aigofe gemo huʼnageʼapaeʼmo muki Isaleli vayaʼmogi Ala kava nefeʼmo ge hauʼnayaʼmofeʼmo Ala kava neʼmo mopaeʼmo aigofe gemo huʼnaya vayaʼmo alopa kaita kayoʼmo apamiʼnigeʼa faliʼnae.

Napa 16:11

Lapakaemo alita anupa hutapa maiʼnetapaeʼmo Ala kava netegamo hosu kavaʼmo nehae. Eloniʼa ina laʼmo maiʼnifi hutetapa ge hauʼnae.

Napa 16:41

Egaʼamo muki Isaleli vayaʼmogimo Moseseʼe Eloniʼefeʼmo ge hanauʼnaʼae. Ge hanauʼanaeʼmo, Lanakaemo Ala kava neʼmo vayaʼamo kamitimo apamagiʼnaʼae, huʼa huʼnae.

Luki 15:2

Falasi vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo hagalu hagalu huʼa gemo hauʼapaeʼmo, ani vekamoʼmo hosu vayaʼmo alino falu fala huno apateteno apakaeʼeʼmo magokepi lokaeno maiʼneno neʼyaʼmo neʼne, huʼa huʼnae.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 5:30

Falasi vayaʼe Falasi vayapati vayaʼmogimo keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apaketeʼapaeʼmo geʼamo neʼafiya vayaʼaifeʼmo hagalu hagalu huʼa gemo huʼapaeʼmo, na kava higetapaeʼmo takesi moni neʼaliya vayaʼe hosu vayaʼeʼmo magokepi lokaeta maiʼnetapa neʼyaʼe aniʼeʼmo neʼnae, huʼa ge huʼa apafi geʼnagenoʼaeʼmo

Yoni 6:41

Yesuʼa hunoʼaeʼmo, kokuʼnapatiʼmo emiʼneʼniya peleti mayagana huʼna maiʼnove, huno hapa paiʼniyaʼmofeʼmo aepa faiʼa hagalu hagalu huʼa ge hauʼnae.

Yoni 6:61

Yesuʼa agaiʼa aipafiʼmo agesa afinoʼaeʼmo geʼnimo neʼafiya vayaʼmogi huʼnova geeʼmo hagalu hagalu gemo nehae, huno apaketenoʼaeʼmo, mani huva gemoʼmo aneʼaifiʼmo hegekana huno lapatafauʼnifiye.

1 Kolitiyani 10:10

Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.

Galesiya 5:16

Ani geeʼmo huʼnaeʼmo, Goti Aunemeʼamoʼmo hauʼnisiya kavaʼmo akame hutapa maigenoʼao atafa lapaipamoʼmo haʼye nehiya kavaʼmo afole aiteno ko osigiyanagi.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Filipai 2:14

Muki kavaʼmo nehutapaeʼmo hosu lapaugosamo kaliʼnetapa hagalu hagalu hutapa ge oʼvaiyo.

1 Tesaloniyani 4:5

Malaga vayaʼmo Gotiʼa oʼageʼnaya vayaʼmogimo apakufamoʼmo hauʼniya agufa kavaʼmo huʼa hapaʼye nehigeʼapaeʼmo aʼmo neʼaliya agufa kavaʼmo osiyo.

1 Timoti 6:5

Apaipa apakesamoʼmo kasaliʼniya yakana agufa apakesamo afiteʼa lama gemo oʼaliʼa ataleʼa alu ge alu gemo huteʼapaeʼmo afa gemo nehae. Mono kavatiletiʼmo akamelegamo magoʼe yaʼmo aligune, huʼa apakesamo neʼafiye. Ani agufa vayaʼmo maika halove huka apato.

2 Timoti 4:3

Henagaʼamo kaita haugekana huno ohaneʼneno vayaʼmo alino hapageno neʼapateya geeʼmo ohapaugiyaʼmofeʼmo ani agufa gemo alika apaya malo. Apakaiʼapi nehapaiya kavaʼmo akame huteʼa hapauʼniya gemo afisayafeʼmo aliʼa apaya neʼmalaya vayaʼmo apavaleliʼa ete ete hugae.

1 Pita 1:14

Lapakaemo gemo neʼafiya mafaʼnegana hutapageʼmo maiyo. Hogotetapa Goti geʼamo oʼafiʼnetapaeʼmo amega lapakufamoʼmo hauʼniya kavaʼmo akame hutapa maiʼnayaʼmonanafa hemenimo lapakaefeʼmo keya aeno ge huʼniya vekamo alagepa aote vekamo maiʼniya kava hutapa muki kavaʼamo nehutapaeʼmo alagepa lapaote vayaʼmo maiyo.

1 Pita 2:11

Nahauʼniya vayaʼnimogitapae, huʼna, amega lapakufamoʼmo hauʼniya kavaʼmoʼa lapakupi mafaʼneeʼmo kame huno neʼate. Kalaga vayaʼmo maige etapa maige hutapa maiʼnayaʼmofeʼmo lapao ke hovanagi, ani kavafeʼmo haʼao, hutetapa osiyo.

1 Pita 4:2

Apakaemo hosu kavaʼapimo ago ataleʼnayaʼmofeʼmo ma mopafiʼmo maime maime neʼeʼapaeʼmo hapaʼye nehiya kavaʼmo ataleʼa Gotiʼa hauʼniya kavakeʼmo akame hisaya kavaʼmo haneʼniye.

2 Pita 2:10

Ani kava huno apakufamoʼmo hauʼniya kavaʼmo akame huteʼa kumai kavaʼmo huge muki yagaiʼa neʼapataya vayaʼai geʼapimo oʼafige nehaya vayaʼmo magoʼe huno lusi hanageke yaʼmo apamigiye. Ani agufa aigofe tisa vayaʼmogi koli osuʼa lusi himuʼnamu kavaʼmo huteʼa ala apaki vayaʼaifeʼmo apakesamo oʼafiʼa huʼa faipa huʼa neʼapatae.

2 Pita 2:18

Apakaemo falo gefatiʼmo huteʼapaeʼmo himuʼnamu kavaʼmo huteʼa afa hosu gemo nehae. Nehuʼapaeʼmo kumai kavaʼmo hisayafeʼmo amega apakufamoʼmo hauʼniya hosu kavaʼmo nehaya vayaʼaitegatiʼmo faiʼa kasalo paeʼa eʼnaya vayaʼai apayateʼmo neʼaliye.

2 Pita 3:3

Hogotetapa mani gemo alagepa hutapa afiyo. Mago vayaʼmogi huʼapaeʼmo, ina agufa gemo haneʼniye, huʼa huteʼa huʼa faipa huʼa atesaya vayaʼmo henagaʼamo hano hugefe hisiya afinaʼmo afole aiteʼa apakufamoʼmo hauʼniya kavaʼmo akame hugae.

Yuti 1:15

Muki vayaʼmo agoti huno apateteno agaefeʼmo mono nosaya vayaʼai apaipafatiʼmo mono nosaya hosu kavaʼapimo alino apave liteno mono nosaya vayaʼmogi lokiya geʼapimo kame huʼa ateʼnaya geʼapimo alino apave lisigeʼapaeʼmo hosu kavaʼmo huʼnone, huʼa hisayafeʼmo eminegaiye.

Yuti 1:18

Apakaemo, mago vayaʼmogimo henagaʼamo Goti geʼaeʼmo kigi huteʼa mono osuʼa apakufamoʼmo hauʼniya kavakeʼmo hugae, huʼa ago lapa paiʼnae.