Yuti 1:15 - The Keyagana NT and 25 OT books

¹⁵ Muki vayaʼmo agoti huno apateteno agaefeʼmo mono nosaya vayaʼai apaipafatiʼmo mono nosaya hosu kavaʼapimo alino apave liteno mono nosaya vayaʼmogi lokiya geʼapimo kame huʼa ateʼnaya geʼapimo alino apave lisigeʼapaeʼmo hosu kavaʼmo huʼnone, huʼa hisayafeʼmo eminegaiye.

Yuti 1:15 ပူးပေါင်းရင်းမြစ်များ

Samu 139:20

Apakaemo kagaefeʼmo hosu gemo huteʼa huʼa faipa huʼa nekatae.

Samu 149:9

Gotiʼa kayoʼmo apamiyo, huno huʼniya agufa kavaʼmo hugae. Muki apaote vayaʼmogi ani agufa ala apaki aliʼyaʼmo aligae. Ala kava neʼmo agiʼaleʼmo alita asaga hiyo.

Samu 31:18

Fatago vayaʼaifeʼmo aigofe himuʼnamu gemo nehaya geʼapimo alika hano huka apatalo.

Samu 37:6

Lapa maesigenoʼaeʼmo alagepa kavatapimo yegekana huno aeno ha legaiye. Ani kava huno fatago kavatapimo vayaʼai apaulagaleʼmo alino afole aino ategaiye.

Samu 73:9

Kokuʼnapi maiʼniya Gotifeʼmo huʼa faipa huʼa neʼatae. Hosu geʼapimoʼmo aino atagu faeno uneno huʼniye.

Hatu maeno apate'niya gemae 16:8

Moseseʼa magoʼe gemo hapa painoʼaeʼmo, Ala kava neʼmoʼa agaefeʼmo hagalu hagalu hutapa ge hauʼnaya gemo ago afiʼniyaʼmofeʼmo Ala kava neʼmoʼa asole ameʼamo uneʼmo lapamige netepiʼmo netapa lapamu hutetapa maisaya agufa peleti mayamo lapamige hugiye. Laʼagaemo ina lataʼamo maiʼnoʼae. Lapakaemo laʼagaefeʼmo hagalu hagalu hutapa ge nolahaʼaʼmonanafa Ala kava nefekeʼmo ge nehae, huno hapa paiʼniye.

Neniyo 11:36

Mago kini vekamoʼmo hauʼnisiya kavaʼmo hugiye. Agaemo muki gotigimo aeʼna apaka seʼnove, huteno agaiʼa agiʼaleʼmo alino asagauno ategaiye. Agaemo alagi anaga Gotifeʼmo huno faipa huno ategaiye. Agaemo aliʼyaʼamo alime alime neʼvisigenoʼaeʼmo Gotiʼa aipamo leno apatesiya afinaʼmo hano hugiye. Gotiʼa afole aigiye, huno lekana pai maleʼniya kavaʼmo afole aigiyaʼmofeʼmae.

Neniyo 7:20

Agenopafiʼmo naya loleʼa lokiyaʼamo haneʼnigeno mago lokiyaʼmo ani folagapatiʼmo afole aiʼnigeʼapaeʼmo loleʼe magoʼe lokiyaʼamo asagauʼa aiʼnae. Ani aulagaʼe avayaʼeʼmo haneʼniya lokiyaʼmoʼa himuʼnamu gemo huʼniye. Ani lokiyaʼmoʼa mago lokiyaʼamo ago aeno apaka seno afole aiʼnigeʼa ageʼnae.

Yoni 5:27

Ani kava huno Mafaʼneʼamoʼmo alino fako huno apatesiyafeʼmo lekana paino ateʼniye. Vemo Mafaʼnemo maiʼniyaʼmofeʼmae.

Apa 17:31

Gotiʼa agoti huno apatesiya afinaʼmo lekana pai maleteno agoti huno apatesiya vekamo ago lekana paino ateʼniye. Lekana paino ateʼniya vekamoʼmo alagi lama geʼaletikeʼmo alino alagepa huno agoti huno apategaiye. Muki vayaʼmogimo ani kavatefeʼmo magoke apaipa apakesamo alisayafeʼmo Gotiʼa ani vekamo faliʼniyatetiʼmo ago alino he tino ateʼniye, huno hapa paiʼniye.

Lomu 14:10

He tiʼniyaʼmofeʼmo konagatapimogi nehaya kavaʼmo alita fako hutapa neʼapataya vayanagi na kava higetapaeʼmo ani kavaʼmo nehae. Konagatapimogifeʼmo ina agufa vayaʼmo maiʼnae, hutapa nehaya vayanagi na kava higetapaeʼmo ani kavaʼmo nehae. Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiyafeʼmo mukiʼamogita uta haita aulagaleʼmo he tita maigune.

Lomu 2:16

Gotiʼa agoti huno apatesiya afinaʼmo alagepa faigoko geʼnilefeʼmo Yesu Kalaisitetiʼmo huʼa fala kiʼa neʼatalaya kavaʼapimo alino fako huno apategaiye.

Lomu 2:5

Kaipamo alika afe oleʼnanaʼmonanafa kaipamoʼmo lokiya vaiʼnigeka afaʼa maiʼnekaeʼmo Gotiʼa aipamo leno nekateya kayoʼmo alo huka maleme maleme neʼanagenoʼaeʼmo ko nesiye. Gotiʼa aipamo leno neʼapateyanageno vayaʼai apaulagaleʼmo alino alagepa huno agoti huno apatesiya afinaʼmo mani kayoʼmo kamigiye.

1 Kolitiyani 4:5

Maiʼniyaʼmofeʼmo Gotiʼa Ala kava neʼmo eminesiya afinaʼmo lekana pai maleʼniyaʼmofeʼmo afole oʼaiʼniyanagi hogotetapa alita fako hutapa oʼapateyo. Agaemo eminenoʼaeʼmo hanipiʼmo huʼa fala nekiya kavaʼe apaipa nekaliya kavaʼapiʼeʼmo afole yateʼmo alino afole aino ategaiye. Ani afinaʼmo Gotiʼa muki vayaʼmogimo aliʼyaʼapimo aliʼnaya yatefeʼmo, alagepa aliʼyaʼmo aliʼnae, huno hapa paitesigeʼapaeʼmo apamete apamete huʼa hetamaʼapimo aligae.

1 Timoti 1:9

Afiʼnonaʼmonanafa Gotiʼa fatago vayaʼaitefeʼmo keʼaepa geʼamo osuʼnifa hosu kavaʼmo nehaya vayaʼaitefekeʼmo hu maleʼniye. Keʼaepa gemo amagiʼa ataleteʼa noʼafiya vayaʼaitefenagi mono osuʼa hosu kavaʼmo nehaya vayaʼaitefenagi apaote kavaʼmo osuʼa ma mopafi kavaʼmo akame nehaya vayaʼaitefenagi itaʼapi afoʼapimogi kamitimo neʼapamagiya vayaʼaitefenagi vayaʼmo nehapaya vayaʼaitefenagi huno hu maleʼniye.

Yuti 1:16

Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.

Leveleseni 13:11

Inagi ageʼnovana mago alu afela afumo ma mopafatiʼmo afole aiʼnigeʼna ageʼnove. Lole lokiyaʼamo aikeli sipisipimo lokiyaʼalakana huno haneʼnigeno nagaloʼyavemoʼa nehiya agufa gemo huʼniye.

Leveleseni 22:20

Ani kavafeʼmo ava gemo huʼna hapa nepauva vekamoʼnamo, He, huʼna, aise afinaʼmo utesigeʼna emiʼnegauve, huʼna hapa paiʼnove, huno hapa paiʼnigeʼa, He, lama ge. Ala kava neʼmo Yesugamo emikeno, huʼa ha paiʼnae.

1 Samiyo 2:3

Ala kava neʼmoʼa alagi ageno alagepa huʼniya Gotiʼa maiʼneno kavatimo alino fako nehiyaʼmofeʼmo lapakaitapi lapakitapileʼmo alita neʼasagaya gemo huge himuʼnamu gemo huge osiyo.