Yoni 9:3 - The Keyagana NT and 25 OT books

³ Yesuʼa hunoʼaeʼmo, ani kavaʼmo aepaʼamo haneʼniyana agaiʼamo huʼniya hosu kavaʼmoʼa ohanege itaʼafoʼalaʼmogani huʼnaʼa hosu kavaʼanimoʼa ohanege huʼniyaʼmonanafa Goti himamuʼamo agaeteʼmo afole aisigeʼa muki vayaʼmogi agesayafeʼmo ani kavaʼmo huʼniye.

Yoni 9:3 ပူးပေါင်းရင်းမြစ်များ

Matiyu 11:5

Apaulagamo ali huʼniya vayaʼmo ageʼa ayakege apaiyamo hosuʼniya vayaʼmo alagepa huʼa uʼeʼa huge lepolosi kaitaʼmo hapauʼniya vayaʼmo alagepa apakufamo hanege apakesamo akaniʼniya vayaʼmogimo gemo alagepa huʼa afige faliʼnaya vayaʼmo he tige kagemi yaʼapimo ohaneʼniya vayaʼaifeʼmo alagepa faigoko gemo aeʼna hakalo huʼna hapa nepaugeʼa afige nehae, hutapa uta ha paiyo.

Yoni 11:4

Yesuʼa ani gemo afitenoʼaeʼmo, ani kaitaʼmo falisiya agufa kaitaʼmo ohauʼnifa Goti ha le konali yaʼamo ageteʼapaeʼmo agiʼaleʼmo aliʼa asaga huge Goti mafaʼneʼamo agiʼaleʼeʼmo aliʼa asaga huge hisayafeʼmo ani kaitaʼmo hauʼniye, huno hapa paiʼniye.

Yoni 11:40

Yesuʼa hunoʼaeʼmo, kagesamo afika fatago huʼnisanaʼmoʼmo Goti ha le konali yaʼaʼe himamuʼaʼeʼmo agegane, huʼna kaha opaiʼnofiye, huno ha paiʼnigeʼapaeʼmo

Apa 28:4

Maiʼnigeʼa Moleta kotega vayaʼmogimo ageteʼapaeʼmo, Ani vekamoʼmo mago vayaʼmo nehapaeya vekamo maiʼnegaiye. Anipatiʼmo faino kasalo paeʼniyaʼmonanafa mago gotiʼa alino fako huno neʼapateya gotiʼa hunoʼaeʼmo, faligiye, huno huʼniye, huʼa huʼnae.

Apa 4:21

Kanisole vayaʼmogi ani gemo afiteʼapaeʼmo anamagisayafe huʼnayana muki vayaʼmogi afole aiʼniya kavafeʼmo Goti agiʼaleʼmo aliʼa asaga huʼnayaʼmofeʼmo anakufaleʼmo mago hosu hanageke yaʼmo anamisaya kaʼmo oʼageʼa anataleʼnageʼana uʼnaʼae.

1 Yoni 4:16

Gotiʼa lagaefeʼmo hau ayamopafiʼmo hauʼniye, huta afitetaeʼmo ani kavafeʼmo lagesamo afita fatago nehune. Gotiʼa hau ayamopafiʼmo nehaiya vekamo maiʼniye. Hau ayamopafiʼmo hauʼniya kavapiʼmo alagi maiʼnisaya vayaʼmo Gotipiʼmo alagi maiʼnageno Gotiʼa apakaepiʼmo alagi neʼmaiye.

1 Yoni 4:9

Gotiʼa Yesutetiʼmo afaʼa maisuna yaʼmo alisunafeʼmo aiya magoke mafaʼneʼamo alino ateʼnigeno ma mopafiʼmo emineʼniye. Gotiʼa ani kavatetiʼmo lagaefeʼmo hau ayamopafiʼmo hauʼniya kavaʼamo alino lave liʼniye.