Yoni 9:24 - The Keyagana NT and 25 OT books

²⁴ Apakaemo halate ani hogoteno aulagalaʼmo ageno aya okeʼniya vekaeʼmo ge huʼnageno eʼnigeʼapaeʼmo, kagaemo kagaikageʼmo Gotiʼmo ala agiʼamo amiyo. Lagaemo ani vekamo ago ageʼnonana hosu kavaʼmo nehiya vekamo maiʼnigeta ageʼnone, huʼa ha paiʼnagenoʼaeʼmo,

Yoni 9:24 ပူးပေါင်းရင်းမြစ်များ

Esala 10:11

Inagi afiyo. Lapakaemo Ala kava neʼmo lapakinago vayaʼmogi Gotiʼapimofeʼmo hosu kavatapimo aeta hakalo hutetapa Gotiʼa hauʼniya kavaʼmo hiyo. Lapakaemo malaga vayaʼmo ma mopafiʼmo maiʼnaya vayaʼeʼmo afalu afalu kavaʼmo huta oʼmaita lapaote maiʼnetapa ani malaga aʼne anagaʼmo aliʼnaya aʼnemo hapa faitapa apataleyo, huno hapa paiʼniye.

Aiyeya 66:5

Aiyeyaʼa hunoʼaeʼmo, Ala kava neʼmo geʼamo afitetapaeʼmo atete nehaya vayane, huʼna, Ala kava neʼmo geʼamo afiyo. Lapakaemo nagiʼnilefeʼmo geʼnimo akame nehayaʼmofeʼmo lapakaefeʼmo apaini nehaya vayatapimogimo lahapafaiʼa lapataleteʼapaeʼmo, Lapakaemo afaʼa lataletapa vigenoʼao Ala kava neʼmoʼa ala agiʼamo alino, huʼa nehayaʼmonanafa lapakaemo agaemo lahapa maesiyafeʼmo agetetapaeʼmo lapamogaga aisageno apavagage hugiye.

Maki 15:27

Lole vekalaʼmoganimo vayaʼmo apamagiteʼana kumayaʼmo neʼaliʼa vekalaʼmo agaeʼeʼmo malipu yosaleʼmo nili aiteʼa mago vekamo lamaga haopaleʼmo aliʼa he tiʼa ateteʼa mago vekamo hoga haopaleʼmo aliʼa he tiʼa ateʼnae.

Luki 15:2

Falasi vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo hagalu hagalu huʼa gemo hauʼapaeʼmo, ani vekamoʼmo hosu vayaʼmo alino falu fala huno apateteno apakaeʼeʼmo magokepi lokaeno maiʼneno neʼyaʼmo neʼne, huʼa huʼnae.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 7:39

Yesufeʼmo hunoʼaeʼmo, eno, huno ge huʼniya Falasi vekamoʼmo agetenoʼaeʼmo, ani vekamo Gotitegati gemo alinineno aeno hakalo huno hapa nepaiya vekamo maiʼniyesinana haiya agufa a kanomoʼmo eno name neʼalifi huno ageteno hosu kavaʼmo nehiya a kanomo maiʼniye, huno ageʼniyesine, huno aipafiʼmo agesamo afiʼniye.

Yoni 14:30

Ma mopafi vayaʼaiteʼmo yagaino neʼapateya vekamo ago neʼeyaʼmofeʼmo yatala gemo lapa opaiguve. Ago neʼeyaʼmonanafa agae yaʼmo naipafiʼmo ohaneʼniyaʼmofeʼmo afaʼa yagaino oʼnategaiye.

Yoni 16:2

Apakaemo mono nokoʼapifatiʼmo aliʼa lapa faiʼa lapatalete lapataletekeʼmo hugae. Mago afinaʼmo afole aisigeʼapaeʼmo kamiti lapamagiteʼapaeʼmo, Goti aliʼyaʼamo alagi neʼalune, huʼa apakesamo afigae.

Yoni 18:30

hosu kavaʼmo osuʼniyesinana kagaetegamo afaʼa avalelita oʼmeʼnonesine, huʼa ha paiʼnagenoʼaeʼmo,

Yoni 19:6

Mono huʼa neʼapataya vayaʼaiteʼmo yagaiʼa neʼapataya vayaʼe alopa mono noteʼmo neʼyagaiya ati vayaʼmogiʼeʼmo ageteʼapaeʼmo, malipu yosaleʼmo nili aiteka alika he tika ato. Malipu yosaleʼmo nili aiteka alika he tika ato, huʼa alopa gefatiʼmo huʼnagenoʼaeʼmo Pailatiʼa hunoʼaeʼmo, amagisuva kavaʼmo aepaʼamo oʼageʼnovanagi lapakaitapigeʼmo avalelituta malipu yosaleʼmo nili aitetapa alita he tita ateyo, huno hapa paiʼniye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 8:46

Lapakaepatiʼmo haiya vekamoʼa hosu kavaʼnimo alino nave ligiye. Lama gemo nehisuvana na kava higetapaeʼmo alagi lama gemo nehiye, hutapa nosae.

Yoni 8:49

mago hosu aune vekamo naipafiʼmo oʼmaiʼniye. Nagaemo Afoʼnimo agiʼaleʼmo aliʼna asaga huʼna neʼatovaʼmonanafa lapakaemo nagiʼnileʼmo alita afepi neʼnatae.

Yoni 9:16

Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.

Yoni 9:25

nagaemo hosu kavaʼmo nehisiya vekamo maiʼnisifi huʼna oʼageʼnove. Magoke kavaʼamo alagi ageʼnovana hogoteʼna naulagalaʼmo ageʼna aya okeʼnova vekamo maiʼnovaʼmonanafa hemenimo ageʼna ayakeʼnove, huno hapa paiʼnigeʼapaeʼmo,

Lomu 8:3

Atafa laipamo haneʼnigenoʼaeʼmo keʼaepa gemo akame hisuna himamutimo ohaneʼniyaʼmofeʼmo keʼaepa gemoʼa afaʼa laha oʼmaeʼniyaʼmofeʼmo Gotiʼa laha maeno hosu kavatilefeʼmo agaiʼa mafaʼneʼamo alino ateʼnigeno emineno hosu kavaʼmo nehaya vayaʼai apakufagana agufamo aliʼnigenoʼaeʼmo Gotiʼa Kalaisi agufafiʼmo hosu kavatilefeʼmo agoti huno ateteno amagiʼniye.

2 Kolitiyani 5:21

Na kava higetaene. Lagaemo Kalaisipiʼmo maiʼnetaeʼmo Goti fatago kavaʼamo hamalesunafeʼmo Gotiʼa hosu kavaʼmo alagi osuʼniya vekamo alino hamaleno ateʼnigeno hosu kavaʼmo hamaleʼniye.

Yasuva 7:19

Yasuvaʼa Ekanifeʼmo ha painoʼaeʼmo, Mafaʼneʼnimogae, huno, kahao ke hovanagi, Kagaemo Ala kava neʼmo Isaleli vayaʼmogita Gotitimofeʼmo hosu kavakaeʼmo ha paiteka ala agiʼamo amiyo. Hemenimo hosu kavakaeʼmo naha paiyo. Ati kaeka oʼnato, huno huʼnigenoʼaeʼmo

Leveleseni 11:13

Anakeʼnagenoʼaeʼmo lusi imimaʼmo aliʼnigenoʼaeʼmo naya loleʼa taonifatiʼmo magoke taonimo magokayaga atupalega asagauno aiʼnigeʼapaeʼmo seveni tauseniʼa vayaʼmo faliʼnae. Faliʼnageʼapaeʼmo afaʼa maiʼnaya vayaʼmogimo lusi kava huno apamoʼya aiʼnigeʼa kokuʼnapi Goti agiʼaleʼmo aliʼa asaga huʼa ateʼnae.