Yoni 9:16 - The Keyagana NT and 25 OT books

¹⁶ Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.

Yoni 9:16 ပူးပေါင်းရင်းမြစ်များ

Matiyu 12:10

Mago vekamo ayaʼmo aeno ape leʼniya vekamo ani nopiʼmo maiʼniye. Mago vayaʼamogimo agoti huʼa atesayafeʼmo, mago vekamoʼa Sapati afinaʼmo kaita hauʼnisiya vekamo alino hageno atesiyaʼmoʼmo keʼaepa gemo amagino ataleʼnifiye, huʼa ge huʼa afi geʼnae.

Matiyu 12:2

Falasi mono vayaʼmogimo apaketeʼapaeʼmo Yesufeʼmo huʼapaeʼmo, Apako, huʼa, gekamo neʼafiya vayaʼmogimo Sapati afina keʼaepa gemo ago amagiʼa neʼatalae, huʼa ha paiʼnagenoʼaeʼmo,

Luki 13:14

Ateʼniyaʼmonanafa Yesuʼa Sapati afinaʼmo alino api aino ateʼniya kavafeʼmo monoteʼmo neʼyagaiya vekamoʼmo aipamo leʼnigeno muki vayaʼaifeʼmo hunoʼaeʼmo, sigisiʼa afinaʼmo aliʼyaʼmo alisaya afinaʼmo haneʼniyaʼmofeʼmo alino alagepa huno lapatesiyafeʼmo sapati afinaʼmo oʼmeta alu afinakeʼmo eyo, huno hapa paiʼnigeno

Yoni 10:19

Ani gemo afiʼnagenoʼaeʼmo halate alino fako huno apateʼniye.

Yoni 14:11

Muki yaʼmo Afoʼamopiʼmo maiʼnogeno muki yaʼmo Afoʼamoʼmo nagaepiʼmo maiʼniye, huʼna nehuva geeʼmo lapakesamo afita fatago hiyo. Nehuva geeʼmo lapakesa afita fatago nosisayana lokiya kavaʼmo nehuva kavaʼmo agetetapaeʼmo lapakesa afita fatago hiyo.

Yoni 15:24

Nagaemo apakaetegamo emineʼna vayaʼmogi nosaya agufa kavaʼmo osuʼnovesinana apakameʼyamo oʼnamisageno hosu kavaʼapimo ohaneʼniyesinaʼmonanafa huʼnova kavaʼmo ago ageteʼapaeʼmo nagaeʼe Afoʼnimoʼefeʼmo apaini huʼnae.

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 5:10

Yu vayaʼmogimo ageteʼapaeʼmo, lagae keʼaepa gemoʼa hunoʼaeʼmo, yakaikonakamo aliteka neʼvana kavafeʼmo Sapati afinaʼmo ani kavaʼmo osiyo, huno ka akani maleʼniye, huʼa ha paiʼnagenoʼaeʼmo,

Yoni 5:36

Huʼnayaʼmonanafa nagaefeʼmo faigoko gemo huno naha maeno nehiya gemoʼa Yoniʼa huʼniya gemo aeno agaseʼniye. Nehuva kavaʼmo muki yaʼmo Afoʼamoʼmo huvo, huno naha paiʼnigeʼna nehuva kavaʼmoʼa nagaefeʼmo faigoko gemo huno naha maeno nehiya gemoʼa hunoʼaeʼmo, Muki yaʼmo Afoʼamoʼmo alino ateʼnigeno emineʼniye, huno alino apave neliye.

Yoni 6:52

Hapa paiʼnigeʼa afiteʼapaeʼmo apakaiʼapimo ge vaiteʼapaeʼmo, Ani vekamo ameʼamo nesunafeʼmo haiya kava huno lagauno lamigiye, huʼa huʼnae.

Yoni 7:12

Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

Yoni 7:23

Lapakaemo Mosese keʼaepa gemo amagitapa oʼatalesayafeʼmo mafaʼne anagaʼai apakufamo lagauta neʼapatae. Sapati afinaʼmo apakufamo lagauta neʼapatayaʼmonanafa nagaemo Sapati afinaʼmo mago vekamo muki agufaʼamo alagi aliʼna alagepa huʼna ateʼnovaʼmofeʼmo na kava higetapaeʼmo lapaipamo letapa neʼnatae.

Yoni 7:43

Ani gemo huteʼa aliʼa fako huʼa apaote apaote huʼa maiʼnae.

Yoni 9:24

Apakaemo halate ani hogoteno aulagalaʼmo ageno aya okeʼniya vekaeʼmo ge huʼnageno eʼnigeʼapaeʼmo, kagaemo kagaikageʼmo Gotiʼmo ala agiʼamo amiyo. Lagaemo ani vekamo ago ageʼnonana hosu kavaʼmo nehiya vekamo maiʼnigeta ageʼnone, huʼa ha paiʼnagenoʼaeʼmo,

Apa 14:4

Ani taonifiʼmo maiʼnaya vayaʼmo aliʼa fako huʼa mago vayaʼamogimo Yu vayaʼai geʼapimo afiʼnageʼapaeʼmo mago vayaʼamogimo apa vekalaʼani geʼanimo afiʼnae.