Yoni 8:9 - The Keyagana NT and 25 OT books

⁹ Ani gemo afiʼnagenoʼaeʼmo yuʼilaga vekaʼapimoʼa hosu kavaʼapimo alino apave liʼnigeʼapaeʼmo muki vayaʼamo ataleʼa ute ute huʼnae. Hogoteʼa asole kafugamo maiʼnaya vayaʼmo utageʼapaeʼmo henagaʼamo aise kafugamo maiʼnaya vayaʼmo magoke magoke vayaʼmo ute ute huʼa uʼnae. Ataleʼa utageno Yesuʼa agaiʼageʼmo maiʼnigeno ani a kanomo he tino maiʼniye.

Yoni 8:9 ပူးပေါင်းရင်းမြစ်များ

1 Kini 17:18

Faliʼnigenoʼaeʼmo a kanomoʼmo Ilaiyafeʼmo hunoʼaeʼmo, Goti vekamogae, huno, na kava higekaeʼmo nagaetegamo ani kavaʼmo huʼnane. Nagaemo hosu kavaʼnieʼmo nagesamo afisugeka mafaʼneʼnimo amagisanafeʼmo eʼnapiye, huno ha paiʼniye.

Samu 40:14

Kagaemo naha maegeʼapao kamitimo namagisayafeʼmo nehaya vayaʼmo apavagage hisigeʼa negi nagi hiyo. Hosu yaʼmo namisayafeʼmo nehaya vayaʼmo apakamelegatiʼmo asagauʼa aiʼa heleve hisageno apakiʼapimo asagauno aino.

Samu 50:21

Ani agufa kavaʼmo huʼnageʼnaeʼmo ge osuʼna afaʼa maiʼnove. Lapakaemo nagaefeʼmo, lagaekana huno maiʼniye, hutapa lapakesamo afiʼnayaʼmonanafa hosu kavaʼmo huʼnae, huʼna lapa paiguve. Nagaemo hosu kavatapimo lapaulagaleʼmo aliʼna kale kaeʼna lapave liguve.

Luki 13:17

kame vayaʼamogi afiteʼa apavagage huʼniyaʼmonanafa muki vayaʼmogi noʼagaya agufa alagepa kavaʼmo huʼnigeʼa ageteʼapaeʼmo apamogaga aiʼnae.

Yoni 8:10

Yesuʼa he tino ageyana ani a kanomo agaiʼageʼmo maiʼnigeno agetenoʼaeʼmo, agoti huʼa katesayafeʼmo huʼnaya vayaʼmo haiyate maiʼnae. Mago vekamoʼa hosu a kanomo maiʼnane, huno huʼniya vekamo oʼmaiʼnifiye, huno afi geʼnigenoʼaeʼmo,

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Yoni 8:2

Egaʼamo kotilamiyapiʼmo halate atagi nenuno Yulusalemu taonifi alopa mono nopiʼmo uno haino maiʼnigeʼapaeʼmo agaetegamo eʼa aliʼa anupa huʼa maiʼnageno itopaleʼmo maiʼnenoʼaeʼmo aepa faino alino apaya maleʼniye.

Yoni 8:3

Alino apaya neʼmalegeʼapaeʼmo keʼaepa gemo avoʼmo kaeʼa aliʼa apaya neʼmalaya vayaʼe Falasi vayaʼmogiʼeʼmo mago a kanomo kumai kavaʼmo huʼnigeʼa ageʼnaya a kanomo avaleliʼeʼa muki vayaʼai apaulagaleʼmo aliʼa he tiʼa ateʼnae.

Yoni 8:8

halate ape huno mopaleʼmo avoʼmo kaeno maiʼniye.

Lomu 2:15

Apakaemo laipafiʼmo avoʼmo kae maleʼniya keʼaepa geʼamo haneʼniye, huʼa aliʼa apave neliye. Yuʼilaga vekaʼapimoʼa, mani kava hiyo, ina kava osiyo, huno hapa nepaiye. Apakaemo apakesa afiteʼapaeʼmo hosu kavaʼmo nehune, huʼa huge alagepa kavaʼmo nehune, huʼa huge nehae.

Lomu 2:22

Kumai kavaʼmo osiyo, huka nehanaʼmonanafa kumai kavaʼmo nehapiye. Kagaemo aigofe gotiʼapimogifeʼmo alagi okahauʼniyaʼmonanafa Gotifeʼmo kagesamo afika koli nosapiye.

1 Yoni 3:20

Yuʼilaga mafaʼnetimoʼmo, hosu kavaʼmo nehae, huno nehisigenoʼaeʼmo Gotiʼa yuʼilaga mafaʼnetimo ago aeno agaseno muki kavatimo ageʼniye.