Yoni 8:48 - The Keyagana NT and 25 OT books

⁴⁸ Yesuʼa ani gemo hapa paiʼnigeʼapaeʼmo, lagaemo kagaefeʼmo hutaeʼmo, Sameliya vekamo maiʼnigeno hosu aune vekamo aipafiʼmo maiʼniye, huta nehune. Lama gemo nosupiye, huʼa afi geʼnagenoʼaeʼmo,

Yoni 8:48 ပူးပေါင်းရင်းမြစ်များ

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Aiyeya 53:3

Vayaʼmogimo huʼapaeʼmo, ina agufa vekamo maiʼniye, huʼa huteʼa apakameʼyamo amiʼnae. Kana yaʼmo neʼaliya vekamo maiʼneno aipafiʼmo agafu kiʼniya kavaʼmo ago ageʼniye. Lagaemo oʼagesunafeʼmo laugosafiʼmo aita ati kaegekana huta maiʼnone. Lagaemo hutaeʼmo, ina agufa vekamo maiʼniye, huta huteta ala agiʼamo oʼamiʼnone.

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 10:5

Yesuʼa ani tuolofuʼa vayaʼmo alino apatetenoʼaeʼmo, Yu nofi vayapatiʼmo oʼmaiʼnisaya vayaʼaitegaʼe Sameliya vayaʼaitegaʼeʼmo oʼviyo.

Matiyu 11:18

Yoniʼa eno neʼyaʼe aniʼeʼmo oʼneno mosino maiʼnigeʼapaeʼmo ohapauʼnigeʼa hosu aune vekamo aipafiʼmo maiʼniye, huʼa huʼnae.

Matiyu 12:24

Huʼa huʼnageʼa Falasi mono vayaʼmogimo afiteʼapaeʼmo, hosu apaune vayaʼai ala kava neʼapimo Mielisemuliʼa himamuʼamo amiʼnigenoʼaeʼmo hosu apaune vayaʼmo alino hapa faino neʼapatale, huʼa huʼnae.

Matiyu 12:31

Ani kavatefeʼmo mani gemo lapa nepauve, huno, Gotiʼa muki alu hosu kava alu hosu kavaʼe huʼa faipa huʼa neʼapataya geʼeʼmo afaʼa alino atalegaiyaʼmonanafa Goti Aunemeʼaeʼmo huʼa faipa huʼa atesaya hosu geʼapimo alagi alino oʼatalegaiye.

Matiyu 15:7

Aeta ati nekaya vayanagi afiyo, Aiyeyaʼa Gotitegati gemo alinineno aeno hakalo huno hapa paiʼniya gemoʼmo lapakaefekeʼmo alagi lama gemo haneʼniye.

Yoni 1:19

Yu vayaʼmogi Yulusalemu taonifatiʼmo mono huʼa neʼapataya vayaʼe Livai nofi vayaʼeʼmo aliʼa apateʼnageʼa Yonitegamo eʼapaeʼmo, ina lagamae, huʼa ge huʼa afi geʼnae.

Yoni 10:20

Asole vayaʼmogi huʼapaeʼmo, hosu aune vekamo aipafiʼmo maiʼnigenoʼaeʼmo negi gemo nehiye. Na kava higetapaeʼmo geʼamo neʼafiye, huʼa huʼnageʼapaeʼmo

Yoni 13:13

Lapakaemo nagaefeʼmo nagi aetapaeʼmo, Tisao, hutapa nagi aege, Ala kava nene, hutapa nagi aege nehaya gemo he, ani agufa vekamo maiʼnovaʼmofeʼmo alagi lama gemo nehae.

Yoni 4:9

Yu vayaʼe Sameliya kotega maiʼnaya vayaʼeʼmo magokepiʼmo lokaeʼa oʼmaiʼnafa apaote apaote huʼa maiʼnayaʼmofeʼmo ani a kanomoʼa geʼaleʼmo aeno atagaina hunoʼaeʼmo, kagaemo Yu nofi vekamo maiʼnanageʼna nagaemo Sameliya a kanomo maiʼnovana na kava higekaeʼmo aniʼmo he fika namiyo, huka nehane, huno ha paiʼniye.

Yoni 7:20

muki asole vayaʼmogimo huʼapaeʼmo, kaipafiʼmo hosu aune vekamo maiʼniye. Ina laʼmo kamagisiyafeʼmo nehiye, huʼa afi geʼnagenoʼaeʼmo,

Yoni 8:22

Yu vayaʼmogimo apakaiʼapimo huʼapaeʼmo, visuva koteʼmo oʼugae, huno huʼniya gemo aepaʼamo na agufa gemo huʼniye. Agaiʼamo aneʼmu aesiyafeʼmo huʼnifi, huʼa huʼnae.

Yoni 8:52

Hemenimo lagaemo afiʼnonana hosu aune vekamo kaipafiʼmo maiʼniye, huta ago afiʼnone. Emalehamuʼa ago faliʼnigeʼa Gotitegati gemo alini eʼa aeʼa hakalo huʼa hapa nepaiya vayaʼmo ago faliʼnayaʼmonanafa kagaemo hukaeʼmo, geʼnimo akame nehaya vayaʼmo ofaligae, huka nehane.

Lomu 15:3

Kalaisiʼa agaiʼa hauʼniya kavaʼmo akame osuno ataleʼniya kavafeʼmo Goti mukufi gemoʼmo hunoʼaeʼmo, Huʼa faipa huʼa kateʼnaya gemo nagaeteʼmo asagauno aiʼniye, huno huʼniye.

Himulu 13:13

Apakameʼyamo amiʼnageno hosu vekagana huno maiʼnigeʼapaeʼmo lafi kegiʼya malagamo avaleliʼuʼa amagiʼnayaʼmofeʼmo apakameʼyamo lamisayafeʼmo agaetegamo lafi kegiʼya malagamo vigetao.

Yemisi 2:19

Kagaemo Gotifeʼmo magoke vekamo maiʼniye, huka kagesamo afika fatago huʼnana kavaʼmo kanalene. Nehanaʼmonanafa hosu apaune vayaʼmogiʼeʼmo Gotiʼa maiʼniye, huʼa apakesamo afiʼa fatago nehuʼapaeʼmo atete nehae.