Yoni 8:28 - The Keyagana NT and 25 OT books

²⁸ Inagi Yesuʼa hunoʼaeʼmo, lapakaemo Vemo Mafaʼnemo alita he titapa atetetapaeʼmo, Mesaiya vekamo maiʼniye, hutapa agegae. Agaiʼamo agesafatiʼmo agesa afino mago kavaʼmo osuʼnifa muki yaʼmo Afoʼamoʼa alino aya maleʼniya gemo hapa paiʼniye, hutapa nagegae.

Yoni 8:28 ပူးပေါင်းရင်းမြစ်များ

Hatu maeno apate'niya gemae 3:14

Gotiʼa ha painoʼaeʼmo, Maiʼnova agufa kavakeʼmo huʼna maiʼnovanageʼna ani kavakeʼmo huʼna maiguve. Kagaemo Isaleli vayaʼaifeʼmo, Maiʼniya agufa kavaʼmo huno maiʼniyanageno ani kavakeʼmo huno maiʼniya vekamoʼmo alino nateʼnigeʼna lapakaetegamo eʼnove, huka hapa paiyo, huno ha paiʼniye.

Matiyu 24:5

Asole vayaʼmogi nagiʼnimo aeliʼa neʼeʼapaeʼmo, Kalaisiʼnamo maiʼnove, huʼa huteʼa asole vayaʼmo humi apategayaʼmofeʼmae.

Maki 13:6

Asole vayaʼmogimo nagiʼnimo aeteʼapaeʼmo, nagaemo Kalaisinaʼmo neʼove, huʼa huteʼa asole vayaʼaina humi apategae.

Luki 21:8

humi olapatesayafeʼmo ehetapiye. Alagepa huta yagaiyo. Asole vayaʼmogi eʼa nagiʼnimo aeteʼapaeʼmo, Kalaisi vekamo maiʼnove, huʼa huge, ani afinaʼmo ago afole aiʼniye, huʼa huge hisagetapaeʼmo apakame osiyo.

Yoni 11:42

Muki afinaʼmo geʼnimo neʼafine, huʼna ago afiʼnove. Afiʼnovaʼmonanafa manileʼmo nagaeʼeʼmo magokepiʼmo lokaeʼa maiʼnaya vayaʼmogimo afiteʼapaeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo ani gemo nehuve, huno huteno

Yoni 13:19

Ani agufa kavaʼmo nagaetegamo afole oʼaiʼnigeʼnaeʼmo ago hogoteʼna mani gemo lapa nepauve. Afole aisigetapaeʼmo nagaefeʼmo, muki afinaʼmo neʼmaiya vekamo maiʼniye, hutapa lapakesamo afita fatago hisayafeʼmo hemenimo mani gemo lapa nepauve.

Yoni 16:10

Nagaemo Afoʼnimotega uʼna haisugetapaeʼmo alagi oʼnagegayaʼmofeʼmo fatago kavaʼnimo alino apave lisigeʼa agegae.

Yoni 18:32

Yesuʼa hogoteno hunoʼaeʼmo, ani agufa kavaʼmo huʼna faliguve, huno huʼniya gemo afole aisiyafeʼmo ani agufa kavaʼmo afole aiʼniye.

Yoni 19:18

Ani haopalegamo malipu yosaleʼmo nili aiteʼa aliʼa he tiʼa ateʼnae. Lole vekalaʼeʼmo malipu yosaleʼmo nili aiteʼa aluga aluga haopalateʼmo aliʼa he tiʼa anateʼnageno Yesuʼa folagapiʼmo maiʼniye.

Yoni 3:11

Alagi lama gemo kaha nepauve, huno, afiʼnoʼa gemo lapa paitetaʼa ageʼnoʼa kavafeʼmo aetaʼa hakalo hutaʼa lapa nepauʼaʼmonanafa getiʼamo noʼafiye.

Yoni 3:14

Moseseʼa kaʼme kotegamo nagaloʼyavemo auneʼamo yosaleʼmo alino maleno nofi kiteno alino he tino ateʼniya agufa kavaʼmo huʼa Vemo Mafaʼnemo aliʼa he tiʼa ategae.

Yoni 4:26

Kaha nepaiya vekamo agaemae, huno ha paiʼniye.

Yoni 5:19

Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 5:30

Nagaiʼnimo nagesa afiʼna mago kavaʼmo afaʼa osuguve. Muki yaʼmo Afoʼamokeʼmo naha paiʼnigeʼna aliʼna fako huʼna neʼapatove. Nahauʼniya kavaʼmo akame osuʼna alino nateʼnigeʼna emineʼnova vekamoʼa hauʼniya kavaʼamo akame nehuvaʼmofeʼmo fatago kava huʼna aliʼna fako huʼna neʼapatove.

Yoni 6:38

Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Yoni 8:24

Ani kavatefeʼmo huʼnaeʼmo, hosu kavatapifikeʼmo maiʼnetapaeʼmo faligae, huʼna ago lapa paiʼnove. He, lapakaemo hutapaeʼmo, agaemo muki afinaʼmo neʼmaiya vekamo maiʼniye, hutapa nagaefeʼmo lapakesamo afita fatago osisayana hosu kavatapifikeʼmo maiʼnetapaeʼmo faligae, huno hapa paiʼniye.

Yoni 8:27

Apakaemo muki yaʼmo afoʼamofeʼmo ani gemo nehiye, huʼa oʼafiʼnae.

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo

Apa 2:41

Hapa paiʼniya geʼaeʼmo apakesamo afiʼa fatago huteʼa apamogaga aiʼnageʼapaeʼmo aniʼmo faleʼa apateʼnae. Ani afinaʼmo asole vayaʼmo tali tauseniʼa vayaʼmo Goti mafaʼnemo hamaleʼnageno Gotiʼa siosi vayaʼaʼeʼmo magokepi alino anupa huno apateʼniye.

Apa 4:4

Ani kavaʼmo huʼnayaʼmonanafa asole vayaʼmogimo geʼamo afiteʼapaeʼmo apakesamo afiʼa fatago huʼnageno vayaʼe ani afinaʼmo apakesamo afiʼa fatago huʼnaya vayaʼeʼmo napaʼapimo faefu tauseniʼa vayaʼmo maiʼnae.

Lomu 1:4

Aote aunemeʼaʼe vekamo maiʼniya kavatefeʼmo Gotiʼa agaiʼa himamuʼaletiʼmo, faliʼniyatetiʼmo ago alino he tino atetenoʼaeʼmo, mafaʼneʼnimo maiʼniye, huno alino apave liʼniye.