Yoni 8:24 - The Keyagana NT and 25 OT books

²⁴ Ani kavatefeʼmo huʼnaeʼmo, hosu kavatapifikeʼmo maiʼnetapaeʼmo faligae, huʼna ago lapa paiʼnove. He, lapakaemo hutapaeʼmo, agaemo muki afinaʼmo neʼmaiya vekamo maiʼniye, hutapa nagaefeʼmo lapakesamo afita fatago osisayana hosu kavatapifikeʼmo maiʼnetapaeʼmo faligae, huno hapa paiʼniye.

Yoni 8:24 ပူးပေါင်းရင်းမြစ်များ

Hatu maeno apate'niya gemae 3:14

Gotiʼa ha painoʼaeʼmo, Maiʼnova agufa kavakeʼmo huʼna maiʼnovanageʼna ani kavakeʼmo huʼna maiguve. Kagaemo Isaleli vayaʼaifeʼmo, Maiʼniya agufa kavaʼmo huno maiʼniyanageno ani kavakeʼmo huno maiʼniya vekamoʼmo alino nateʼnigeʼna lapakaetegamo eʼnove, huka hapa paiyo, huno ha paiʼniye.

Mai'naya kavane 8:36

Nagaetegamo hosu kavaʼmo nehisiya vekamoʼmo agaiʼa aunemeʼamo alino hosu huno neʼate. Nagaefeʼmo nohapaiya vayaʼmo falisaya kavafeʼmo nehapaiye.

Matiyu 24:5

Asole vayaʼmogi nagiʼnimo aeliʼa neʼeʼapaeʼmo, Kalaisiʼnamo maiʼnove, huʼa huteʼa asole vayaʼmo humi apategayaʼmofeʼmae.

Maki 13:6

Asole vayaʼmogimo nagiʼnimo aeteʼapaeʼmo, nagaemo Kalaisinaʼmo neʼove, huʼa huteʼa asole vayaʼaina humi apategae.

Maki 16:16

Muki vayaʼmogimo apakesamo afiʼa fatago huteʼa aniʼmo falesagenoʼaeʼmo Gotiʼa apakufamo alino katino apategaiye. Apategaiyaʼmonanafa muki vayaʼmogimo apakesamo afiʼa fatago osisayaʼmoʼmo Gotiʼa agoti huno apatetenoʼaeʼmo, hosu vayane, huno hugiye.

Luki 21:8

humi olapatesayafeʼmo ehetapiye. Alagepa huta yagaiyo. Asole vayaʼmogi eʼa nagiʼnimo aeteʼapaeʼmo, Kalaisi vekamo maiʼnove, huʼa huge, ani afinaʼmo ago afole aiʼniye, huʼa huge hisagetapaeʼmo apakame osiyo.

Yoni 13:19

Ani agufa kavaʼmo nagaetegamo afole oʼaiʼnigeʼnaeʼmo ago hogoteʼna mani gemo lapa nepauve. Afole aisigetapaeʼmo nagaefeʼmo, muki afinaʼmo neʼmaiya vekamo maiʼniye, hutapa lapakesamo afita fatago hisayafeʼmo hemenimo mani gemo lapa nepauve.

Yoni 3:18

Goti Mafaʼneʼaeʼmo apakesa afiʼa fatago nehaya vayaʼmo agoti huno apatetenoʼaeʼmo, hosu vayaʼmo maiʼnae, huno nosiyaʼmonanafa apakesamo afiʼa fatago nosaya vayaʼmo ago agoti huno apatetenoʼaeʼmo, hosu vayaʼmo maiʼnae, huno huʼniye. Apakesamo afiʼa fatago osuʼnayaʼmofeʼmae.

Yoni 3:36

Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Yoni 4:26

Kaha nepaiya vekamo agaemae, huno ha paiʼniye.

Yoni 8:21

Yesuʼa halate ina ge huno hapa paiʼniye. Nagaemo uʼna maisuva koteʼmo uta kahauya hutapa nagesayafeʼmo hugayana alagi hosu kavatapifiʼmo maiʼnetapaeʼmo faligae. Visuva koteʼmo afaʼa oʼugae.

Yoni 8:25

Apakaemo huʼapaeʼmo, ina lagae, huʼa afi geʼnagenoʼaeʼmo, aliʼyaʼnimo aepa faiʼna aliʼnova afinatetiʼmo ago lapa paime lapa paime eʼna hemeniʼeʼmo ani agufa gegeʼmo huʼna lapa nepauve.

Yoni 8:28

Inagi Yesuʼa hunoʼaeʼmo, lapakaemo Vemo Mafaʼnemo alita he titapa atetetapaeʼmo, Mesaiya vekamo maiʼniye, hutapa agegae. Agaiʼamo agesafatiʼmo agesa afino mago kavaʼmo osuʼnifa muki yaʼmo Afoʼamoʼa alino aya maleʼniya gemo hapa paiʼniye, hutapa nagegae.

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo

Apa 4:12

Mago alu vekamoʼmo lapakufamo alino katino lapatesiya vekamo oʼmaiʼnifa agaekeʼmo magokeʼage maiʼniye. Mago alu agiʼe vekamo oʼmaiʼniyaʼmofeʼmo Gotiʼa magoke vekamo agiʼamo ma mopafi vayaʼaina apamiʼniyanageʼa agimo aeʼa ge hisageno hapa maeno, huno hapa paiʼniye.

Himulu 12:25

Inagi ehetapiye, huʼna, ge nehisigetapaeʼmo geʼamo amagita oʼataletapa geʼamo alagepa hutapa afiyo. Gotiʼa ma mopafi Sainai aveletiʼmo ge huʼnigeʼapaeʼmo geʼamo oʼafiʼa amagiʼa ataleʼnaya vayaʼmo faiʼa kasalo opaeʼnayaʼmofeʼmo kokuʼnapatiʼmo ge nehisigetaeʼmo oʼafita lakameʼyamo neʼamisunana haiya kava huta faita kasalo paegaune.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.