Yoni 8:14 - The Keyagana NT and 25 OT books

¹⁴ Yesuʼa hunoʼaeʼmo, nagaiʼniekeʼmo ani faigoko gemo huʼna naha maeʼna nehuvaʼmonanafa he alagi lama gemo nehuve. Haiya kotegatiʼmo eʼnofi haiya kotegamo visufi huʼna ago ageʼnovaʼmofeʼmo alagi lama gemo nehuve. Lapakaemo haiya kotegatiʼmo eʼnofi haiya kotegamo visufi hutapa oʼnageʼnae.

Yoni 8:14 ပူးပေါင်းရင်းမြစ်များ

Mai'naya kavane 8:7

Muki geʼaʼnimo lama geʼageʼmo haneʼniye. Nagaemo aigofe kavafeʼmo alagi oʼnahaiye.

Napa 12:3

Ani vekamo Moseseʼmo agaiʼamo lusi kava huno alino afepiʼmo neʼateya agufa kavaʼmo huʼa muki ma mopafi vayaʼmogimo osuʼnae.

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 14:10

Nagaemo muki yaʼmo Afoʼamopiʼmo maiʼnogeno muki yaʼmo Afoʼamoʼmo nagaepiʼmo maiʼniye, huka kagesamo afika fatago osuʼnapiye. Lapa nepauva gemo nagaiʼni nagesafatiʼmo nagesa afiʼna lapa nopauvaʼmonanafa agaemo muki yaʼmo Afoʼamoʼmo nagaepiʼmo maiʼnenoʼaeʼmo aliʼyaʼamo neʼaliye.

Yoni 16:28

Nagaemo Afoʼnimotegatiʼmo ma mopafiʼmo emiʼneʼnove. Halate ma mopamo ataleʼna Afoʼnimotegamo uʼna haiguve, huno hapa paiʼnigeʼapaeʼmo

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 18:37

Pailatiʼa hunoʼaeʼmo, ani gemo huʼnanaʼmofeʼmo ala vekaʼapimo yagaika neʼapatana kini vekamo maiʼnapiye, huno afi geʼnigenoʼaeʼmo, he, ani gemo alagi lama gemo nehane. Itaʼnimoʼmo alino nateʼnigeʼnaeʼmo magoke kavaʼmo huʼna lama geleʼmo ha maesuvafeʼmo ma mopafiʼmo afole aiʼnove. Muki vayaʼmo lama gemo ao vayaʼmogi geʼnimo neʼafiye, huno ha paiʼnigeno

Yoni 5:31

Nagaemo nagaiʼnieʼmo faigoko geʼnimo huʼna naha maeʼna nehuva gemo lapa paisuvana alagi lama gemo haneʼniye, hutapa osugae.

Yoni 8:42

Nagaiʼnimo nagesamo afiʼna eminoʼmeʼnofa Gotiʼa alino nateʼnigeʼna eʼnove. Gotitegatiʼmo emiʼneʼnovaʼmofeʼmo Gotiʼa afotapimoʼa maiʼniyesinana nagaefeʼmo lapau lapayamopafiʼmo lapauʼniyesine.

2 Kolitiyani 11:31

Ala kava netimo Yesu Kalaisi Gotiʼamo Afoʼamofekeʼmo muki afinaʼmo aliʼa auleʼa neʼataya Gotiʼa hunoʼaeʼmo, aigofe gemo nosiye, huno nageʼniye.

2 Kolitiyani 12:11

Negi vekagana huʼna negi gemo huʼnovaʼmonanafa ani kavatefeʼmo alita he titapa nateʼnae. Naha maetapa nagiʼnileʼmo alita asaga hutapa nateʼnaesinana kanale kavaʼmo huʼnaesine. Afa vekamo maiʼnovaʼmonanafa hogoteʼa aeʼa apakaseʼnaya apa vayatapimogi aeʼa oʼnagaseʼnaya vekamo maiʼnove.

2 Kolitiyani 12:19

Lapakaemo mani gemo alita lekana paitetapaeʼmo, laulagaleʼmo halate apakaiʼapi hapa maesiya gemo nehae, hutapa lapakesamo neʼafifiye. Haʼao, Kalaisipiʼmo maiʼnetaeʼmo Goti aulagaleʼmo ani gemo nehune. Nahau nayamopafiʼmo nahauʼniya vayaʼnimogitapae, huʼna, muki kavaʼmo nehutaeʼmo lapa maesuna kavaʼeʼmo nehune.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.

Leveleseni 3:14

Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.