Yoni 7:7 - The Keyagana NT and 25 OT books

⁷ Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Yoni 7:7 ပူးပေါင်းရင်းမြစ်များ

1 Kini 21:20

Ha paiʼnigeno Ilaiyaʼmo Ehapitegamo uʼnigeno Ehapiʼmo Ilaiyafeʼmo ha painoʼaeʼmo, Kame vekaʼnimogae, huno, nagaefeʼmo kahauya hulikeka nageʼnapiye, huno huʼnigeno, Kagaeteʼmo hosu kavaʼmoʼa yagaino katesigeka Ala kava neʼmo aulagaleʼmo hosu kavaʼmo huka kalavusi aliʼyaʼamo alisanafeʼmo kagufamo maketi hu maleʼnanaʼmofeʼmo kagaefeʼmo kahauya huliʼneʼna kageʼnove.

Mai'naya kavane 15:12

Himuʼnamu kavaʼmo nehiya vekamoʼmo alino api aino atesiya gemo huʼniya vekaeʼmo ohauʼniyaʼmofeʼmo afiteʼa ageʼnaya vayaʼaitegamo oʼugiye.

Mai'naya kavane 8:36

Nagaetegamo hosu kavaʼmo nehisiya vekamoʼmo agaiʼa aunemeʼamo alino hosu huno neʼate. Nagaefeʼmo nohapaiya vayaʼmo falisaya kavafeʼmo nehapaiye.

Aiyeya 49:7

Ala kava neʼmoʼa Isaleli vayaʼmo miya faino hatu maeno neʼapateya aote Gotiʼapimoʼmo vayaʼmogimo alagi ohapauʼniya vekamo agae nofi vayaʼmogi alagi ohapauʼniya vekamo yagaiʼnaya vayamogi aliʼyaʼapimo neʼaliya vekaeʼmo ina gemo huno ha painoʼaeʼmo, Kini vayaʼmogimo kageteʼapaeʼmo kaulagaleʼmo he tigae. Ala vayaʼmogiʼeʼmo kagaefeʼmo mono hugae. Ala kava neʼmo Isaleli vayaʼmogi aote Gotiʼapimoʼmo aliʼyaʼamo oʼataleno fatago kavaʼmo nehiya Gotiʼa lekana paino kateʼniyaʼmofeʼmae.

Malakai 3:5

Ala kava neʼmo muki vayaʼaiteʼmo yagaino neʼapateya vekamoʼmo hunoʼaeʼmo, nagaemo emineʼna lapaopaleʼmo maiʼneʼna aliʼna fako huʼna lapategauve. Nagaemo hosu apaune vayaʼaifenagi kumai kavaʼmo nehaya vayaʼaifenagi, agoti huʼa apateʼapaeʼmo aigofe gemo nehaya vayaʼaifenagi aliʼyaʼmo afoʼamogimo aliʼyaʼapimo neʼaliya vayaʼmogi monimo lagauʼa neʼaliya vayaʼaifenagi kogu aʼne anagaʼmo humi apateteʼa moniʼapimo kumayaʼmo neʼaliya vayaʼaifenagi megusa mafaʼne anagaʼaitegamo hosu kavaʼmo nehaya vayaʼaifenagi alu kotegatiʼmo eʼnaya vayaʼmo aliʼa falu fala huʼa noʼapataya vayaʼaifenagi huʼna muki nehaya kavaʼapieʼmo agotileʼmo faigoko gemo huguve. Nagaefeʼmo koli huteʼa naiyafi oʼmaiʼnayaʼmofeʼmae, huno hapa paiʼniye.

Luki 6:26

Muki vayaʼmogimo lapakitapileʼmo aliʼa asagauʼa lapatesaya afinaʼmo vaehae, huʼna, kage kage hisaya kavaʼmo afole aigiye. Apakinago vayaʼmogimo ani kavaʼmo huʼa aigofe gemo alini eʼa aeʼa hakalo huʼa hapa nepaiya vayaʼmogi apakiʼapileʼmo aliʼa asagauʼa apateʼnae.

Yoni 17:14

Nagaemo kagae gemo aliʼna apamiʼnogeʼa aliʼnageʼapaeʼmo ma mopafi vayaʼmogimo apakaefeʼmo apaini huʼnae. Ma mopafi vayaʼmo oʼmaiʼnayaʼmofeʼmo apakaefeʼmo apaini huʼnae.

Yoni 3:19

Gotiʼa agoti huno apatetenoʼaeʼmo, hosu vayaʼmo maiʼnae, huno huʼniya gemo aepaʼamo haneʼniyana ha le yaʼamo ma mopafiʼmo ago afole aiʼniyaʼmonanafa vayaʼmogi ha le yafeʼmo apaini huʼa hani yafekeʼmo hapauʼniye. Hosu kavakeʼmo nehayaʼmofeʼmae.

Lomu 8:7

Atafa apaipamoʼmo hauʼniya kavapiʼmo maiʼnisaya vayaʼmogi Goti aiyafiʼmo oʼmaige Goti keʼaepa geʼamo oʼafige nehayanageʼa afaʼa oʼafigayaʼmofeʼmo Goti kame vayaʼamo maiʼnae.

Galesiya 4:16

Lama gemo lapa nepauvaʼmofeʼmo kame vekatapigeʼmo hamaleteʼna maiʼnofiye.

Yemisi 4:4

Veyalave kotalakemo amagitapa ataleʼnaya ve aʼnemogitapae, huʼna, ma mopafi vayaʼe kavaʼeʼmo aliʼa apao yaʼmo nehisaya vayaʼmogi Gotiʼmo kame huʼa neʼatae, hutapa oʼafiʼnafiye. Haiya vekamoʼmo ma mopafi kavaʼmo ao vekamo maisiyafeʼmo hauʼnifi agaiʼamo Goti kameʼamo hamaleʼniye.

1 Yoni 4:5

Apakaemo ma mopafi vayaʼmo maiʼnayaʼmofeʼmo ma mopafi kavafekeʼmo ava gemo huʼa hapa nepaigeʼapaeʼmo ma mopafi vayaʼmogi neʼafiye.