Yoni 7:52 - The Keyagana NT and 25 OT books

⁵² Kagaemo Galeliya kotega vekamo maiʼnapiye. Magoke vekamo Gotitegati gemo alinineno aeno hakalo huno hapa nepaiya vekamoʼa Galeliya kotegatiʼmo afole oʼaiʼniye. Kagaemo kahauya huka ageka lekana paika afiyo, huʼa ha paiteʼa

Yoni 7:52 ပူးပေါင်းရင်းမြစ်များ

Aepa Gemae 19:9

Apakaemo huʼapaeʼmo, alika ho huʼnegetao. Ani vekamo kalaga vekamoʼmo agaiʼamo he tino maiʼneno kavatimo alino fako hisiyafekeʼmo nehiye. Lagaemo lole vekalaʼanitegamo hosu kavaʼmo nehuta kagaetegamo magoʼe huta hosu kavaʼmo hugune, huʼa huteʼa apayamukiki huʼa aliʼa agoʼya failiʼa uʼa haiʼa kitamo maleʼa yakisaya agufa kavaʼmo huʼnae.

Hatu maeno apate'niya gemae 2:14

Ina laʼmo lagaeteʼmo yagaika lateʼneka agoti getimo afiteka alika fako huka latesana vekamo maigane, huteno lekana paino kateʼniye. Kagaemo Isipi vekamo kamitimo amagiʼnana kava huka nagaemo namagisanafeʼmo nehapiye, huno huʼnigeno Moseseʼa ani gemo afitenoʼaeʼmo, nagaemo huʼnova kavafeʼmo muki vayaʼmogimo ago afiʼnae, huno agesamo afiteno koli huʼniye.

Yoni 1:46

Natanieloʼa Filipifeʼmo hunoʼaeʼmo, Nasalasa taonifatiʼmo magoke alagepa yaʼmo afaʼa afole aigifiye, huno afi geʼnigenoʼaeʼmo Filipiʼa hunoʼaeʼmo, afaʼa uka ago, huno ha paiʼniye.

Yoni 5:39

Lapakaemo Goti Mukufiʼmo haneʼniya geeʼmo kahauya hutapa agege lekana paige hutapa maiʼnetapaeʼmo, alagepa huta maige maige huta maisuna yaʼmo aligune, hutapa lapakesamo neʼafiyaʼmonanafa ani gemoʼa nagaefekeʼmo huʼniye.

Yoni 7:41

Mago vayaʼamogi huʼapaeʼmo, Mesaiya vekamo maiʼniye, huʼa huʼnageʼapaeʼmo mago vayaʼamogi huʼapaeʼmo, haʼao, Mesaiya vekamo Galeliya kotegatiʼmo oʼmegaiye.

Yoni 7:53

ataleʼa noʼapilegamo uʼeʼa huʼnae.

Yoni 9:34

Itakamoʼmo alino kateʼnigekaeʼmo hosu kavapikeʼmo maiʼnanagi hemenimo kagaemo alika laya malesanafeʼmo nehapiye, huʼa huteʼa mono nopatiʼmo aliʼa hafaiʼa ataleʼnae.