Yoni 7:39 - The Keyagana NT and 25 OT books

³⁹ Yesuʼa Goti Aunemeʼamo agaefeʼmo apakesamo afiʼa fatago nehaya vayaʼmogi alisaya Aunemeʼaeʼmo ava gemo huno hapa paiʼniye. Ani afinaʼmo Yesuʼa he tino kokuʼnapiʼmo uno haino ha le konali yaʼamo oʼaliʼniyaʼmofeʼmo Goti Aunemeʼamo emi noʼmeʼniya afinaʼmae.

Yoni 7:39 ပူးပေါင်းရင်းမြစ်များ

Samu 68:18

O Ala kava nene, huʼna, Kagaemo muga anagamo uka haiʼnane. Kagaemo apatafauka kalavusi huka apateʼnana vayaʼmo apavalelika uka haiʼnane. Gotiʼa ma mopafi vayaʼaina apamisanafeʼmo fikumo kamiʼniye. Gekamo oʼafiʼnaya vayaʼeʼmo alisayafeʼmo kamiʼniye. Gotiʼmo Ala kava neʼmoʼa apakaeʼeʼmo magokepiʼmo lokaeno maisiyafeʼmae.

Mai'naya kavane 1:23

Nagaemo huʼnaeʼmo, lapakaemo hosu kavaʼmo nehae, huʼna nehisugetapaeʼmo afitetapa ataleta aitapa afe leyo. Nauneʼnameʼmo aliʼna lapakaetegamo aniʼmo lakigekana huʼna lapamiteʼna geʼnimo afisayafeʼmo lapa paiguve.

Aiyeya 12:3

Hamaleʼniyaʼmofeʼmo kagufamo alino katino kateʼniya kavaʼmoʼa ani keli kotugana huno haneʼniye. Kagaemo ani ani kotupatiʼmo aniʼmo he fika netekaeʼmo kamogaga aige aige huka maigane.

Aiyeya 32:15

Ani agufa hosu kavaʼmo haneme haneme neʼvisigenoʼaeʼmo Ala kava neʼmoʼa anaga kotegatiʼmo Aunemeʼamo anikana huno lakitalesigeno lagaetegamo eminegaiye. Eminesigeno kahaepa koʼmoʼa alagepa mopamo alino hamalesigeno alu neʼya alu neʼyaʼmo afole aigiye. Afole aigiyaʼmonanafa asole neʼyaʼmo afole neʼaiya hoyaeʼmo huʼapaeʼmo, yahaofilagamo haneʼniye, huʼa hugae.

Matiyu 16:14

mago vayaʼamogi huʼapaeʼmo, Yoniʼa aniʼmo faleno neʼapateya vekamo maiʼniye, huʼa huge mago vayaʼamogi huʼapaeʼmo, Ilaiyaʼa maiʼniye, huʼa huge mago vayaʼamogi huʼapaeʼmo, Yelemaiyaʼa maiʼniye, huʼa huge mago vayaʼamogi huʼapaeʼmo, Gotitegati gemo alinineno aeno hakalo huno hapa nepaiya vekamo maiʼniye, huʼa huge nehae, huʼa ha paiʼnae.

Matiyu 21:11

asole vayaʼmo akame huʼa eʼnaya vayaʼmogi huʼapaeʼmo, Yesuʼmo Galeliya kotega Nasalasa taonifi vekamo Gotitegati gemo alinineno aeno hakalo huno hapa nepaiya vekamae, huʼa hapa paiʼnae.

Luki 24:49

Afiyo, huno, Afoʼnimoʼmo polomasi gemo hunoʼaeʼmo, Nauneʼnameʼmo aliʼna lapamiguve, huno lapa paiʼniyanageʼna Goti Aunemeʼamo aliʼna atesugeno emineno lapakaeʼeʼmo maigiye. Emiʼnegaiyaʼmonanafa hogoteta uta Yulusalemu taonifikeʼmo agava maime maime neʼvigenoʼao Goti Aunemeʼamoʼmo emineno lokiya vaino lapategaiye, huno hapa paiʼniye.

Luki 3:16

Afiʼnagenoʼaeʼmo Yoniʼa hunoʼaeʼmo, nagae nakamemo huno esiya vekamo ayamufaʼamoʼmo nagae nayamufamo ago aeno naga seno maiʼniye. Nagaemo suʼamo nofiʼmo afaʼa hakalu hesuva agufa kavaʼmo huʼna oʼmaiʼnove. Nagaemo aniʼaletikeʼmo aniʼmo faleʼna lapateʼnovanageno agaemo aote Aunemeʼaletiʼe ataletiʼeʼmo aniʼmo faleno lapategaiye.

Luki 7:16

Muki vayaʼmogi koli huteʼa Goti agiʼaleʼmo aliʼa asaga huʼa ateteʼa, ala vekamo Gotitegati gemo alinineno aeno hakalo huno hapa nepaiya vekamo lagaetegamo ago afole aiʼniye. Gotiʼa vayaʼamo emineno hapa maeʼniye, huʼa huʼnae.

Yoni 1:21

Kalaisi vekamo oʼmaiʼnisanana kagikamo ina lagamo maiʼnane. Ilaiyagamo maiʼnapiye, huʼa afi geʼnagenoʼaeʼmo, Ilaiyaʼnamo oʼmaiʼnove, huno hapa paiʼnigeʼapaeʼmo, Goti Mukufi gemoʼa hunoʼaeʼmo, magoke vekamo Gotitegati gemo alinineno aeno hakalo huno hapa paisiya vekamo afole aigiye, huno huʼnigeta agava maiʼnone. Ani vekamo maiʼnapiye, huʼa ge huʼa afigeʼnagenoʼaeʼmo, haʼao, ani vekamo oʼmaiʼnove, huno hapa paiʼnigeʼapaeʼmo,

Yoni 1:25

Apakaemo huʼapaeʼmo, Kalaisi vekamo oʼmaige Ilaiyaʼnamo oʼmaige ani vekamo Gotitegati gemo alinineno aeno hakalo huno hapa nepaiya vekamo oʼmaige huʼnove huka nehanagi na kava higekaeʼmo aniʼmo faleka neʼapatane, huʼa ge huʼa afi geʼnagenoʼaeʼmo,

Yoni 1:33

Ageʼnovana ina lapi huʼna oʼageʼnovaʼmonanafa aniʼmo faleʼna apatesuvafeʼmo alino nateʼnigeʼna eʼnova vekamoʼmo, Nauneʼnameʼmo emineno mago vekaleʼmo maige maige huno maisigeka agegane. Ani vekamoʼmo naote Nauneʼnametetiʼmo aniʼmo faleno apatesiya vekamo maiʼniye, huno naha paiʼnigeʼnaeʼmo

Yoni 12:16

Ani afinaʼmo geʼamo neʼafiya vayaʼmogi ani kavaʼmo aepaʼamo ageʼa aeto osuʼnayaʼmonanafa Yesuʼa faliʼniyatetiʼmo alino he tino ateʼnigeno kokuʼnapiʼmo uno haino maiʼnigeʼapaekeʼmo Yesufeʼmo ava gemo huno avoʼmo kae maleʼniya ava geeʼmo apakesamo aino halo aiʼnigeʼapaeʼmo, he, ani kavaʼmo Yesutegamo ago afole aiʼniye, huʼa apakesa afiʼa ho huʼnae.

Yoni 12:23

Yesuʼa geʼapileʼmo aeno atagaina huno hapa painoʼaeʼmo, hemenimo Vemo Mafaʼnemoʼa ala agiʼamo alisiya afinaʼmo afole aiʼniye.

Yoni 14:13

Lapakaemo nagiʼniletiʼmo na agufa kavafeʼmo nunumuʼmo hutapa nafi gesafi Afoʼnimo ha le konali yaʼamo aliʼna lapave lisuvafeʼmo ani kavaʼmo afaʼa huguve.

Yoni 14:26

Hemenimo lapa nepauvaʼmonanafa muki yaʼmo Afoʼamoʼmo aote Aunemeʼamoʼmo lapa maesiya vekamo nagiʼniletiʼmo alino atesigeno lapakaetegamo emineno muki geʼamo alino lapaya maleteno lapaipa lapakesamo alino he tino lapatesigetapa lapa nepauva geeʼmo lapakesa afita ho hugae.

Yoni 16:14

Agaemo ha le konali yaʼnimo alino lapave liteno nagiʼnileʼmo alino asaga huno nategaiye.

Yoni 16:7

lama gemo lapa nepauve, huno, lapa maesugetapa magoʼe huta alagepa hutapa maisayafeʼmo lapataleʼna uʼna haiguve. Lapataleʼna ohaisuvana lapa maesiya vekamo aliʼna atesugeno lapakaetegamo emi noʼmegaiyaʼmonanafa lapataleʼna uʼna haisuvaʼmoʼmo lapa maesiya vekamo aliʼna atesugeno eminegaiye.

Yoni 17:1

Yesuʼa ani gemo ago hapa paitenoʼaeʼmo alino maku huno kokuʼnategamo ageʼnenoʼaeʼmo nunumuʼmo huʼniye. Afo, huno, ani afinaʼmo ago afole aiyanagi kagikaleʼmo alino asaga huno katesiyafeʼmo Mafaʼnekamo agiʼaleʼmo alika asaga huka ato.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Yoni 20:22

apakaeteʼmo avamusaʼmo aitenoʼaeʼmo, Aote Aunemeʼamo aliyo, huno hapa paiteno,

Yoni 6:14

Apakaemo ageʼnayana Yesuʼa noʼagaya agufa aune kavaʼmo huno alino apave liʼnigeʼa ageteʼapaeʼmo, Gotitegati gemo alinineno aeno hakalo huno hapa paisiya vekamo ma mopafiʼmo afole aigiye, huʼa huʼnaya vekamo agaekeʼmae, huʼa huʼnae.

Yoni 7:12

Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

Yoni 8:54

Yesuʼa hunoʼaeʼmo, nagaiʼni nagiʼnileʼmo aliʼna asaga huʼna neʼnatovesinana ina agufa yakana huno haneʼniyesine. Lapakaemo Afoʼnimofeʼmo hutapaeʼmo, Gotitimoʼmo maiʼniye, hutapa nehaya vekamoʼa nagiʼnileʼmo alino asaga huno neʼnate.

Apa 19:2

Lapakesamo afita fatago huʼnaya afinaʼmo Goti Aunemeʼamo aote Aunemeʼamo ago aliʼnafiye, huno apafi geʼnigeʼapaeʼmo, Haʼao, huʼa, Goti Aunemeʼamo maiʼniye, huta oʼafiʼnone, huʼa ha paiʼnae.

Apa 2:17

Gotiʼa hunoʼaeʼmo, Hano hisiya afinaʼmo Nauneʼnameʼmo aniʼmo lakigekana huʼna muki ve aʼnemo apamiguve. Mafaʼnetapimogiʼe aʼmafaʼnetapimogiʼeʼmo nagae gemo aeʼa hakalo hugae. Neya vayatapimogimo alagamuna agegegana huʼa agegae. Kosu vayatapimogimo alagamuna agegae.

Apa 2:33

Gotiʼa ago alino he tino ateteno kokuʼnapiʼmo avalelino uno haino lamaga haopaleʼmo ateʼnigeno maiʼniye. Muki yaʼmo Afoʼamoʼmo hogoteno, kamiguve, huno ha paiʼniya Aunemeʼamo ago amiʼnigeno Yesuʼa Goti Aunemeʼamo aniʼmo lakigekana huno alino ateʼnigeno emineʼnigetapaeʼmo hemenimo lapakaemo ani afole aiʼniya kavaʼmo ago agetetapa afiʼnae.

Apa 2:38

Pitaʼa hunoʼaeʼmo, Lapaipamo alita afe letetapa Yesu agiʼaletiʼmo aniʼmo falegenoʼao Gotiʼa hosu kavatapimo alino ataleteno Aunemeʼamo fikumo lapamaeno lapamino.

Apa 2:4

Goti Aunemeʼamo aote Aunemeʼamoʼmo muki vayaʼai apaipafiʼmo faleno uno haino havai teteno apavenafuʼnamo alino afe leʼnigeʼapaeʼmo alu apake alu apakemo aepa faiʼa aiʼnae.

Apa 3:13

Haʼao, Gotiʼa Emalehamuʼagi Aisikiʼagi Yekopuʼagi huʼa laginago vayaʼmogi Gotiʼapimo aliʼyaʼamo neʼaliya vekamo Yesu agiʼaleʼmo alino asaga huno ateʼniye. Lapakaemo gamani vayaʼai apayapiʼmo avalelitetapa ateʼnageno Pailatiʼa afaʼa ategauve, huno lapa paiʼniyaʼmonanafa Pailati aulagaleʼmo lapakameʼyamo amiʼnae.

Apa 4:31

Nunumuʼmo huʼnagenoʼaeʼmo aliʼa anupa huʼa maiʼnaya noʼmoʼa uti uti aiʼniye. Goti Aunemeʼamo aote Aunemeʼamoʼmo apaipafiʼmo haino maiʼnigeʼapaeʼmo koli osuʼa aepa faiʼa Goti geʼamo lokiya vaiʼa aeʼa hakalo huʼnae.

Lomu 8:9

Osugayaʼmonanafa Goti Aunemeʼamo lapaipafiʼmo maiʼnisiyana atafa lapaipamoʼmo magoʼe huno yagaino nolapate. Muki vayaʼmogi Kalaisi Aunemeʼamo oʼaliʼnisayana Kalaisi vayaʼamo oʼmaiʼnae.

2 Kolitiyani 3:8

Ani aliʼyaʼmoʼmo ha le konali yaʼamo haneʼniyaʼmonanafa Aunemeʼamoʼmo neʼaliya aliʼyaʼmo ha le konali yaʼamoʼmo magoʼe huno lusi kava huno aeno agaseʼniye.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.