Yoni 7:32 - The Keyagana NT and 25 OT books

³² Ani agufa gemo huteʼa sumi huʼa nehageʼapaeʼmo Falasi mono vayaʼmogimo afiʼnae. Afiteʼapaeʼmo apakaeʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo ati vayaʼmogi kalavusi huʼa atesayafeʼmo aliʼa apateʼnageʼa uʼnae.

Yoni 7:32 ပူးပေါင်းရင်းမြစ်များ

Matiyu 12:14

Falasi mono vayaʼmo ataleʼuʼa Yesuʼmo atafauʼa amagisayafeʼmo aliʼa anupa huʼa maiʼneʼa ge huge afige huʼa maiʼnae.

Matiyu 23:13

Keʼaepa gemo avoʼmo kaeta alita apaya neʼmalaya vayaʼmogitapaʼe Falasi mono vayaʼmogitapaʼeʼmo aeta ati nekaya vayane, huʼna, vaehae, Lapakaetegamo kage kage kavaʼmo afole aigiye. Gotiʼa yagaino neʼapateya kote kipateʼmo he tiʼa maiʼnaya vayaʼai apaulagaleʼmo kitamo kitapa neʼapatae. Lapakaitapimo uta nohaifa uʼa haisayafeʼmo nehaya vayaʼai kaʼmo akanitapa neʼapatae.

Matiyu 26:58

Pitaʼa apamasa hulinuno mono huʼa neʼapataya vayaʼaiteʼmo yagaino neʼapateya vekamo kumateʼmo uno haino na agufa kavaʼmo afole aisifi huno agesiyafeʼmo mono no kumateʼmo kava neʼyagaiya vayaʼeʼmo fai maiʼniye.

Yoni 11:46

Huʼnayaʼmonanafa mago vayaʼamogimo uʼa Falasi vayaʼaifeʼmo Yesuʼa huʼniya kavafeʼmo ava gemo huʼa hapa paiʼnae.

Yoni 12:19

Falasi vayaʼmogi apakaiʼapimo huʼapaeʼmo, Lapakaemo ani vekamo aetapa oʼagaseʼnae. Ageyo, huʼa, muki ma mopafi vayaʼmogi akame nehae, huʼa huʼnae.

Yoni 18:3

Yosa hoyafiʼmo maiʼnageʼapaeʼmo mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi gamani ati vayanagi alopa mono noteʼmo neʼyagaiya ati vayanagi huʼa aliʼa apateʼnageʼa uʼnae. Ata kani aeʼa alige lamufi kani aeʼa alige kayoʼmo alige naipemo alige hutageno Yutasiʼa apavalelino eʼniye.

Yoni 7:30

atafauʼa kalavusi huʼa atesayafeʼmo huʼnayaʼmonanafa agae afinaʼmo afole oʼaiʼniyaʼmofeʼmo mago vekamoʼa atafausiya kaʼmo ohaneʼniye.

Apa 5:26

Ati vayaʼaiteʼmo yagaino neʼapateya vekaʼe ati vayaʼaʼeʼmo uʼa apa vayaʼmo apavaleliʼa eʼnae. Apakaemo huʼapaeʼmo, fiku yanageʼa vayaʼmogimo yafa kayotetiʼmo lamagigae, huʼa apakesamo afiteʼa oʼapamagiʼa afaʼa vase huʼa apavaleliʼa eʼnae.

1 Samiyo 19:20

Inagi Soloʼmo mago vayaʼmo alino apateʼnigeʼa Neviniʼmo atafaisayafeʼmo uʼnae. Apakaemo uʼa avaʼyi huteʼa apakeʼnayana mago polofeti vayaʼmogi Goti gemo aeʼa hakalo huʼnageno Samiyoʼmo he tino yagaino apateʼnigeʼa apakeʼnageno Goti Aunemeʼamoʼa apakaeteʼmo emineʼnigeʼa apakaeʼeʼmo Gotitegati gemo aliniʼa aeʼa hakalo huʼnae.