Yoni 7:31 - The Keyagana NT and 25 OT books

³¹ Asole ve aʼnemogimo agaefeʼmo apakesamo afiʼa fatago huteʼapaeʼmo, Mesaiya vekamo enoʼaeʼmo magoʼe huno noʼagona agufa aune kavaʼmo huteno ani vekamo aeno agasegaifiye, huʼa huʼnae.

Yoni 7:31 ပူးပေါင်းရင်းမြစ်များ

Matiyu 12:23

Muki vayaʼamogimo ageteʼapaeʼmo hapau aiteʼa, agava maiʼnona vekamo Nevini aginagomo maiʼnifi, huʼa huʼnae.

Luki 8:13

Mago avina yaʼmo yafa agotofuleʼmo asagauno aiʼniya avina yakana huʼa mago vayaʼmogi Goti geʼamo afiteʼapaeʼmo apamogaga neʼaiye. Hafuʼyamo mopafi oʼaeʼniya agufa kavaʼmo huʼa yoka apakesamo afiʼa fatago huʼnagenoʼaeʼmo apamalageka nehiya afinaʼmo ataleʼa ago asagauʼa neʼaiye.

Yoni 11:45

Asole Yu vayaʼmo Maliyategamo eʼa maiʼnaya vayaʼmogimo Yesuʼa huʼniya kavaʼmo ageteʼapaeʼmo agaefeʼmo apakesamo afiʼa fatago huʼnae.

Yoni 12:42

Ani gemo huʼniyaʼmonanafa asole vayaʼmo yagaiʼa neʼapataya vayaʼmogimo Yesufeʼmo apakesamo afiʼa fatago huʼnayaʼmonanafa Falasi vayaʼmogimo mono nopatiʼmo aliʼa laha faiʼa latalegae, huʼa apakesa afiʼnayaʼmofeʼmo agiʼamo aeʼa hakalo huʼa hapa opaiʼnae.

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 4:29

mago vekamoʼa muki akeyaʼvilaga huʼnova kavaʼnieʼmo ava gemo huno naha paiʼniyanagi utapa ageyo. Ani vekamo Kalaisi vekamo maiʼnisifi huʼna nagesamo afiʼnove, huno hapa paiʼniye.

Yoni 4:39

Ani a kanomoʼa Sameliya taonifiʼmo maiʼnaya vayaʼaifeʼmo hunoʼaeʼmo, agaemo muki akeyaʼvilaga huʼnova kavaʼnieʼmo nava gemo huno naha paiʼniye, huno hapa paiʼniyaʼmofeʼmo asole Sameliya vayaʼmogi Yesufeʼmo apakesamo afiʼa fatago huʼnae.

Yoni 6:2

Agaemo alagena kavaʼmo huno kaita hapauʼniya vayaʼaina alino hapageno apateʼnigeʼa ageʼnayaʼmofeʼmo asole vayaʼmo akame huʼa uʼnae.

Yoni 7:26

Ageyo, huʼa, agaemo afole yateʼmo maiʼnenoʼaeʼmo gemo aeno hakalo huno hapa nepaigeʼapaeʼmo gemo nosae. Mesaiya vekamo maiʼniye, huʼa ageʼnafiye.

Yoni 9:16

Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.

Apa 8:13

Saimoniʼeʼmo agesamo afino fatago huʼnigeno aniʼmo faleno ateʼnigenoʼaeʼmo Filipiʼeʼmo lokaeno maiʼneno ageyana Filipiʼa noʼagaya agufa himamu kavaʼmo huʼnigeno agetenoʼaeʼmo lusi kava huno hau aiʼniye.

Yemisi 2:26

Mago vekamo aipafiʼmo aunemeʼamo ohaneʼnisiyana ago faliʼniye. Ani kavaʼmo huno mago vekamoʼmo agesaʼageʼmo afino fatago huteno alagepa kavaʼmo nosisiyana agesamo afino fatago huʼniya kavaʼamo faligekana huno haneʼniye.