Yoni 7:27 - The Keyagana NT and 25 OT books

²⁷ Hiyaʼmonanafa Mesaiya vekamo esigeʼapaeʼmo haiya kotegatiʼmo eʼnifi huʼa afaʼa oʼagegayaʼmonanafa muki vayaʼamogita ani vekamo eʼniya koʼamo ago ageʼnone, huʼa huʼnae.

Yoni 7:27 ပူးပေါင်းရင်းမြစ်များ

Aiyeya 11:1

Yesiʼmo mago heʼya aiʼniya yosamo hafuʼyafatiʼmo saufa ausisimo aegaiye.

Aiyeya 53:8

Gotiʼa kanolu kalavusifatiʼe agoti huʼa ateʼnaya kavapatiʼeʼmo alino katino ateʼniye. Apakaemo afaʼa maiʼnaya vayapatiʼmo agaemo agoti huʼa ateteʼa kamiti amagiʼnayaʼmofeʼmo ani vayapatiʼmo ina laʼmo apakesamo afinoʼaeʼmo, Agaemo Goti vayaʼamogi hosu kavaʼapilefekeʼmo kayoʼmo aliʼniye.

Maika 5:2

Gotiʼa ina ge huno huʼniye. Metelehamu Efalatao, huno, Kagaemo muki Yuta taonimo folagapiʼmo alagi aise taonimo haneʼnanaʼmonanafa Isaleli kini vekamo maisiyafeʼmo mago vekamo nagaetefeʼmo kagaepatiʼmo afole aino maigiye. Agaemo akeyaʼvilagamo Gotiʼa ma mopaʼe kokuʼnaʼeʼmo alo osuʼniya afinaʼmo maiʼniye.

Maki 6:3

Lagaemo ageʼnonana noʼmo nekiya vekamo maiʼniye. Maliya mafaʼnemo maiʼnigeta ageteta aganaʼamogimo Yemisiʼagi Yosesiʼagi Yutasiʼagi Saimoniʼagi huta apaketeta asaʼamogiʼeʼmo magokepi lokaeta maiʼnone, huʼa huteʼa hosu apaipamo kaliʼa ateteʼa apakameʼyamo amiʼnae.

Luki 4:22

muki vayaʼmogimo fiku hapa maeno neʼapamiya gemo avayafatiʼmo huʼnigeʼa afiteʼapaeʼmo hapau aiteʼapaeʼmo, Yosefe mafaʼnemo oʼmaiʼnifi, huʼa huʼnae.

Yoni 6:42

Ge hauʼapaeʼmo, ani kanomo Yesuʼa Yosefe mafaʼnemo oʼmaiʼnifiye. He, ani kanomo maiʼnigeta itaʼafoʼalaʼmoganimo ago anakeʼnone. Na kava higenoʼaeʼmo, nagaemo kokuʼnapati emiʼneʼnove, huno nehiye, huʼa huteʼa huʼa faipa huʼa ateteʼa ge hauʼnae.

Yoni 7:15

Yu vayaʼmogimo afiʼa hapau aiteʼapaeʼmo, ani vekamo sukulu osuʼniyana haiya kava huno Goti mukufi gemo ageteno nehiye, huʼa huʼnae.

Yoni 9:29

Ago afiʼnonana Gotiʼa Mosesefeʼmo ha paiʼniye, huta afiʼnonaʼmonanafa ani kanomo haiyategatiʼmo eʼnifi huta oʼafiʼnone, huʼa ha paiʼnagenoʼaeʼmo,

Apa 8:33

Agiʼaleʼmo aliʼa afepi ateteʼa alagepa huʼa aliʼa fako huʼa agoti huʼa oʼateʼnae. Apakaemo huʼapaeʼmo, Ma mopafiʼmo afaʼa oʼmaigiye. Falitesigeʼapaeʼmo agae vayapatiʼmo magoʼe huʼa afole oʼaigae, huʼa huteʼa amagiʼnageno faliʼniye, huno huʼniye.