Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yoni 7:26 - The Keyagana NT and 25 OT books

26 Ageyo, huʼa, agaemo afole yateʼmo maiʼnenoʼaeʼmo gemo aeno hakalo huno hapa nepaigeʼapaeʼmo gemo nosae. Mesaiya vekamo maiʼniye, huʼa ageʼnafiye.

အခန်းကိုကြည့်ပါ။ ကော်ပီ




Yoni 7:26
21 ပူးပေါင်းရင်းမြစ်များ  

Mago vekamoʼmo hosu vayaʼmo apavegala noʼaefa apakaiʼapigeʼmo apaune nehayaʼmonanafa fatago vayaʼmogimo laiyonigana huʼa koli osuʼa neʼmaiye.


Agaemo aliʼyaʼalefeʼmo aipamoʼmo kana hisigeno haino me otalegaiye. Haino me otalegaifa aliʼyaʼamo alime alime neʼvisigeno muki ma mopafiʼmo fatago kavaʼmo afole aigiye. Afagi kotega vayaʼmogimo keʼaepa geʼamo alino apaya malesiyafeʼmo agava maigae.


Apakaemo geʼapimo neʼafiya vayaʼe Heloti geʼamo akame nehaya vayaʼeʼmo aliʼa apateʼnageʼa agaetegamo uʼapaeʼmo, Tisao, huʼa, ago kageʼnonana alagi lama geʼageʼmo nehana vekamo maiʼneka Goti geʼamo akame hisaya kavafeʼmo lama geletiʼmo alika apaya neʼmalane. Muki vayaʼaifeʼmo koli osuka muki vayaʼaitegamo magoke agufa kavaʼageʼmo nehana vekamo maiʼnane.


Pailatiʼa mono huʼa neʼapataya vayaʼaiteʼmo yagaiʼa neʼapataya vayaʼe Yu vayaʼaiteʼmo yagaiʼa neʼapataya vayaʼefeʼmo ge huʼnigeʼapaeʼmo eʼnageno hapa painoʼaeʼmo,


Falasi vayaʼe keʼaepa gemo aliʼa apaya neʼmalaya vayaʼmogiʼeʼmo Yoniʼa aniʼmo faleno apatesiyafeʼmo ohapauʼnigeʼapaeʼmo, haʼao, huʼa huʼnayaʼmofeʼmo Gotiʼa hapa maesiya gemo hapa paiyo, huno hapa paiʼniya gemo ago amagiʼa ataleʼnae.


Ani gemo huʼniyaʼmonanafa asole vayaʼmo yagaiʼa neʼapataya vayaʼmogimo Yesufeʼmo apakesamo afiʼa fatago huʼnayaʼmonanafa Falasi vayaʼmogimo mono nopatiʼmo aliʼa laha faiʼa latalegae, huʼa apakesa afiʼnayaʼmofeʼmo agiʼamo aeʼa hakalo huʼa hapa opaiʼnae.


muki afinaʼmo vaya apaulagaleʼmo maiʼneʼnaeʼmo aeʼna hakalo huʼna hapa paiʼnove. Nagaemo aliʼa anupa huʼa maiʼnayategamo uʼna alopa mono nopinagi muki asole mono nopinagi huʼna aliʼna apaya maleʼnove. Mago gemo fala okiʼna muki geʼamo huʼna afole aiʼna hapa paiʼnove.


Mago vekamo agiʼamo Nikonimasiʼa Yu vayaʼaiteʼmo yagaino neʼapateya vayatama vekamo Falasi mono vayapati vekamo maiʼniye.


mago vekamoʼa muki akeyaʼvilaga huʼnova kavaʼnieʼmo ava gemo huno naha paiʼniyanagi utapa ageyo. Ani vekamo Kalaisi vekamo maiʼnisifi huʼna nagesamo afiʼnove, huno hapa paiʼniye.


Mago Yulusalemu taonifiʼmo maiʼnaya vayaʼmogi, ani vekamo kamitimo amagigune, huʼa vege huʼnaya vekamo maiʼnifiye.


Asole ve aʼnemogimo agaefeʼmo apakesamo afiʼa fatago huteʼapaeʼmo, Mesaiya vekamo enoʼaeʼmo magoʼe huno noʼagona agufa aune kavaʼmo huteno ani vekamo aeno agasegaifiye, huʼa huʼnae.


Monoteʼmo yagaiʼa neʼapataya vayapati vayaʼmogimofi Falasi mono vayapati vayaʼmogimofi huʼa geʼamo neʼafigetapa apakeʼnafiye.


Itaʼafoʼalaʼmoganimo Yu vayaʼaifeʼmo koli huʼnaʼaʼmofeʼmo ani agufa gemo huʼnaʼae. Apakaemo hogoteʼa vege huʼapaeʼmo, ina lagimo Yesufeʼmo, Kalaisi vekamo maiʼniye, huʼa hisafigeta mono nopatiʼmo alita hapafaita apatalegaune, huʼa ge hu maleʼnae.


Kanisole vayaʼmogimo anakayana Pitaʼe Yoniʼeʼmo sukulu osuʼnaʼa vekalaʼmo maiʼnaʼaʼmonanafa lokiya gefatiʼmo huʼana hapa paiteʼanaeʼmo koli osuʼana afaʼa maiʼnaʼageʼapaeʼmo anaketeʼanaeʼmo, ae, huʼa, hogoteʼana Yesuʼeʼmo lokaeʼana maiʼnaʼa vekalane, huʼa apakesa afiteʼa hapau aiʼnae.


Kalavusifiʼmo maiʼnogeʼapaeʼmo asole konagatimogi nageʼnayaʼmofeʼmo lokiya vaiʼa maiʼneʼapaeʼmo Ala kava nefeʼmo magoʼe huʼa apakesamo afiʼa fatago nehuʼapaeʼmo koli osuʼa he tiʼa Goti geʼamo aeʼa hakalo huʼa hapa nepaiye.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ