Yoni 7:12 - The Keyagana NT and 25 OT books

¹² Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

Yoni 7:12 ပူးပေါင်းရင်းမြစ်များ

Matiyu 10:25

Mago vekamoʼmo alino aya neʼmaleya vekagana huno maiʼnisiyana kanalene. Ani kava huno mago aliʼyaʼamo neʼaliya vekamoʼa aliʼyaʼmo afoʼamokana huno maiʼnisiyana kanalene. Vayaʼmogimo afamo anaga aepa vekaeʼmo Satani agiʼamo Mielisemuligae huʼa huteʼa huʼa faipa huʼa neʼatesayana agae afamo anaga vayaʼaifeʼmo magoʼe huʼa huʼa faipa huʼa apategae.

Matiyu 21:46

Apakaemo kalavusi huʼa atesayafeʼmo huʼnayaʼmonanafa asole vayaʼmogi huʼapaeʼmo, Gotitegati gemo alinineno aeno hakalo huno hapa nepaiya vekae, huʼa huʼnayaʼmofeʼmo koli huʼnae.

Matiyu 27:63

Ala vekae, huʼa, ani aigofe gemo nehiya vekamoʼmo afaʼa maiʼnenoʼaeʼmo, loleʼe magoʼe afinaʼmo utesigeʼna halate he tiguve, huno huʼniya geeʼmo lagesamo afiʼnonaʼmofeʼmo

Luki 18:19

na kava higekaeʼmo nagaefeʼmo alagepa tisao, huka nehane. Ma mopafi vayapatiʼmo mago alagepa vayaʼmo oʼmaiʼnafa Gotikeʼmo magokeʼageʼmo alagepa vekamo maiʼniye.

Luki 23:47

Ati vayaʼaiteʼmo yagaino neʼapateya vekamoʼmo ani gemo afitenoʼaeʼmo, lama gemo nehuve, huno, mani vekamo fatago vekamo maiʼniye, huno hapa paiteno Goti agiʼaleʼmo alino asaga huno ateʼniye.

Luki 23:50

Mago kanisole vekamo Yosefeʼa Alamatiya taonimo Yu vayaʼmogi taonifi vekamo kanale fatago vekamo maiʼniye.

Luki 6:45

Inagi mago alagepa vekamo aipafiʼmo alagepa kavaʼmo haneʼnigeno alagepa kavaʼmo aipafatiʼmo afole neʼaiye. Hosu vekamo aipafiʼmo hosu kavaʼageʼmo haneʼnigeno hosu kavaʼmo aipafatiʼmo afole neʼaiye. Ani agufa yaʼmo aipafiʼmo havai teʼneno eno haineno avayafatiʼmo afole neʼaiye, huno hapa paiʼniye.

Luki 7:16

Muki vayaʼmogi koli huteʼa Goti agiʼaleʼmo aliʼa asaga huʼa ateteʼa, ala vekamo Gotitegati gemo alinineno aeno hakalo huno hapa nepaiya vekamo lagaetegamo ago afole aiʼniye. Gotiʼa vayaʼamo emineno hapa maeʼniye, huʼa huʼnae.

Yoni 6:14

Apakaemo ageʼnayana Yesuʼa noʼagaya agufa aune kavaʼmo huno alino apave liʼnigeʼa ageteʼapaeʼmo, Gotitegati gemo alinineno aeno hakalo huno hapa paisiya vekamo ma mopafiʼmo afole aigiye, huʼa huʼnaya vekamo agaekeʼmae, huʼa huʼnae.

Yoni 7:32

Ani agufa gemo huteʼa sumi huʼa nehageʼapaeʼmo Falasi mono vayaʼmogimo afiʼnae. Afiteʼapaeʼmo apakaeʼe mono huʼa neʼapataya vayaʼaiteʼmo yagaiʼa neʼapataya vayaʼmogiʼeʼmo ati vayaʼmogi kalavusi huʼa atesayafeʼmo aliʼa apateʼnageʼa uʼnae.

Yoni 7:47

Falasi vayaʼmogi huʼapaeʼmo, lapakaeʼeʼmo lapakesamo faiʼnifiye.

Yoni 7:52

Kagaemo Galeliya kotega vekamo maiʼnapiye. Magoke vekamo Gotitegati gemo alinineno aeno hakalo huno hapa nepaiya vekamoʼa Galeliya kotegatiʼmo afole oʼaiʼniye. Kagaemo kahauya huka ageka lekana paika afiyo, huʼa ha paiteʼa

Yoni 9:16

Mago Falasi vayaʼamogimo huʼapaeʼmo, Sapati afina keʼaepa gemo akame nosiyaʼmofeʼmo Gotitegatiʼmo emiʼnoʼmeʼniye, huʼa huʼnageʼapaeʼmo mago vayaʼamogimo huʼapaeʼmo, haiya agufa kavaʼmo huno hosu kavaʼmo nehisiya vekamoʼa ani agufa noʼagona agufa aune kavaʼmo afaʼa hugiye, huʼa huʼnae. Ani gemo huteʼa aliʼa fako huʼa lole nofi vayaʼmo maiʼnae.

Apa 11:24

Manamasiʼa alagepa vekamo Goti Aunemeʼamoʼmo aipafiʼmo havai teʼnigeno lokiya vaino agesa afino fatago huʼniya vekamoʼmo asole vayaʼmo apayate alinino Ala kava netegamo eʼniye.

Lomu 5:7

Mago vayaʼmogimo keʼaepa gemo akame nehaya vayaʼmo hapa maesayafeʼmo faliʼa oʼapategayaʼmonanafa magoke magoke vayaʼmogimo alagepa huʼa hapa neʼmaya vayaʼmo hapa maesayafeʼmo koli osuʼa faliʼa apategae.

Filipai 2:14

Muki kavaʼmo nehutapaeʼmo hosu lapaugosamo kaliʼnetapa hagalu hagalu hutapa ge oʼvaiyo.