Yoni 6:70 - The Keyagana NT and 25 OT books

⁷⁰ Yesuʼa hunoʼaeʼmo, nagaemo lekana paiʼna lapateʼnovaʼmonanafa lapakaepatiʼmo mago vekamo aipafiʼmo hosu aune vekamo maiʼniye, huno hapa paiʼniye.

Yoni 6:70 ပူးပေါင်းရင်းမြစ်များ

Yoni 13:18

Nagaemo mani gemo mukiʼamogitapaeʼmo nosuve. Lekana paiʼna lapateʼnova vayaʼmo ago lapakeʼnovaʼmonanafa Goti mukufiʼmo hu maleʼniya gemo afole aisiyafeʼmo lekana paiʼna ateʼnove. Ani gemoʼa hunoʼaeʼmo, nagaeʼeʼmo magokepi lokaeno maiʼneno neʼyaʼmo neʼniya vekamoʼmo kame huno nateʼniye, huno huʼniye.

Yoni 13:2

Sataniʼa Yutasiʼmo Isakaliyoti kotega vekamo Saimoni mafaʼnemoʼa Yesuʼmo avaleno hosu vayaʼai apayapiʼmo atesiya agesamo amiʼniye. Neʼyaʼmo neteʼapaeʼmo Yesuʼa ago ageʼniyana muki yaʼmo Afoʼamoʼmo muki vayaʼaiteʼe muki yateʼeʼmo yagaisuvafeʼmo lekana paino nateʼniye. Gotitegatiʼmo emiʼneʼnovanageʼna halate Gotitegamo uʼna haiguve, huno ago ageʼniye.

Yoni 13:21

Yesuʼa ani gemo nehigenoʼaeʼmo agaiʼa aipamoʼmo atete huʼnigeno ina ge huno aeno hakalo huno hapa paitenoʼaeʼmo, alagi lama gemo lapa nepauve, huno, Lapakaepatiʼmo mago vekamoʼa navaleno hosu vayaʼaina apamigiye, huno hapa paiʼniye.

Yoni 13:27

Yutasiʼa peleti maya atupamo aliʼnigenoʼaeʼmo Sataniʼa agae aipafiʼmo faleno haiʼniye. Yesuʼa Yutasifeʼmo hunoʼaeʼmo, huguve, huka nehana kavaʼmo malage huka huvo, huno ha paiʼniye.

Yoni 15:16

Lapakaemo lekana paitapa oʼnateʼnafa nagaekeʼmo lekana paiʼna lapateʼnovanagetapa alagamo hanege hanege huno hanesiya alagamo aesayafeʼmo lekana paiʼna lapateʼnove. Afoʼnimofeʼmo nagiʼniletiʼmo muki kavafeʼmo ge hutapa afi gesayana afaʼa lapamigiye.

Yoni 15:19

Lapakaemo ma mopafi vayaʼmo maiʼnaesinana ma mopafi vayaʼmogimo vayaʼapieʼmo hapauʼniya agufa kavaʼmo huʼa lapakaefeʼmo hapau apayamopafiʼmo hapauʼniesine. Hapauʼniyesinaʼmonanafa nagaemo ma mopafi vayapatiʼmo lekana paiʼna lapateʼnogetapa ma mopafi vayapiʼmo oʼmaiʼnayaʼmofeʼmo lapakaefeʼmo apaini nehae.

Yoni 17:12

Nagaemo ma mopafiʼmo apakaeʼeʼmo magokepi lokaeʼna maiʼneʼnaeʼmo kagikaletiʼe himamukaletiʼeʼmo yagaiʼna apateʼnogeʼa afaʼa maiʼnayaʼmonanafa magoke vekaeʼmo kagae mukufi gemoʼmo hunoʼaeʼmo, afela hegaiye, huno huʼniya gemo afole aisiyafeʼmo alagi afela heʼniye.

Yoni 2:2

Ani vayaʼmogimo Yesuʼe geʼamo neʼafiya vayaʼefeʼmo ge huʼnageʼa eʼa maiʼnae.

Yoni 20:24

Yesuʼa afole aiʼniya afinaʼmo Tomasiʼmo tuolofuʼa vayapati vekaeʼmo lagoʼya mafaʼae huʼa agi neʼaya vekamo ani afinaʼmo eno apakaeʼeʼmo magokepi lokaeno oʼmaiʼniye.

Yoni 6:64

Haneʼniyaʼmonanafa lapakaepatiʼmo mago vayaʼmo apakesamo afiʼa fatago nosae, huno hapa paiʼniye. Yesuʼa aliʼyaʼamo aepa faino aliʼniya afinatetiʼmo apakesamo afiʼa fatago osisaya vayaʼe kutulu yaʼmo alisiya vekaʼeʼmo ago apakeʼniye.

Yoni 6:67

Ataleʼa uʼnagenoʼaeʼmo Yesuʼa tuolofuʼa vayaʼmo geʼamo neʼafiya vayaʼaifeʼmo hunoʼaeʼmo, lapakaeʼeʼmo nataletapa ugefe nehafiye, huno ge huno apafi geʼnigenoʼaeʼmo

Yoni 6:71

Agaemo Yutasiʼa Isakaliyoti kotega vekamo Saimoni mafaʼneeʼmo huʼniye. Yutasiʼa ani tuolofuʼa vayapati vekamoʼa kutulu yaʼmo aliteno Yesuʼmo avaleno apamisigeʼa amagisaya vekamo maiʼniye.

Yoni 8:44

Afotapimoʼmo Sataniʼa maiʼnigetapaeʼmo mafaʼneʼamo maiʼnetapaeʼmo afotapimoʼmo hauʼniya kavaʼmo akame nehae. Aepa faiʼniya afinatetiʼmo vayaʼmo neʼapamagiya vekamo maiʼniye. Lama gemo aipafiʼmo alagi ohaneʼniyaʼmofeʼmo lama gelefeʼmo kame nehiye. Aigofe gemo aepa vekamo maiʼniyaʼmofeʼmo aipafatiʼmo alagi aigofe gemo nehiye.

Apa 1:17

Yesuʼa lekana paino ateʼnigeno lagaeʼeʼmo magokepi lokaeno aliʼyaʼmo alino maiʼniye, huno hapa paiʼniye.

Apa 13:10

Satani mafaʼneyo, huno, Kagaemo alagepa kavaʼmo kameʼamo maiʼnane. Aigofe kavakamoʼe hosu kavakamoʼeʼmo kagae kaipafiʼmo havai teʼniye. Ala kava neʼmo fatago kavaʼamo alika kayagi kayaga huka neʼatane.

1 Timoti 3:11

Ani kavaʼmo huno aʼamoʼmo alagepa huno yagaisiya agufa a kanogeʼmo maigiye. Hosu faigoko gemo osuno agufaleʼmo alagepa huno yagaino atege muki kavatefeʼmo alagepa kavaʼmo huge nehisiya a kanomoʼmo maigiye.

Taitasi 2:3

Ani kava huka anekalo aʼneʼaifeʼmo alika apaya malegeʼapao aniʼmo neteʼa negi gemo osuge hosu faigoko gemo osuge huteʼa alagepa huʼa yagaiʼa neʼapataya yahauve aʼnegana huʼa maiyo. Apakaemo alagepa gemo venemo aʼne anagaʼaifeʼmo aliʼa apaya malegeʼapao

1 Yoni 3:8

Sataniʼa aepa faiʼniya afinatetiʼmo hosu kavakeʼmo hume hume neʼeya kava huʼa muki vayaʼmogi hosu kavaʼmo nehaya vayaʼmo Satani vayaʼamo maiʼnae. Goti Mafaʼneʼamoʼmo Satani aliʼyaʼamo alagi alino hano huno atalesiyafeʼmo emineno afole aiʼniye.