Yoni 6:7 - The Keyagana NT and 25 OT books

⁷ Filipiʼa hunoʼaeʼmo, tu hataleti kinaletiʼmo neʼyaʼmo miya faigunana mani asole vayaʼmogimo nesaya agufa kavaʼmo osugiye, huno ha paiʼniye.

Yoni 6:7 ပူးပေါင်းရင်းမြစ်များ

2 Kini 4:43

aliʼyaʼamo neʼaliya vekamoʼmo hunoʼaeʼmo, Ae, huno, mani aise neʼyaʼatomo vani hataletiʼa vayaʼmo apamisufiye kanale osugiye, huno huʼnigeno Ilaisaʼmo halate ha painoʼaeʼmo, Muki vayaʼmo nesayafeʼmo alika apamiyo. Ala kava neʼmoʼa naha painoʼaeʼmo, Mukiʼamogimo nesagenoʼaeʼmo atupa neʼyaʼamo afaʼageʼmo hanegaiye, huno naha paiʼniyaʼmofeʼmae, huno ha paiʼniye.

Matiyu 18:28

Aliʼyaʼamo neʼaliya vekamo neʼvigenoʼaeʼmo magokepi lokaeʼana aliʼyaʼmo neʼaliʼa vekamo aise moni anonaʼamo haneʼniya vekamo eʼnigeno agetenoʼaeʼmo anu kiliʼneno lugoʼaleʼmo atafauʼnenoʼaeʼmo, anonaʼnilefeʼmo monimo alinikeka namiyo, huno ha paiʼniye.

Maki 6:37

Ha paiʼnagenoʼaeʼmo, lapakaemo neʼyaʼmo apamiyo, huno huʼnigeʼapaeʼmo, lagaemo neʼyaʼmo apamisuna yaʼmo ohaneʼniyanageta tu hataleti kinaletiʼmo uta peleti mayamo miya failiteta apamisunafeʼmo kahauʼnifiye, huʼa ge huʼa afi geʼnae.

Yoni 1:43

Egaʼamo Yesuʼa Galeliya kotegamo visiyafeʼmo neʼunoʼaeʼmo Filipiʼmo uno agetenoʼaeʼmo, eka nakame huvo, huno ha paiʼniye.

Yoni 1:44

Filipiʼa Metasaita taonifiʼmo Eʼnaluʼe Pitaʼeʼmo maiʼnaʼa taonifiʼmo maiʼniye.

Yoni 1:45

Filipiʼa uno kahauya huno Natanieloʼmo agetenoʼaeʼmo, Moseseʼa keʼaepa gemo avoʼmo kae maleʼniya Mukufiʼmo mago vekaeʼmo ava gemo huno avoʼmo kae maleʼnigeʼapaeʼmo Gotitegati gemo alini eʼa aeʼa hakalo huʼa hapa nepaiya vayaʼmogiʼeʼmo ani kava huʼa ava gemo huʼa avoʼmo kae maleʼnaya vekamo ago ageʼnove. Agiʼamo Yesuʼa Yosefe mafaʼnemo Nasalasa taonifi vekamo maiʼnigeʼna ageʼnove, huno ha paiʼnigeno

Yoni 1:46

Natanieloʼa Filipifeʼmo hunoʼaeʼmo, Nasalasa taonifatiʼmo magoke alagepa yaʼmo afaʼa afole aigifiye, huno afi geʼnigenoʼaeʼmo Filipiʼa hunoʼaeʼmo, afaʼa uka ago, huno ha paiʼniye.

Yoni 1:48

Natanieloʼa hunoʼaeʼmo, haiya kava huka nageʼnane, huno afi geʼnigeno Yesuʼa hunoʼaeʼmo, nagaemo kageʼnovana Filipiʼa kagaefeʼmo keya aeno ge osuʼniya afinaʼmo fiki yosa aepafiʼmo maiʼnanageʼna kageʼnove, huno ha paiʼnigenoʼaeʼmo,

Yoni 12:5

na kava higenoʼaeʼmo alagepa atumo neʼaiya uvelimo alino maketi hisigeʼa tali hataleti kinaletiʼmo miya faitesageno kagemi yaʼapimo ohaneʼnisiya vayaʼaina apamisiya yafeʼmo huʼniye, huno huʼniye.