Yoni 6:68 - The Keyagana NT and 25 OT books

⁶⁸ Saimoni Pitaʼa hunoʼaeʼmo, Ala kava nene, huno, ina lategamo ugune. Kagae gemoʼa afaʼa maisaya yaʼmo neʼapamiya gemo haneʼniye.

Yoni 6:68 ပူးပေါင်းရင်းမြစ်များ

Samu 73:25

Kokuʼnapiʼmo mago naha maesiya vekamo oʼmaiʼniyaʼmonanafa kagaekeʼmo maiʼnane. Ma mopafi vekaeʼmo nahaʼye hisiya vekamo mago oʼmaiʼniyaʼmonanafa kagaekeʼmo maiʼnane.

Matiyu 16:16

Saimoni Pitaʼa geʼaleʼmo aeno atagaina hunoʼaeʼmo, Kalaisi vekamo maiʼnane. Maige maige huno neʼmaiya Goti mafaʼneʼamo maiʼnane, huno ha paiʼniye.

Maki 8:29

Ha paiʼnagenoʼaeʼmo, Ina ge huʼa nehayaʼmonanafa lapakaemo nagaefeʼmo ina laʼnae, hutapa nehae, huno apafi geʼnigeno Pitaʼa hunoʼaeʼmo, Gotiʼahunoʼaeʼmo, Kalaisi vekamo aliʼna atesugeno emineno ma mopafatiʼmo afole aigiye, huno huʼniya vekamo Kalaisigamo maiʼnane, huno ha paiʼniye.

Luki 9:20

Yesuʼa hunoʼaeʼmo, ani gemo nehayaʼmonanafa lapakaemo ina laʼnae, hutapa nagiʼnimo neʼae, huno loka huno apafi geʼnigenoʼaeʼmo Pitaʼa hunoʼaeʼmo, Gotiʼa lekana paino kateʼniya vekamo Kalaisi vekamae, huno ha paiʼnigeno

Yoni 12:49

Nagaemo mani gemo nagaiʼni nagesafatiʼmo nagesamo afiʼna nosufa muki yaʼmo Afoʼamoʼmo alino nateʼnigeʼna emiʼneʼnova vekamoʼa ani gemo huvo, huno naha paiʼniya gemo nehuve.

Yoni 12:50

Afoʼnimoʼmo mani gemo huvo, huno naha paiʼniya gemo ago afiʼnovana alagepa huʼa maige maige huʼa maisaya yaʼmo neʼapamiya gemo haneʼnigeʼna afiteʼnaeʼmo hapa nepauve.

Yoni 17:8

Ani kavaʼmo huʼna namiʼnana gemo apamiʼnogeʼa aliteʼapaeʼmo, Gotitegatiʼmo emineʼniye, huʼa nageteʼapaeʼmo Gotiʼa alino ateʼnigeno emineʼniye, huʼa apakesa afiʼa fatago nehae.

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

Yoni 6:63

Nauneʼnameʼmoʼa afaʼa maisaya yaʼmo neʼapamiye. Nagufafati nameʼamoʼmo lapa oʼmaegaiye. Lapa nepauva gefiʼmo aunemeʼamo haneʼniyanageno afaʼa maisaya yaʼmo neʼapamiya gemo haneʼniye.

Apa 13:26

Konagaʼnimogitapae, huno, Emalehamu aginago vayaʼe alu nofi vayaʼmogitapa Gotifeʼmo mono nehaya vayaʼmogitapaʼeʼmo afiyo. Gotiʼa ani alagepa geʼamo vayaʼai apakufamo alino katino apatesiya gemo ago alino ateʼnigeno lapakaetegamo eʼniye.

Apa 4:12

Mago alu vekamoʼmo lapakufamo alino katino lapatesiya vekamo oʼmaiʼnifa agaekeʼmo magokeʼage maiʼniye. Mago alu agiʼe vekamo oʼmaiʼniyaʼmofeʼmo Gotiʼa magoke vekamo agiʼamo ma mopafi vayaʼaina apamiʼniyanageʼa agimo aeʼa ge hisageno hapa maeno, huno hapa paiʼniye.

Apa 5:20

Utapa alopa mono nopiʼmo uta haitapa he tita maiʼnetapa ani saufa kavafeʼmo ava gemo aetapa hakalo hutapa hapa paiyo, huno hapa paiʼniye.

Apa 7:38

Ani vekamo Moseseʼa Isaleli vayaʼeʼmo kaʼme kotega aliʼa anupa huʼa maiʼnae. Moseseʼa Sainai avefiʼmo uno haino maiʼnigeno mago enisole vekamoʼmo apauneʼapameʼmo neʼapamiya gemo ha paiʼnigeno afiteno emineno laginago vayaʼaifeʼmo hapa paiʼnigeʼa lagaefeʼmo laha paiʼnae.

Apa 8:37

Filipiʼa hunoʼaeʼmo, Muki kaipa kagesafatiʼmo alagi kagesamo afika fatago nehisanaʼmoʼmo afaʼa aniʼmo faleʼna kategauve, huno ha paiʼnigenoʼaeʼmo, Ago ani gemo kaha nepauve, huno, Yesu Kalaisiʼmo Goti mafaʼneʼamo maiʼniye, huʼna nagesamo afiʼna fatago nehuve, huno ha paiʼniye.