Yoni 6:60 - The Keyagana NT and 25 OT books

⁶⁰ Asole vayaʼmo geʼamo neʼafiya vayapatiʼmo mago vayaʼamo ani gemo afiteʼapaeʼmo, ani gemoʼmo kana huʼniyaʼmofeʼmo ina lagimo ani gemo afiʼa aeto hugae, huʼa huʼnae.

Yoni 6:60 ပူးပေါင်းရင်းမြစ်များ

Matiyu 11:6

Nataleʼa oʼuʼa nagaefeʼmo alagi apakesamo afiʼa fatago nehaya vayaʼmo aulena vayaʼmo maiʼnae, huno hapa paiʼniye.

Yoni 2:2

Ani vayaʼmogimo Yesuʼe geʼamo neʼafiya vayaʼefeʼmo ge huʼnageʼa eʼa maiʼnae.

Yoni 5:25

Lama gemo lapa nepauve, huno, Mago afinaʼmo afole aigiyana ago afole aiʼniye. Nefaliya kavategamo maiʼnaya vayaʼmogi Goti mafaʼneʼamo geʼamo afaʼa afigae. Afiʼnisaya vayaʼmogi afaʼa maisaya yaʼmo aliteʼa maigae.

Yoni 6:52

Hapa paiʼnigeʼa afiteʼapaeʼmo apakaiʼapimo ge vaiteʼapaeʼmo, Ani vekamo ameʼamo nesunafeʼmo haiya kava huno lagauno lamigiye, huʼa huʼnae.

Yoni 6:64

Haneʼniyaʼmonanafa lapakaepatiʼmo mago vayaʼmo apakesamo afiʼa fatago nosae, huno hapa paiʼniye. Yesuʼa aliʼyaʼamo aepa faino aliʼniya afinatetiʼmo apakesamo afiʼa fatago osisaya vayaʼe kutulu yaʼmo alisiya vekaʼeʼmo ago apakeʼniye.

Yoni 6:66

Ani gemo huno hapa paiʼniyaʼmofeʼmo asole vayaʼmo geʼamo afiʼnaya vayapatiʼmo agaeʼeʼmo magoʼe huʼa lokaeʼa umenitata osuʼa ago ataleʼa uʼeʼa huʼnae.

Yoni 7:3

Yesu aganaʼamogi huʼapaeʼmo, Gekamo neʼafiya vayaʼmogi aliʼyakamo agesayafeʼmo mani kotetiʼmo ataleka Yutiya kotegamo uvo.

Yoni 8:31

Inagi Yesuʼa Yu vayaʼmogi agaefeʼmo apakesamo afiʼa fatago nehaya Yu vayaʼaifeʼmo hunoʼaeʼmo, geʼnifiʼmo maime maime neʼvisayana lama ge vayaʼmo geʼnimo neʼafiya vayaʼmo maiʼnae.

Yoni 8:43

Na kava higetapaeʼmo geʼnimo afitapa aeto nosae. Geʼnieʼmo olapauʼniyaʼmofeʼmo geʼnimo afaʼa oʼafigae.

Himulu 5:11

Ani kavafeʼmo magoʼe gemo lapa paigunaʼmonanafa lapau maiʼmai hutapa neʼmaiyaʼmofeʼmo haiya kava huta alita lapaya malegaune.

2 Pita 3:16

Agaemo muki kaeʼniya avoʼamo ani kavafekeʼmo kaeʼniye. Mago avoʼmo kae maleʼniya gemo aepaʼamo afisayafeʼmo kana huʼniye. Kana huʼnigeʼa alagepa huʼa afiteʼa lokiya noʼvaiya vayaʼmogimo aliʼa afe leʼa alino apagoʼya lagauno apatalesiya agufa kavakeʼmo aliʼa afole aiʼa neʼatae. Ani kava huʼa muki gemo Goti mukufiʼmo avoʼmo kae maleʼnaya geeʼmo hosu gemo huʼa aliʼa afeleʼa nehae.