Yoni 6:56 - The Keyagana NT and 25 OT books

⁵⁶ Ina lagimo nameʼniʼe kolaʼniʼeʼmo neʼnisafigeʼa nagaepiʼmo maiʼnageʼna apakaepiʼmo maiʼnove.

Yoni 6:56 ပူးပေါင်းရင်းမြစ်များ

Samu 90:1

Ala kava nene, huʼna, lagaemo muki afinaʼaeʼmo afole aige aige huta neʼmaunagekaeʼmo kagaemo muki afinaʼmo notigana huka maiʼnane.

Samu 91:1

Hogote Ala vekaʼapimo fala kino maiʼniyategamo uno haino maiʼniya vekamoʼmo lokiyaʼaʼe vekamo aunefiʼmo fala kino maige maige huno maigiye.

Samu 91:9

Kagaemo agaepiʼmo uʼna fala kiʼnova vekafikeʼmo, maige maige huʼna maiguve, huka huʼnanaʼmofeʼmo mago hosu yaʼmoʼa okahaesigeno hosu kaitaʼmo nokaleʼmo afole oʼaigiye.

Yoni 14:20

Ani afinaʼmo afole aisigetapaeʼmo agetapaeʼmo Afoʼamopiʼmo maiʼnigeta agaepiʼmo maiʼnonageno lagaepiʼmo maiʼniye, hutapa nagegae.

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 6:55

Nameʼanimo lama ge neʼyaʼmo haneʼnigeno kolaʼnimo lama ge aniʼmo haneʼniye.

2 Kolitiyani 6:16

Haiya kava huʼa alo nehaya aigofe gotiʼapimogi Goti aote ha le mono nopiʼmo hanegae. Alu ya alu yaʼmo haneʼnayaʼmofeʼmo ohanegae. Lagaemo afaʼa neʼmaiya Goti aote ha le mono noʼamo maiʼnonaʼmofeʼmae. Gotiʼa ani kavatefeʼmo hunoʼaeʼmo, Nagaemo apakaepiʼmo maiʼneʼna apakae folagapiʼmo umenitata huguve. Gotiʼapimoʼnamo maisugeʼa vayaʼnimo maigae, huno huʼniye.

1 Yoni 2:24

Ani gemo haneʼniyaʼmofeʼmo lapakaemo hogotetapa aepa faitapa afiʼnaya afinatetiʼmo afiʼnaya gemo lapaipafiʼmo alagi hanesiyafeʼmo atafauta alagi hiyo. Aepa faitapa afiʼnaya afinatetiʼmo afiʼnaya gemo lapaipafiʼmo alagi haneʼnisiyaʼmoʼmo Mafaʼneʼafiʼe Afoʼamopiʼeʼmo alagi maigae.

1 Yoni 3:24

Muki vayaʼmo keʼaepa geʼamo akame nehaya vayaʼmo Gotipiʼmo alagi maiʼnageno apakaepiʼmo alagi neʼmaiye. Ani kavatetiʼmo ageʼnonana Gotiʼa lamiʼniya Aunemeʼaletiʼmo lagaepiʼmo alagi neʼmaiye.

1 Yoni 4:12

Mago vekamoʼmo Gotiʼmo mago afinaʼmo oʼageʼniye. Lagaemo konagatimogifeʼmo lahau layamopafiʼmo nelahaisiyana Gotiʼa lagaepiʼmo alagi maiʼnigeno hau ayamopafiʼmo hauʼniya kavaʼamo laipafiʼmo kosino afu leʼniye.

Leveleseni 3:20

Nageyo, huʼna, kipateʼmo he tiʼna maiʼneʼna hakalu hakalu huge huge huʼna neʼmauve. Mago vekamoʼmo geʼnimo afiteno kitamo yakino natesigeʼnaeʼmo uʼna haiʼna agaeʼeʼmo neʼyaʼmo nesugeno nagaeʼeʼmo neʼyaʼmo negaiye.