Yoni 6:44 - The Keyagana NT and 25 OT books

⁴⁴ Magoke vekamoʼa agaiʼamo nagaetegamo afaʼa oʼmegaiyaʼmonanafa Afoʼnimoʼmo alino nateʼnigeʼna emiʼneʼnova vekamokeʼmo ayate heno avayu hulino esigenoʼaekeʼmo nagaetegamo egaiye. Nagaetegamo esigeʼnaeʼmo ma mopamo hano hisiya afinaʼmo aliʼna he tiʼna ategauve.

Yoni 6:44 ပူးပေါင်းရင်းမြစ်များ

Salomoni Yokemae 1:4

Kagaemo nayate heka navayu hulika neʼegetao lagaemo nagu nagu huta eta kakame huta ugune. Kini vekamoʼmo navalelinuno noʼafiʼmo maisuvafeʼmo nateʼniye. Kao vayaʼmogitamo kagaefekeʼmo lamogaga aiteta amuse hugune. Apakaemo alagepa nofi alagafati anifeʼmo apakesamo afiteʼa apamogaga neʼaiyaʼmonanafa lagaefeʼmo kahau kayamopafiʼmo kahauʼniya kavafekeʼmo lagesa afifi huta lamogaga aigune. Fatago vayaʼmogi kagaefekeʼmo hapau apayamopafiʼmo nehapaiye.

Matiyu 12:34

Nagaloʼyave afamo anaga vayaʼmogitapae, huʼna, hosu vayaʼmo maiʼnayaʼmofeʼmo haiya kava huta alagepa gemo afaʼa hugae. Vayaʼai apaipafiʼmo na agufa yaʼmo havaiteʼnifi ani kava huno aino vali lamino asagauno neʼaigeʼapaeʼmo gemo nehae.

Matiyu 16:17

Yesuʼa ha painoʼaeʼmo, Saimoniyo Yona mafaʼneʼamogae, huʼna, Gotiʼa alino auleno kateʼniye. Mago ma mopafi vekamoʼmo alino kave oliʼnifa kokuʼnapi Afoʼnimoʼmo alino kave liʼnigeka nageka alagepa huʼnane.

Yoni 12:32

Apakaemo ma mopafiʼmo aliʼa he tiʼa natetesageʼnaeʼmo muki vayaʼamo nagaiʼnilegamo aiʼna apavayu huliʼna egauve, huno hapa paiʼniye.

Yoni 5:44

Vayaʼmogi lapakitapileʼmo aliʼa asaga huʼa lapatesayafeʼmo lapauʼniyaʼmonanafa Gotiʼa lapakitapileʼmo alino magokeʼamokeʼmo asaga huno lapatesiya kavafeʼmo kahauya nosayaʼmofeʼmo haiya kava hutapa nagaefeʼmo lapakesamo afitapa fatago hugae.

Yoni 6:43

Yesuʼa geʼapileʼmo aeno atagaina huno hapa painoʼaeʼmo, lapakaitapimo hagalu hagalu gemo osiyo.

Yoni 6:45

Gotitegati gemo alini eʼa aeʼa hakalo huʼa hapa nepaiya vayaʼmogimo Goti mukufiʼmo avoʼmo kaeʼapaeʼmo, Gotiʼa muki vayaʼaina alino apaya malegaiye, huʼa avoʼmo kae maleʼnae. Ani gemo huʼnayaʼmofeʼmo muki yaʼmo Afoʼamoʼmo huʼniya gemo afiteʼa ageʼnaya vayaʼmo mukiʼamo nagaetegamo ete ete nehae.

Yoni 6:65

Huno hapa paitenoʼaeʼmo, ani kavatefeʼmo, mago vekamoʼa nagaetegamo agaiʼamo afaʼa oʼmegaiyaʼmonanafa Afoʼnimoʼa fiku ha maeno amisigeno egaiye, huʼna ago lapa paiʼnove, huno hapa paiʼniye.

Yoni 8:43

Na kava higetapaeʼmo geʼnimo afitapa aeto nosae. Geʼnieʼmo olapauʼniyaʼmofeʼmo geʼnimo afaʼa oʼafigae.

Filipai 1:29

He, Gotiʼa Kalaisifekeʼmo lapakesamo afita fatago hisaya kavaʼageʼmo fikumo olapamiʼnifa agaetefeʼmo lapakafu kisiya kavaʼeʼmo lapamiʼniye.

Kolosi 2:12

Ani kavaʼmo haneʼnigeʼa aniʼmo faleʼa nelapatagenoʼaeʼmo Gotiʼa lapakesamo afita fatago nehaya kavatetiʼmo Kalaisiʼeʼmo kanolufiʼmo kino lapateteno Kalaisiʼeʼmo magokepi alino he tino lapateʼniye. Gotiʼa Kalaisiʼmo alino he tino ateʼniya vekamo himamuʼaletiʼmo lapaipafiʼmo aliʼyaʼmo aliʼnigetapa lapakesamo afita fatago huʼnae.