Yoni 6:41 - The Keyagana NT and 25 OT books

⁴¹ Yesuʼa hunoʼaeʼmo, kokuʼnapatiʼmo emiʼneʼniya peleti mayagana huʼna maiʼnove, huno hapa paiʼniyaʼmofeʼmo aepa faiʼa hagalu hagalu huʼa ge hauʼnae.

Yoni 6:41 ပူးပေါင်းရင်းမြစ်များ

Luki 15:2

Falasi vayaʼe keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo hagalu hagalu huʼa gemo hauʼapaeʼmo, ani vekamoʼmo hosu vayaʼmo alino falu fala huno apateteno apakaeʼeʼmo magokepi lokaeno maiʼneno neʼyaʼmo neʼne, huʼa huʼnae.

Luki 19:7

Ani kavaʼmo ageteʼapaeʼmo, hosu vekamo nopiʼmo uno haiʼniye, huʼa huteʼa hagalu hagalu huʼa ge hauʼnae.

Luki 5:30

Falasi vayaʼe Falasi vayapati vayaʼmogimo keʼaepa gemo avoʼmo kaeʼa aliʼa apaya neʼmalaya vayaʼmogiʼeʼmo apaketeʼapaeʼmo geʼamo neʼafiya vayaʼaifeʼmo hagalu hagalu huʼa gemo huʼapaeʼmo, na kava higetapaeʼmo takesi moni neʼaliya vayaʼe hosu vayaʼeʼmo magokepi lokaeta maiʼnetapa neʼyaʼe aniʼeʼmo neʼnae, huʼa ge huʼa apafi geʼnagenoʼaeʼmo

Yoni 1:19

Yu vayaʼmogi Yulusalemu taonifatiʼmo mono huʼa neʼapataya vayaʼe Livai nofi vayaʼeʼmo aliʼa apateʼnageʼa Yonitegamo eʼapaeʼmo, ina lagamae, huʼa ge huʼa afi geʼnae.

Yoni 6:33

Gotiʼa neʼapamiya peleti mayamo kokuʼnapatiʼmo emineno ma mopafi vayaʼmo afaʼa maisaya yaʼmo neʼapamiya vekamo maiʼniye, huno hapa paiʼnigeʼapaeʼmo,

Yoni 6:43

Yesuʼa geʼapileʼmo aeno atagaina huno hapa painoʼaeʼmo, lapakaitapimo hagalu hagalu gemo osiyo.

Yoni 6:48

Nagaemo afaʼa maisaya yaʼmo neʼapamiya peleti mayagana huʼna maiʼnove.

Yoni 6:58

Manimona kokuʼnapatiʼmo emineʼniya peleti mayamo haneʼniye. Lapakinago vayaʼmogi neʼnaya peleti mayagana huno ohaneʼnifa aeto agufa kanale peleti mayamo haneʼniye. Lapakinago vayaʼmogi neteʼapaeʼmo ago faliʼnayaʼmonanafa mani peleti mayamo neʼnisaya vayaʼmo muki afinaʼmo afaʼa maige maige huʼa maigae.

Yoni 6:60

Asole vayaʼmo geʼamo neʼafiya vayapatiʼmo mago vayaʼamo ani gemo afiteʼapaeʼmo, ani gemoʼmo kana huʼniyaʼmofeʼmo ina lagimo ani gemo afiʼa aeto hugae, huʼa huʼnae.

Yoni 6:66

Ani gemo huno hapa paiʼniyaʼmofeʼmo asole vayaʼmo geʼamo afiʼnaya vayapatiʼmo agaeʼeʼmo magoʼe huʼa lokaeʼa umenitata osuʼa ago ataleʼa uʼeʼa huʼnae.

Yoni 7:12

Muki asole vayaʼmogimo agaefeʼmo sumi huʼa ge huge afige huʼapaeʼmo, alagepa vekamae, huʼa huge, haʼao, vayaʼai apakesamo nefaiya vekamo maiʼniye, huʼa huge huʼnae.

1 Kolitiyani 10:10

Apakaepatiʼmo magoʼamogimo alagepa huʼa oʼmaiʼnayaʼmofeʼmo hagalu hagalu huʼa ge neʼnagenoʼaeʼmo vayaʼmo neʼapamagiya enisole vekamoʼmo emineno kamitimo apamagiʼniye.

Yuti 1:16

Ani vayaʼmogimo muki kavafeʼmo ohapauʼniyaʼmofeʼmo hagalu hagalu gemo nehuʼapaeʼmo aiʼa maku make nehae. Apakufamoʼmo hauʼniya kavaʼmo akame nehuʼapaeʼmo, ala vayaʼmo maiʼnone, huʼa nehae. Apakaemo hapauʼniya kavaʼmo afole aisiyafeʼmo apavayaletiʼmo ge huʼa hapao ke nehae.