Yoni 6:38 - The Keyagana NT and 25 OT books

³⁸ Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Yoni 6:38 ပူးပေါင်းရင်းမြစ်များ

Aiyeya 53:10

Ala kava neʼmoʼa aliʼyaʼamo neʼaliya vekamo aeno apalisiyafeʼmo hauʼnigeno agafu kiʼniye. Ala kava neʼmoʼa ani vekamo agupi mafaʼnemo ago aliteno hosu kavaʼapilefeʼmo ofalinimo alino hamaleno ateteno aliʼyaʼamo neʼaliya vekamo maisiya afinaʼamo alino yatala huno atesigeno aginago vayaʼmo apakegaiye. Agaemo aliʼyaʼmo alisigenoʼaeʼmo Ala kava neʼmo hauʼniya kavaʼmo alagepa huno afole aigiye.

Matiyu 20:28

Vemo mafaʼnemo ani kava huno vayaʼmogi ha maeʼa yagaiʼa atesayafeʼmo emiʼnoʼmeʼnifa hapa maeno yagaino apateteno muki asole vayaʼaitefeʼmo falino miya faino hatu maeno apatesiyafeʼmo emineʼniye, huno hapa paiʼniye.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 3:17

Gotiʼa ma mopafi vayaʼmo agoti huno apatetenoʼaeʼmo, hosu kavaʼmo huʼnae, huno hisiyafeʼmo mafaʼneʼamo alino ateʼnigeno emiʼnoʼmeʼnifa apakufamo alino katino apateteno hapau vaisiyafeʼmo alino ateʼnigeno emineʼniye.

Yoni 3:31

Anagatiʼmo emineʼniya vekamoʼa muki vayaʼamo ago aeno apakaseʼniye. Ma mopafatiʼmo afole neʼaiya vayaʼmo ma mopafi vayaʼmo maiʼneʼapaeʼmo ma mopafi kavafeʼmo ava gemo nehageno kokuʼnapatiʼmo emineʼniya vekamoʼa aeno apakaseʼniye.

Yoni 4:34

Yesuʼa hunoʼaeʼmo, alino nateʼnigeʼna eʼnova vekamoʼmo hauʼniya kavaʼmo huʼna namiʼniya aliʼyaʼnimo aliʼna hano huʼna atesuva aliʼyaʼmo nagaemo neʼyaʼnigana huno haneʼniyaʼmofeʼmae.

Yoni 5:19

Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 5:30

Nagaiʼnimo nagesa afiʼna mago kavaʼmo afaʼa osuguve. Muki yaʼmo Afoʼamokeʼmo naha paiʼnigeʼna aliʼna fako huʼna neʼapatove. Nahauʼniya kavaʼmo akame osuʼna alino nateʼnigeʼna emineʼnova vekamoʼa hauʼniya kavaʼamo akame nehuvaʼmofeʼmo fatago kava huʼna aliʼna fako huʼna neʼapatove.

Yoni 6:29

Gotiʼa hauʼniya kavaʼmo magokeʼageʼmo haneʼniyana alino ateʼnigeno emineʼniya vekaeʼmo lapakesamo afita fatago hisaya kavakeʼmo aliʼyaʼamo haneʼniye, huno hapa paiʼnigeʼapaeʼmo,

Yoni 6:33

Gotiʼa neʼapamiya peleti mayamo kokuʼnapatiʼmo emineno ma mopafi vayaʼmo afaʼa maisaya yaʼmo neʼapamiya vekamo maiʼniye, huno hapa paiʼnigeʼapaeʼmo,

Yoni 6:42

Ge hauʼapaeʼmo, ani kanomo Yesuʼa Yosefe mafaʼnemo oʼmaiʼnifiye. He, ani kanomo maiʼnigeta itaʼafoʼalaʼmoganimo ago anakeʼnone. Na kava higenoʼaeʼmo, nagaemo kokuʼnapati emiʼneʼnove, huno nehiye, huʼa huteʼa huʼa faipa huʼa ateteʼa ge hauʼnae.

Yoni 6:57

Muki yaʼmo Afoʼamoʼmo afaʼa maisaya yaʼmo aepa vekamoʼa alino nateʼnigeʼna emineʼnove. Agaemo afaʼa maisuva yaʼmo aepa vekamo maiʼnigeʼna nagufafati nameʼanimo neʼnaya vayaʼmo afaʼa maisaya yaʼmo aepa vekaʼapimo maiʼnove.

Lomu 15:3

Kalaisiʼa agaiʼa hauʼniya kavaʼmo akame osuno ataleʼniya kavafeʼmo Goti mukufi gemoʼmo hunoʼaeʼmo, Huʼa faipa huʼa kateʼnaya gemo nagaeteʼmo asagauno aiʼniye, huno huʼniye.

Efasasi 4:9

Inagi uno haiʼniya gemo aepaʼamo na agufa gemae. Mani gemo aepaʼamo haneʼniyana Kalaisiʼa hogoteno ma mopamo afeʼalumelaga uno lamiʼniye.

Himulu 5:8

Agaemo Goti Mafaʼneʼamo maiʼniyaʼmonanafa geʼamo afiteno akame hisiyafeʼmo lusi kava huno agafu kiʼniya kayotetiʼmo amagino alino aya maleʼnigeno alagepa huno ge afiʼniye.