Yoni 6:27 - The Keyagana NT and 25 OT books

²⁷ Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

Yoni 6:27 ပူးပေါင်းရင်းမြစ်များ

Samu 2:7

Kini vekamoʼmo hunoʼaeʼmo, Ala kava neʼmoʼa hu maleʼniya gemo aeʼna hakalo huʼna lapa paiguve, huno huʼniye. Agaemo, Hemeni afinaʼmo mafaʼneʼnimo aliʼna kateʼnogeka maiʼnane, huno naha paiʼniye.

Samu 40:7

Namiʼnanageʼnaeʼmo, Nago, huʼna, nagaemo neʼove. Goti mukufiʼmo nava gemo haneʼniye.

Mai'naya kavane 9:5

Etapa peleti mayaʼnimo nege nofi alagafati aniʼmo nege hutapa maiyo.

Aiyeya 42:1

Ala kava neʼmoʼa ina gemo hunoʼaeʼmo, Ageyo, huno, Ha neʼmaogeno aliʼyaʼnimo neʼaliya vekamae. Nagupi mafaʼnemo lekana paiʼna ateʼnova vekaeʼmo namogaga neʼauve. Nagaemo agaeteʼmo nauneʼnameʼmo ago maleʼnovanageno muki malaga vayaʼmo alu nofi vaya alu nofi vayaʼaifeʼmo fatago kavafeʼmo ava gemo aeno hakalo huno hapa paigiye.

Aiyeya 55:2

Na kava higetapaeʼmo lapa oʼmaesiya yatefeʼmo monitapimo fiku atalege aliʼyatapilefeʼmo miyatapimo alino falu huno lapatesayafeʼmo apamige nehae. Geʼnilefeʼmo lapaketafo huʼnetapa alagepa huta afiyo. Afigenoʼao lapakupi mafaʼnemoʼmo muki alagepa yaʼmo alitenoʼaeʼmo amogaga aino.

Hamakaki 2:13

Ala kava neʼmo asole vayaʼaiteʼmo yagaino neʼapateya vekamoʼmo hunoʼaeʼmo, ani vekamo vayaʼamogi aliʼyaʼmo neʼaliya kavaʼapimo atamoʼmo leno saga ligiye, huno hu maleʼniye. Alu nofi vaya alu nofi vayaʼmogimo hapaise vose huʼa aliʼyaʼmo aliʼnageno alagaʼmo nehapaeyaʼmonanafa afa aliʼyaʼmo neʼaliye.

Matiyu 17:5

mago hiyaʼmo aeno ha leʼniya hiyaʼmoʼa kino apati kaeʼnigeno mago gemo hiyapatiʼmo hunoʼaeʼmo, mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Agaefeʼmo lusi kava huʼna amuse huʼna neʼatovanagi geʼamo alagepa huta afiyo, huno huʼnigeʼa

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Matiyu 3:17

Kokuʼnapatiʼmo mago gemo hunoʼaeʼmo, ani vekaeʼmo nagaiʼni nahau nayamopafiʼmo nahauʼniya mafaʼneʼnimo maiʼniye. Agaefeʼmo lusi kava huʼna amuse huʼna neʼatove, huno huʼniye.

Matiyu 6:19

Alagepa kagemi yatapimo ma mopafiʼmo ageta alu ai oʼmaleyo, fiku yanageno kafamoʼmo hatagauge oʼaniʼya faige kumaya vayaʼmogi noʼmo aeʼa yakiʼa kumayaʼmo alige hugae.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Maki 1:11

Mago vekaʼmoʼmo kokuʼnapatiʼmo ge hunoʼaeʼmo, lusi kava huno neʼnahaiya mafaʼneʼnimo maiʼnane. Amuse huʼna nekatove, huno huʼniye.

Maki 9:7

Huʼnigeno hiyaʼmo kino apati kaeʼnigeno ani hiyapatiʼmo mago gemo hunoʼaeʼmo, ani vekaeʼmo nahau nayamopafiʼmo neʼnahaiya mafaʼneʼnimo maiʼniyanagi geʼamo afiyo, huno hapa paiʼniye.

Luki 9:35

Ani hiyapatiʼmo mago gemo hunoʼaeʼmo, Nahau nayamopafiʼmo nahauʼniya mafaʼneʼnimo maiʼniyanagi geʼamo afiyo, huno huʼnigeʼapaeʼmo

Yoni 10:28

Nagaemo maige maige huʼa maisaya yaʼmo aliʼna neʼapamuvanageʼa alagi ofaligae. Mago vayaʼmogi eʼa nayapatiʼmo aliʼa naha faleʼa oʼapatalegae.

Yoni 11:42

Muki afinaʼmo geʼnimo neʼafine, huʼna ago afiʼnove. Afiʼnovaʼmonanafa manileʼmo nagaeʼeʼmo magokepiʼmo lokaeʼa maiʼnaya vayaʼmogimo afiteʼapaeʼmo, Gotiʼa alino ateʼnigeno emineʼniye, huʼa apakesamo afiʼa fatago hisayafeʼmo ani gemo nehuve, huno huteno

Yoni 14:6

Nagaemo kaʼmo maiʼneʼna lama gemo aepa vekamo maiʼneʼnaeʼmo vayaʼmo afaʼa maisaya yaʼmo aepa vekamo maiʼnove. Muki vayaʼmogimo muki yaʼmo Afoʼamotegamo apakaiʼapimo afaʼa oʼugafa nagaeteʼmo eteʼapaekeʼmo muki yaʼmo Afoʼamotegamo afaʼa ugae.

Yoni 15:24

Nagaemo apakaetegamo emineʼna vayaʼmogi nosaya agufa kavaʼmo osuʼnovesinana apakameʼyamo oʼnamisageno hosu kavaʼapimo ohaneʼniyesinaʼmonanafa huʼnova kavaʼmo ago ageteʼapaeʼmo nagaeʼe Afoʼnimoʼefeʼmo apaini huʼnae.

Yoni 17:2

Kagaemo muki ma mopafi vayaʼaiteʼmo yagaino apatesiyafeʼmo lekana paika ateʼnane. Apavaleka amiʼnana vayaʼmo afaʼa maige maige huʼa maisaya yaʼmo alino apamisiyafeʼmo himamuʼamo ago amiʼnane.

Yoni 3:15

Ina lagimo agaefeʼmo apakesamo afiʼa fatago nehisafigeʼa alagi ofaliʼa alagepa huʼa maige maige huʼa maisayafeʼmo aliʼa he tiʼa ategae.

Yoni 3:33

geʼamo neʼafiya vayaʼamogigeʼmo huʼapaeʼmo, Gotiʼa lama gemo nehiye, huʼa huʼnae.

Yoni 6:40

Alino nateʼnigeʼna emiʼneʼnova vekamoʼa hauʼniyanageʼa muki vayaʼamogi Mafaʼneʼamo ageʼa aeto huteʼapaeʼmo agaefeʼmo apakesamo afiʼa fatago nehisaya vayaʼmo afaʼa maige maige huʼa maisaya yaʼmo aligae. Aliʼnisageʼna ma mopamo hano hisiya afinaʼmo aliʼna he tiʼna apategauve, huno hapa paiʼniye.

Yoni 6:47

Alagi lama ge lapa nepauve, huno, Apakesamo afiʼa fatago nehaya vayaʼmo afaʼa maige maige huʼa maisaya yaʼmo ago aliʼnae.

Yoni 6:51

Nagaemo afaʼa maisaya yaʼmo neʼapamiya peleti mayamo kokuʼnapatiʼmo emineʼniya peleti mayagana huʼna maiʼnove. Ina lagimo ani peleti mayamo neʼnisafigeʼa muki afinaʼmo afaʼa maige maige huʼa maigae. Apamisuva peleti mayamo nagufafati nameʼanimo haneʼniye. Ma mopafi vayaʼmo afaʼa maige maige huʼa maisayafeʼmo nameʼanimo apamiguve, huno hapa paiʼniye.

Yoni 6:53

Yesuʼa hunoʼaeʼmo, alagi lama gemo lapa nepauve, huno, lapakaemo Vemo Mafaʼnemo ameʼaʼe kolaʼaʼeʼmo oʼneʼnisayana afaʼa maisaya yaʼmo alagi oʼaliʼnae.

Yoni 6:54

Ina lagimo nameʼniʼe kolaʼniʼeʼmo neʼnisafigeʼa afaʼa maige maige huʼa maisaya yaʼmo ago aliʼnayanageʼna ma mopamo hano hisiya afinaʼmo aliʼna he tiʼna apategauve.

Yoni 6:58

Manimona kokuʼnapatiʼmo emineʼniya peleti mayamo haneʼniye. Lapakinago vayaʼmogi neʼnaya peleti mayagana huno ohaneʼnifa aeto agufa kanale peleti mayamo haneʼniye. Lapakinago vayaʼmogi neteʼapaeʼmo ago faliʼnayaʼmonanafa mani peleti mayamo neʼnisaya vayaʼmo muki afinaʼmo afaʼa maige maige huʼa maigae.

Yoni 6:62

Agesayana Vemo Mafaʼnemo atagi neno uno haino maisigetapaeʼmo, na agufa yane hutapa lapakesamo afigae.

Yoni 6:68

Saimoni Pitaʼa hunoʼaeʼmo, Ala kava nene, huno, ina lategamo ugune. Kagae gemoʼa afaʼa maisaya yaʼmo neʼapamiya gemo haneʼniye.

Yoni 8:18

Nagaemo nagaiʼniekeʼmo ani faigoko gemo huʼna naha maeʼna nehugeno Afoʼnimoʼa alino nateʼnigeʼna emineʼnova vekamoʼeʼmo nagaefeʼmo faigoko geʼnimo huno naha maesiya gemo nehiye, huno hapa paiʼnigeʼapaeʼmo,

Apa 10:38

Lapakaemo Yesuʼa Nasalasa taonifi vekamo ava gemo ago afiʼnae. Gotiʼa uvelimo lakino atetenoʼaeʼmo Aunemeʼamo amitenoʼaeʼmo ayamufa huno ateʼniye. Agaemo muki haopalega umenitata nehunoʼaeʼmo alagepa kavaʼmo huno vayaʼmo hapa maeteno Sataniʼa yagaino apateʼnigeʼa kana yaʼmo aliʼa maiʼnaya vayaʼmo alino alagepa huno apateʼniye. Gotiʼa agaeʼeʼmo lokaeno maiʼniyaʼmofeʼmo ani kavaʼmo huʼniye.

Apa 2:22

Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.

Lomu 4:11

Emalehamuʼa agufamo olagauʼniya vekamo maiʼnenoʼaeʼmo agesamo afino fatago huteno fatago kavaʼamo aliʼniye. Fatago kavaʼamo aliʼniya alagena kavaʼmo haneʼniyana agufamo lagauʼniya alagena kavaʼmo aliʼniye. Mani alagena kavaʼmo aune kavaʼmo haneʼniyana, fatago vekamo maiʼniye, huno alino apave neliya kavaʼmo haneʼniye. Apakufamo olagauʼnaya vayaʼai aepa vekamo maisigeno Gotiʼa apakaeʼeʼmo fatago kavaʼamo apamisayafeʼmo ani kava huno maiʼniye.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

1 Kolitiyani 6:13

Lapakaemo hutapaeʼmo, Neʼyaʼmo lagupamo yaʼmo haneʼnigeno lagupamoʼmo neʼyaʼmo neʼne, hutapa nehayaʼmonanafa Gotiʼa neʼyaʼe vayaʼmogi apakupaʼeʼmo alagi alino hano huno atalegaiye. Gotiʼa kumai kavaʼmo hisunafeʼmo lagufamo alo huno olateʼnifa Ala kava netefekeʼmo alo huno lateteno Ala kava neʼmoʼa lagufaleʼmo yagaino latesiyafeʼmo alo huno lateʼniye.

1 Kolitiyani 9:2

Mago vayaʼmogimo nagaefeʼmo, apa vekamo oʼmaiʼniye, huʼa nehayaʼmonanafa aliʼyaʼniletiʼmo Goti mafaʼneʼamo ago hamaleʼnayaʼmofeʼmo Goti apa vekaʼamo maiʼniye hutapa afaʼa hugae. Lapakaetegamo uʼna apa aliʼyaʼnimo aliʼnogetapaeʼmo Goti mafaʼneʼamo hamaleʼnageʼa mago vayaʼmogi lapakeʼnayanageʼa Polo apa aliʼyaʼamo maiʼnae, huʼa hugae.

2 Kolitiyani 4:18

Lagaemo neʼagona yafeʼmo lagesamo oʼafita noʼagona yafekeʼmo lagesamo neʼafunagenoʼaeʼmo alo huno nelate. Neʼagona yaʼmo aupa afinaʼmo hanegaiyaʼmonanafa noʼagona yatimo hanege hanege huno hanegaiyamofeʼmae.

Galesiya 5:6

Kalaisi Yesupiʼmo maiʼnetaeʼmo lagufamo lagauʼnisupi olagauʼnisupigeno afaʼa laha oʼmaegaiyaʼmonanafa lagesamo afita fatago nehuna kavatimoʼmo lahau layamopafiʼmo lahauʼniya kavatetiʼmo aliʼyaʼmo alisiyaʼmoʼmo afaʼa laha maegaiye.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

Kolosi 2:22

Mani keʼaepa gemo neʼa hano hisayafeʼmo haneʼniye. Ma mopafi vayaʼai keʼaepa gemo aliʼa apaya neʼmalaya keʼaepa gegeʼmo haneʼniye.

Kolosi 3:2

Ma mopafi yafeʼmo lapakesamo oʼafitapa muga anaga kotegamo nehaneya yafekeʼmo lapakesamo afiyo.

1 Tesaloniyani 1:3

Lapakesamo afita fatago huʼnetapaeʼmo alagepa kavaʼmo nehae. Lapau lapayamopafiʼmo lapauʼnigetapaeʼmo lokiya aliʼyaʼmo neʼaliye. Ala kava netimo Yesu Kalaisifeʼmo agava maiʼnetapa lapavayagunagu nehutapaeʼmo oʼataletapa atafauta alagi hutapa neʼmaiye. Lagaemo Afotimo Goti aulagaleʼmo ani kavatapieʼmo lagesamo afitetaeʼmo muki afinaʼmo olapataleta nunumuʼmo huta nelapatone.

2 Timoti 2:19

Asagauno aiʼniyaʼmonanafa Goti noʼamo lokiya yafateʼmo faino ateʼniya yafaʼmo afaʼa haneʼniye. Gotiʼa faino ateʼniya yafateʼmo alagena yaʼmo hu maleʼniya yateʼmo haneʼniya gemoʼmo hunoʼaeʼmo, Ala kava neʼmoʼa vayaʼamo apakeʼniye, huno huteno magoʼe gemoʼmo hunoʼaeʼmo, Muki vayaʼamogimo Kalaisi agiʼamo neʼaya vayaʼmogi hosu kavategatiʼmo ataleʼa viyo, huno hu maleʼniye.

Himulu 12:16

Isoʼa kumai kavaʼmo huge mono osuno aote kavafeʼmo, afa kavaʼmo haneʼniye, huno huge huʼniye. Isokana huno maiʼnisiya vekamo lapakaeʼeʼmo oʼmaisiyafeʼmo kava yagaitapa maiyo. Isoʼa yege mafaʼnemo maiʼniyaʼmonanafa aise neʼyaʼmo miya faisiyafeʼmo yege mafaʼnemogi neʼaliya yaʼmo ha maesiya yaʼamo maketi huno fiku ago ataleʼniye.

Himulu 4:11

Goti geʼamo amagiʼa ataleteʼa asagauʼa aiʼnaya kava huta asagauta aigayanagi uta haita maita haga lesunafeʼmo layamukiki higetao.

Yemisi 1:11

Yegemoʼmo haineno neʼagegenoʼaeʼmo lusi kava huno amuko huʼnigeno kahaumo leno falu teʼnigenoʼaeʼmo auseʼamo hali nehigenoʼaeʼmo konali yaʼamo alagi hano nehiye. Ani kava huʼa kagemi yaʼapiʼe vayaʼmo aliʼyaʼapimo neʼalisaya folagapatiʼmo faligae.

1 Pita 1:24

Goti mukufi gemoʼa ani kavatefeʼmo hunoʼaeʼmo, Muki vayaʼai amega apakufaʼamo kahaugana huno haneʼniye. Konali yaʼapimo kahaumo ausegana huno haneʼniye. Kahaumo leno falu netegenoʼaeʼmo auseʼamo asagauno neʼaiyaʼmonanafa Ala kava neʼmo geʼamo alagi hanege hanege huno hanegaiye, huno huʼniye. Apakaemo mani alagepa faigoko geʼamo ago aeʼa hakalo huʼa lapa paiʼnae.

2 Pita 1:17

Gotiʼa afoʼamoʼmo ala agiʼaʼe ha le konali yaʼaʼeʼmo amiʼnigeta ageʼnone. Ha le konali kokuʼnapiʼmo maiʼniya vekamoʼmo ani yaʼmo alino amitenoʼaeʼmo, Mani vekaeʼmo nahau nayamopafiʼmo neʼnahaiya mafaʼneʼnimo maiʼniye. Nagaemo lusi kava huʼna amuse huʼna neʼatove, huno huʼniye.