Yoni 6:2 - The Keyagana NT and 25 OT books

² Agaemo alagena kavaʼmo huno kaita hapauʼniya vayaʼaina alino hapageno apateʼnigeʼa ageʼnayaʼmofeʼmo asole vayaʼmo akame huʼa uʼnae.

Yoni 6:2 ပူးပေါင်းရင်းမြစ်များ

Matiyu 12:15

Yesufeʼmo ani ava gemo huʼnaya gemo ago afitenoʼaeʼmo ani kotetiʼmo ataleno uʼnigeʼa asole vayaʼmo akame huʼa uʼnagenoʼaeʼmo alu kaita alu kaitaʼmo hapauʼniya vayaʼmo alino hapageno apateʼniye.

Matiyu 13:2

asole vayaʼmo eʼa aliʼa anupa huʼa maiʼnagenoʼaeʼmo he tino sipifiʼmo uno haino fai maiʼnigeʼapaeʼmo ani agiʼnaleʼmo he tiʼa maiʼnae.

Matiyu 14:14

Yesuʼa ani agiʼnaleʼmo eno avaʼyi hutenoʼaeʼmo sipifatiʼmo uno lamino apakeyana asole vayaʼmo eʼa maiʼnageno apaketenoʼaeʼmo lusi kava huno hau huno apateteno kaita hapauʼniya vayaʼmo alino hapageno apateʼniye.

Matiyu 8:1

Yesuʼa avelefatiʼmo emineʼnigeʼapaeʼmo asole vayaʼmo akame huʼa emiʼeʼnae.

Maki 1:45

Ani ge huʼniyaʼmonanafa neʼunoʼaeʼmo muki vayaʼaifeʼmo hapa pai male hapa pai male hulino uʼniye. Ina kavaʼmo huʼniyaʼmofeʼmo Yesuʼa muki vayaʼai apaulagaleʼmo taonifiʼmo afaʼa oʼuʼniye. Vayaʼmo oʼmaiʼnaya kotegamo uno maiʼnigeʼapaeʼmo agaetegamo muki haopalegatiʼmo ete ete huʼnae.

Maki 6:33

asole vayaʼmogi ago apaketeʼapaeʼmo, apakaemae, huʼa huteʼa muki taonifatiʼmo nagu nagu huʼa uʼnae. Uʼa aeʼa apaka seʼa uʼa hogoteʼa avaʼyi huʼnageno

Yoni 11:47

Afiteʼa kanisole vayanagi mono huʼa neʼapataya vayaʼaiteʼmo yagaiʼa neʼapataya vayanagi Falasi vayanagi huʼa aliʼa anupa huʼa maiʼneʼapaeʼmo, na agufa kavaʼmo hisune. Ani vekamoʼa noʼagona agufa asole aune kavaʼmo nehiye.

Yoni 12:18

Ani noʼagaya agufa aune kavaʼmo huʼniya kavafeʼmo ava gemo huʼnageʼa afiʼnayaʼmofeʼmo asole vayaʼmo agaeʼeʼmo uʼa fotu huʼnae.

Yoni 12:37

Yesuʼa asole noʼagaya agufa aune kavaʼmo apaulagaleʼmo huʼniyaʼmonanafa agaefeʼmo alagi apakesamo afiʼa fatago osuʼnae.

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Yoni 2:23

Pasova neʼyaʼmo neʼnaya afinaʼmo Yesuʼa Yulusalemu taonifiʼmo maiʼnenoʼaeʼmo noʼagaya agufa aune kavaʼmo huʼnigeʼapaeʼmo asole vayaʼmogimo ageteʼa agaefeʼmo apakesamo afiʼa fatago huʼnae.

Yoni 20:30

Yesuʼa geʼamo neʼafiya vayaʼai apaulagaleʼmo muki noʼagaya agufa aune kavaʼmo magoʼe huno huʼniya kavafeʼmo mani mukufiʼmo avoʼmo okaeʼnove.

Yoni 3:2

Agaemo mago haniʼilagamo Yesutegamo eno, Tisao, huno, lagaemo kageʼnonana Gotiʼa alino kateʼnigeka eka alika apaya neʼmalana vekamo maiʼnane. Gotiʼa kaha oʼmaeʼniyesinana noʼagona agufa kaune kavaʼmo afaʼa nosanesine, huno ha paiʼniye.

Yoni 6:14

Apakaemo ageʼnayana Yesuʼa noʼagaya agufa aune kavaʼmo huno alino apave liʼnigeʼa ageteʼapaeʼmo, Gotitegati gemo alinineno aeno hakalo huno hapa paisiya vekamo ma mopafiʼmo afole aigiye, huʼa huʼnaya vekamo agaekeʼmae, huʼa huʼnae.

Yoni 6:22

Egaʼamo mugagayaga faliga vayaʼmogi agayana egamo haneʼnigeʼa ageʼnaya sipigeʼmo magokeʼageʼmo haneʼnigeno Yesuʼa ani sipifiʼmo oʼuʼnigeʼa geʼamo neʼafiya vayaʼageʼmo uʼnageʼa apakeʼnae.

Yoni 6:26

Yesuʼa hunoʼaeʼmo, alagi lama gemo lapa nepauve, huno, noʼagaya agufa aune kavaʼmo agetapa aeto huʼnayaʼmofeʼmo nagesayafeʼmo oʼmeʼnafa peleti mayamo lapamiʼnogetapa netapa lapamu huʼnayaʼmofeʼmo nagesayafeʼmo eʼnae.

Yoni 6:30

Lama gemo nehane, huta hisunafeʼmo haiya agufa noʼagona kaune kavaʼmo huka lave ligane. Na agufa kavaʼmo hugane.