Yoni 6:11 - The Keyagana NT and 25 OT books

¹¹ Yesuʼa peleti mayamo aliʼneno Gotifeʼmo hao ke heteno maiʼnaya vayaʼmo alino fako huno apamiteno noyameʼeʼmo ani kava huno alino apakaiʼapimo hapauʼniya agufa kavaʼmo huno apamiʼnigeʼa neʼnae.

Yoni 6:11 ပူးပေါင်းရင်းမြစ်များ

Matiyu 15:36

seveniʼa peleti mayaʼe noyameʼeʼmo aliʼneno Gotifeʼmo haoke heteno akaya heno geʼamo neʼafiya vayaʼmo apamiʼnigeʼa muki vayaʼaina apamiʼnae. Muki vayaʼamogimo neʼa apamu huʼnae.

Luki 24:30

Hiʼyalamuteʼmo anakaeʼeʼmo magokepi siyateʼmo fai maiʼnenoʼaeʼmo peleti mayamo aliʼneno nunumuʼmo huno hao ke heteno akaya heno anamiʼniye.

Yoni 21:10

Yesuʼa hunoʼaeʼmo, hemenimo aliʼnaya noyamefatiʼmo mago aliteyo, huno hapa paiʼnigeno

Yoni 21:13

Inagi Yesuʼa eno peleti mayamo alino apamiteno noyameʼeʼmo ani kava huno alino apamiʼniye.

Yoni 21:9

Mopafiʼmo emiʼeʼa ageʼnayana mago noyameʼe peleti mayaʼeʼmo ata hokanufaleʼmo kae maleʼnigeʼa ageʼnae.

Yoni 6:23

Magoʼe sipimo Taipiliyasi kotegatiʼmo eʼa Yesuʼa neʼyaʼmo Gotifeʼmo hao ke heteno apamiʼnigeʼa neʼnayategamo eʼnae.

Yoni 6:9

mago manile maiʼniya mafaʼnemoʼa faefuʼa mali peleti mayaʼe lole noyamelaʼeʼmo aliʼniye. Aliʼniyaʼmonanafa asole vayapiʼmogeno mani neʼyaʼatomoʼa kanale osugiye, huno ha paiʼniye.

Apa 27:35

muki vayaʼai apaulagaleʼmo peleti mayamo aliʼneno Gotifeʼmo hao ke heno nunumuʼmo huteno akaya heno aepa faino neʼniye.

Lomu 14:6

Mago vayaʼmogi Ala kava nefeʼmo apakesamo afiteʼapaeʼmo, aote afinaʼmo haneʼniye, huʼa nehae. Ameʼamo neʼnaya vayaʼmogi Ala kava nefeʼmo apakesamo afiteʼa nesayafeʼmo Gotifekeʼmo haoke nehae. Ameʼamo noʼnaya vayaʼmogi Ala kava nefeʼmo apakesamo afiteʼapaeʼmo Gotifekeʼmo haoke nehae.

1 Kolitiyani 10:31

Inagi lapakaemo muki kavaʼmo hisaya afinaʼmo neʼyaʼmo nege aniʼmo nege nehutapaeʼmo Goti agiʼalekeʼmo alita asaga hisayafekeʼmo muki kavaʼmo hiyo.

1 Tesaloniyani 5:18

Muki agufa kavatefeʼmo Gotifekeʼmo hao ke heyo. Kalaisi Yesupiʼmo maiʼnetapaeʼmo ani kavaʼmo hisayafeʼmo Gotiʼa hauʼniye.

1 Samiyo 9:13

Lanakaemo taonifiʼmo utana haisaʼa afinaʼmo agaemo agegaʼae. Agesaʼageno agaemo neʼyaʼmo nesiyafeʼmo aise avefiʼmo uno haigiye. Vayaʼmogimo ofalini ameʼamo afaʼa oʼnegae. Hogoteno neʼageya vekamoʼmo ofalinimo alino auleno ategaiye. Atetesigeʼa henagaʼamo keya aeʼnigeʼa eʼnaya vayaʼmogimo neʼyaʼmo negae. Hemenimo afaʼa agegaʼaʼmofeʼmo utana haiʼao, huʼa hana paiʼnae.