Yoni 5:45 - The Keyagana NT and 25 OT books

⁴⁵ Lapakaemo nagaefeʼmo hutapaeʼmo, agaemo Afoʼamotega uno hainoʼaeʼmo ge faino ha paiteno agoti huno lategaiye, hutapa lapakesa oʼafiyo. Magoke vekamo Mosesefeʼmo alita amufa amiʼnaya vekamoʼmo ge faiteno agoti huno lapategaiye.

Yoni 5:45 ပူးပေါင်းရင်းမြစ်များ

Luki 16:29

Emalehamuʼa hunoʼaeʼmo, Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo haneʼniyanageʼa afaʼa afigae, huno ha paiʼnigenoʼaeʼmo,

Yoni 12:48

Mago vayaʼmogimo geʼnimo oʼafiʼa apakameʼyamo neʼnamisayana agoti huno apategaiye. Ma mopamo alino hano huno atalesiya afinaʼmo geʼnimokeʼmo agoti huno apategaiye.

Yoni 7:19

Moseseʼa keʼaepa gemo ago alino lapamiʼniyaʼmonanafa lapakaepatiʼmo magoke vekamoʼa ani gemo alagi akame osuʼniye. Na kava huʼnogetapaeʼmo kamiti namagisayafeʼmo nehae, huno apafi geʼnigeʼapaeʼmo

Yoni 8:9

Ani gemo afiʼnagenoʼaeʼmo yuʼilaga vekaʼapimoʼa hosu kavaʼapimo alino apave liʼnigeʼapaeʼmo muki vayaʼamo ataleʼa ute ute huʼnae. Hogoteʼa asole kafugamo maiʼnaya vayaʼmo utageʼapaeʼmo henagaʼamo aise kafugamo maiʼnaya vayaʼmo magoke magoke vayaʼmo ute ute huʼa uʼnae. Ataleʼa utageno Yesuʼa agaiʼageʼmo maiʼnigeno ani a kanomo he tino maiʼniye.

Lomu 2:12

Keʼaepa geʼamo oʼaliʼnisaya vayaʼmogi hosu kavaʼmo nehisagenoʼaeʼmo Gotiʼa agoti huno apateteno apamagisigeʼa faligayaʼmonanafa keʼaepa geʼaletiʼmo agoti huno oʼapategaiye. Keʼaepa geʼamo aliʼnaya vayaʼmogimo hosu kavaʼmo nehisagenoʼaeʼmo magoʼe huno keʼaepa geʼaletiʼmo agoti huno apategaiye.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.