Yoni 5:42 - The Keyagana NT and 25 OT books

⁴² Ago lapakeʼnovana Gotifeʼmo lapau lapayamopafiʼmo alagi olapauʼniye.

Yoni 5:42 ပူးပေါင်းရင်းမြစ်များ

Luki 16:15

Yesuʼa apakaefeʼmo hunoʼaeʼmo, lapakaemo vayaʼmogi apaulagaleʼmo kanale vayaʼmo maisayafeʼmo muki kavaʼmo nehayaʼmonanafa Gotiʼa lapaipafiʼmo ageʼniye. Vayaʼmogimo mago kavafeʼmo agiʼaleʼmo aliʼa neʼasagayaʼmonanafa Goti aulagaleʼmo alagi hosuʼniya kavaʼmo haneʼniye.

Yoni 2:25

Mago gemo afino alagepa huteno apakesiyafeʼmo mago vayaʼmogi apava gemo huʼa ha opaigafa agaiʼageʼmo muki ma mopafi vayaʼai apaipafiʼmo ago apakeʼniye.

Yoni 21:17

Halate napa tali afinaʼmo Yesuʼa hunoʼaeʼmo, Yoni mafaʼneʼamo Saimoniyo, huno, nagaefeʼmo kahauʼnifiye, huno afi geʼnigenoʼaeʼmo Pitaʼa Yesuʼmo napa tali afinaʼmo nagaefeʼmo kahauʼnifiye, huno afi geʼniyaʼmofeʼmo aipamoʼmo kana huʼnigenoʼaeʼmo, Ala kava nene, huno, kagaemo muki kavaʼamo ago ageʼnanana kagaefeʼmo nahauʼniye, huno ha paiʼnigenoʼaeʼmo, nahauʼniya sipisipi vayaʼaina neʼyaʼmo apamiyo.

Yoni 5:41

Nagaemo ago apaketeʼnaeʼmo, ma mopafi maiʼnaya vayaʼmogimo ala nagiʼnimo namigae, huʼna nagesa noʼafuve.

Yoni 5:43

Nagaemo Afoʼnimo agiʼalefeʼmo emiʼneʼnogetapaeʼmo alita falu fala hutapa noʼnatayaʼmonanafa mago vekamoʼa agaiʼa agiʼalefeʼmo agesa afiteno esigetapaeʼmo alita falu fala hutapa ategae.

Yoni 5:44

Vayaʼmogi lapakitapileʼmo aliʼa asaga huʼa lapatesayafeʼmo lapauʼniyaʼmonanafa Gotiʼa lapakitapileʼmo alino magokeʼamokeʼmo asaga huno lapatesiya kavafeʼmo kahauya nosayaʼmofeʼmo haiya kava hutapa nagaefeʼmo lapakesamo afitapa fatago hugae.

Yoni 8:42

Nagaiʼnimo nagesamo afiʼna eminoʼmeʼnofa Gotiʼa alino nateʼnigeʼna eʼnove. Gotitegatiʼmo emiʼneʼnovaʼmofeʼmo Gotiʼa afotapimoʼa maiʼniyesinana nagaefeʼmo lapau lapayamopafiʼmo lapauʼniyesine.

Yoni 8:47

Gotiʼa alino apateʼniya mafaʼneʼamogimo Goti geʼamo neʼafiye. Lapakaemo Gotiʼa alino olapateʼniyaʼmofeʼmo Goti geʼamo noʼafiye, huno hapa paiʼniye.

Yoni 8:55

Gotitimoʼmo maiʼniye, hutapa nehayaʼmonanafa oʼageʼnageʼna nagaekeʼmo ageʼnove. Oʼageʼnove, huʼna nehuvesinana lapakaekana huʼna aigofe gemo nehuva vekamo maiʼnovesine. Nagaemo ago ageʼnovaʼmofeʼmo geʼamo akame nehuve.

Lomu 8:7

Atafa apaipamoʼmo hauʼniya kavapiʼmo maiʼnisaya vayaʼmogi Goti aiyafiʼmo oʼmaige Goti keʼaepa geʼamo oʼafige nehayanageʼa afaʼa oʼafigayaʼmofeʼmo Goti kame vayaʼamo maiʼnae.

1 Yoni 2:15

Lapakaemo ma mopafi kavafeʼmofi ma mopafi yafeʼmofi huno olapaino. Ma mopafi kavafeʼmo nehapaiya vayaʼmogimo Afotimo Gotifeʼmo hapau apayamopafiʼmo nohapaiye.

1 Yoni 3:17

Atalegaunaʼmonanafa mago vekamoʼmo hapa maesiya yaʼamo haneʼniya vekamoʼmo agesiyana mago konagaʼamoʼmo kafu huʼnisigeno agetenoʼaeʼmo hau huno ateteno oʼamiʼnisiyana Gotiʼa hau ayamopafiʼmo hauʼniya kavaʼamo aipafiʼmo haneʼnifiye.

1 Yoni 4:20

Mago vekamoʼmo hunoʼaeʼmo, Nagaemo Gotifeʼmo nahau nayamopafiʼmo neʼnahaiye, huno nehunoʼaeʼmo konagaʼamogifeʼmo aini hisiyana aigofe vekamo maiʼniye. Agaemo ageʼniya konagaʼamofeʼmo nohausiyana haiya kava huno oʼageʼniya Gotifeʼmo hau ayamopafiʼmo haugiye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.