Yoni 5:39 - The Keyagana NT and 25 OT books

³⁹ Lapakaemo Goti Mukufiʼmo haneʼniya geeʼmo kahauya hutapa agege lekana paige hutapa maiʼnetapaeʼmo, alagepa huta maige maige huta maisuna yaʼmo aligune, hutapa lapakesamo neʼafiyaʼmonanafa ani gemoʼa nagaefekeʼmo huʼniye.

Yoni 5:39 ပူးပေါင်းရင်းမြစ်များ

Samu 1:2

Ani agufa kavaʼmo nosayaʼmonanafa Ala kava neʼmo keʼaepa geʼalefekeʼmo amuse huteʼa apamogaga neʼaiye. Apakaemo felugaʼe haniʼilagaʼeʼmo keʼaepa geʼaekeʼmo apakesa afifi huʼa neʼmaiye.

Samu 119:11

Kagaetegamo hosu kavaʼmo osisuvafeʼmo gekamo naipafiʼmo aliʼna fala ki maleʼnove.

Samu 133:3

Alagepa huʼa magokepi lokaeʼa neʼmaiya kavaʼmoʼa netepiʼmo Hemoni aveleʼe Saiyoni aveleʼeʼmo kahauleʼmo lao yaʼmo emineno nehaneya lao yakana huno haneʼniye. Gotiʼa magoke apaipa apakesamo aliteʼa alagepa huʼa magokepi lokaeʼa neʼmaiya vayaʼmo alino auleno apateʼniyanageʼa alagepa huʼa maige maige huʼa maigae.

Samu 16:11

Kagaemo alagepa huʼna maige maige huʼna maisuva kaʼmo alika nave ligane. Kaulagaleʼmo maisaya vayaʼmogimo apaipafiʼmo apamogaga aisaya kavaʼmo havai tegaiye. Lamaga kahaopaleʼmo hapausiya kavaʼmo hanage hanege huno hano osuno hanegaiye.

Samu 21:4

Agaemo kagaefeʼmo afaʼa maisiya yafeʼmo ge huno kafigeʼnigekaeʼmo ago amiʼnane. He, kagaemo maige maige huno maino hano osuno maisiya yaʼmo ago amiʼnane.

Samu 36:9

Maige maige huta maisuna kavaʼmo aepa vekamo maiʼnane. Ha le yakamoʼmo aeno ha nelegetaeʼmo ha le yakamo ageta alagepa huta neʼagone.

Mai'naya kavane 6:23

Afiyo, huno huʼniya gemoʼmo lamugana huno haneʼniye. Keʼaepa gemoʼmo ha le yakana huno haneʼniye. Ani gemoʼmo alino api aino katesigeka alagepa huka maisana yaʼmo alisana kaʼmo alino kave ligiye.

Neniyo 12:2

Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.

Matiyu 22:29

Yesuʼa hapa painoʼaeʼmo, lapakaemo Goti Mukufi gemo oʼafige Goti lokiyaʼamo oʼagege huʼnayaʼmofeʼmo ika ika lapakesamo neʼafiye.

Maki 10:3

Yesuʼa hunoʼaeʼmo, Moseseʼa na agufa keʼaepa gemo lapamiʼniye, huno apafi geʼnigeʼapaeʼmo,

Maki 12:10

Lapakaemo mago gemo Gotiʼa avoʼmo kae maleʼniya gemo lekana opaiʼnafiye. Ani gemoʼa hunoʼaeʼmo, yafatetiʼmo noʼmo nekiya vayaʼmogimo mago yafafeʼmo huʼapaeʼmo, afa yafane, huʼa huʼnaya yafaʼmo hogote yafaʼmo afole aiʼniye.

Luki 16:29

Emalehamuʼa hunoʼaeʼmo, Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo haneʼniyanageʼa afaʼa afigae, huno ha paiʼnigenoʼaeʼmo,

Luki 16:31

Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo oʼafisayana mago faliʼnisiya vekamoʼmo he tinuno hapa paisiya gemo oʼafigae, huno ha paiʼniye, huno Yesuʼa hapa paiʼniye.

Luki 24:25

O negi vekalane, huno, lanakaemo muki geʼamo Gotitegati gemo alini eʼa aeʼa hakalo huʼa hapa paiʼnaya vayaʼmogi huʼnaya geeʼmo lanakesamo afitana fatago hisaʼafeʼmo ago lanake kaniʼnigetana vase vase hutana neʼafiʼae.

Luki 24:27

Agaemo Moseseʼa agaefeʼmo ava gemo huno avoʼmo kae maleʼniya gemo aepa faiteno aepaʼamo alino anaya maleʼniye. Ani kavaʼmo huno muki vayaʼmo Gotitegati gemo alini eʼa aeʼa hakalo huʼa hapa nepaiya vayaʼmogimo agaefeʼmo ava gemo huʼnaya gemo aepaʼamo alino anaya maleme maleme uʼniye.

Luki 24:44

Netenoʼaeʼmo, mani kavafeʼmo lapakaeʼeʼmo maiʼneʼnaeʼmo ago lapa paiʼnaeʼmo, muki kavafeʼmo nava gemo huʼa avoʼmo kae maleʼnaya gemo afole aigiye. Moseseʼa avoʼmo kae maleʼniya nava gegi Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya nava gegi Samu mukufiʼmo avoʼmo kae maleʼnaya nava gemogi huno afole aino,

Yoni 1:45

Filipiʼa uno kahauya huno Natanieloʼmo agetenoʼaeʼmo, Moseseʼa keʼaepa gemo avoʼmo kae maleʼniya Mukufiʼmo mago vekaeʼmo ava gemo huno avoʼmo kae maleʼnigeʼapaeʼmo Gotitegati gemo alini eʼa aeʼa hakalo huʼa hapa nepaiya vayaʼmogiʼeʼmo ani kava huʼa ava gemo huʼa avoʼmo kae maleʼnaya vekamo ago ageʼnove. Agiʼamo Yesuʼa Yosefe mafaʼnemo Nasalasa taonifi vekamo maiʼnigeʼna ageʼnove, huno ha paiʼnigeno

Yoni 5:32

Osugayaʼmonanafa nagaefeʼmo faigoko geʼnimo huno naha maeno nehiya vekamo maiʼniyaʼmofeʼmo, alagi lama gemo nehiye, huʼna afiʼnove.

Yoni 5:36

Huʼnayaʼmonanafa nagaefeʼmo faigoko gemo huno naha maeno nehiya gemoʼa Yoniʼa huʼniya gemo aeno agaseʼniye. Nehuva kavaʼmo muki yaʼmo Afoʼamoʼmo huvo, huno naha paiʼnigeʼna nehuva kavaʼmoʼa nagaefeʼmo faigoko gemo huno naha maeno nehiya gemoʼa hunoʼaeʼmo, Muki yaʼmo Afoʼamoʼmo alino ateʼnigeno emineʼniye, huno alino apave neliye.

Yoni 5:40

Huʼniyaʼmonanafa maige maige hutapa maisaya yaʼmo alisayafeʼmo nagaetegamo esayafeʼmo alagi olapauʼniye.

Yoni 5:46

Moseseʼa nava gemo huno avoʼmo kae maleʼniyaʼmofeʼmo Mosese geʼaeʼmo lapakesamo afita fatago huʼnaesinana geʼnieʼmo lapakesamo afita fatago nehaesine.

Yoni 7:52

Kagaemo Galeliya kotega vekamo maiʼnapiye. Magoke vekamo Gotitegati gemo alinineno aeno hakalo huno hapa nepaiya vekamoʼa Galeliya kotegatiʼmo afole oʼaiʼniye. Kagaemo kahauya huka ageka lekana paika afiyo, huʼa ha paiteʼa

Apa 13:27

Yulusalemu taonifiʼmo maiʼnaya vayaʼe yagaiʼa neʼapataya vayaʼapimogiʼeʼmo Kalaisi vekamo maiʼniye, huʼa oʼageʼa Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya gemo muki sapati afinaʼmo lekana nepaiya gemo aepaʼamo oʼafiʼnayaʼmofeʼmo amagiyo, huʼa huʼnaya geletiʼmo hogoteʼa ago avoʼmo kae maleʼnaya gemo aliʼa afole aiʼa ateʼnae.

Apa 17:11

Meliya vayaʼmogimo ani gemo afiʼnageno apakesamo aino halo aiʼnigeʼa Tesalonaika vayaʼmo aeʼa apakaseʼa magoʼe huʼa alagepa huʼa afiʼnae. Apakaemo muki afinaʼae afinaʼaeʼmo Poloʼa lama gemo nehifi, huʼa apakesamo afiteʼa Goti Mukufiʼmo haneʼniya geeʼmo kahauya huʼa agege lekana paige huʼa maiʼnae.

Apa 26:27

Ala kini vekamo Agalipao, huno, Gotitegati gemo alini eʼa aeʼa hakalo huʼa hapa nepaiya vayaʼmogi geʼapieʼmo kagesamo afika fatago nehapiye. Ago kageʼnovana kagesamo afika fatago nehane, huno ha paiʼnigeno

Lomu 1:2

Akeyaʼvilaga Gotiʼa agaetegati gemo alini eʼa aeʼa hakalo huʼa hapa nepaiya vayaʼmogi aote mukufiʼmo avoʼmo kae maleʼnaya geʼapimoʼa mani alagepa faigoko geʼalefeʼmo, afole aigiye, huno hapa paiʼniye.

Lomu 3:2

Muki kavatefeʼmo hapa maesiya yaʼmo ago aliʼnae. Hogote yaʼmo hapa maesiya yaʼmo haneʼniyana Gotiʼa geʼaleʼmo yagaiʼa atesayafeʼmo geʼamo ago apamiʼniye.

Kolosi 3:16

Lapaipamo alo higenoʼao Kalaisifeʼmo ava gemo lapaipafiʼmo magoʼe huno hanege hanege huno alagi haneno. Alagepa huta lapakesamo afiʼnetapa konagatapimo afalu afalu kavaʼmo hutapa alita apaya maletapaeʼmo hosu kavaʼmo osisayafeʼmo ehetapiye, huta hapa paiyo. Lapaipafiʼmo Gotifeʼmo hao ke nehetapaeʼmo samu yokemo huge mono yokemo huge Ala kava neʼmo agiʼaleʼmo aliʼa neʼasagaya yokemo huge hutapa maiyo.

Himulu 11:16

alagepa koʼmo aeno agaseʼniya kokuʼna kotefeʼmo hapauʼniye. Gotiʼa maisaya taonimo alo huno apateʼniyaʼmofeʼmo Gotitimoʼmo maiʼniye, huʼa agi neʼaya gelefeʼmo avagage nosiye.

Himulu 11:35

Gotiʼa apakesamo afiʼa fatago huʼnaya kavatetiʼmo mafaʼneʼapimo faliʼnayatetiʼmo halate alino he tino apateʼnigeʼa itaʼapimogimo halate apavaleʼnae. Huʼnayaʼmonanafa magoʼamo apakafu kiʼnigeʼa faliʼnae. Kame vayaʼapimogimo huʼapaeʼmo, lapakaemo atalesayana afaʼa hatu maeta lapategaune, huʼa hapa paiʼnageʼapaeʼmo kanolufatiʼmo he tiʼapaeʼmo maige maige huʼa maisaya kavafeʼmo apakesamo afiteʼapaeʼmo, oʼatalegaune, huʼa huʼnae.

Yasuva 1:8

Mukufiʼmo haneʼniya gemo muki avoʼmo kae maleʼniya keʼaepa gemo akame hisanafeʼmo kagaemo ani keʼaepa gemo haneʼniya mukufiʼmo keʼaepa geʼaeʼmo felugaʼe haniʼilagaʼeʼmo kagesa afifi huka maiʼneka kavayafatiʼmo hapa paiyo alagepa huka maisanageno aliʼyakamo alagepa huno afole aigiye.

Leveleseni 19:10

Naha paiʼnigeʼna agaefeʼmo mono hisuvafeʼmo aiyafiʼmo asagauʼna aiʼnogenoʼaeʼmo, Nagaefeʼmo mono osuvo. Kagaeʼe konagakamogiʼeʼmo Yesufeʼmo ava geleʼmo atafauʼa alagi huʼnaya konagakamogiʼeʼmo magoke agufa aliʼyaʼmo neʼalune. Gotifekeʼmo mono huvo. Goti Aunemeʼamoʼmo Gotitegati gemo alini eʼa aeʼa hakalo huʼa hapa nepaiya vayaʼmo ani gemo apamiʼnigeʼa Yesufeʼmo ava gemo nehae, huno naha paiʼniye.