Yoni 5:31 - The Keyagana NT and 25 OT books

³¹ Nagaemo nagaiʼnieʼmo faigoko geʼnimo huʼna naha maeʼna nehuva gemo lapa paisuvana alagi lama gemo haneʼniye, hutapa osugae.

Yoni 5:31 ပူးပေါင်းရင်းမြစ်များ

Mai'naya kavane 27:2

Alu vekamo ateʼnegenoʼa ala kagimo kamino. Fiku yanageka kagaikamo ala kagimo kamiganaʼmofeʼmae.

Yoni 8:54

Yesuʼa hunoʼaeʼmo, nagaiʼni nagiʼnileʼmo aliʼna asaga huʼna neʼnatovesinana ina agufa yakana huno haneʼniyesine. Lapakaemo Afoʼnimofeʼmo hutapaeʼmo, Gotitimoʼmo maiʼniye, hutapa nehaya vekamoʼa nagiʼnileʼmo alino asaga huno neʼnate.

Leveleseni 3:14

Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.