Yoni 5:28 - The Keyagana NT and 25 OT books

^28-29 Lahapau oʼaiyo. Agae afinaʼmo afole aisigenoʼaeʼmo agemo neʼaisigeʼapaeʼmo faliʼnaya vayaʼmogi afiteʼapaeʼmo he tigae. Alagepa kavaʼmo huʼnisaya vayaʼmo he ti eʼa afaʼa neʼmaiyategamo maigae. Hosu kavaʼmo huʼnisaya vayaʼmo he tiʼa visageno agoti huno apatetenoʼaeʼmo, hosu vayaʼmo maiʼnae, huno hugiye.

Yoni 5:28 ပူးပေါင်းရင်းမြစ်များ

Aiyeya 26:19

Kagaemo nofi vayakamo faliʼnayanageʼa he tigae. Isaleli vayaʼmogimo huʼapaeʼmo, lagae lagufamo he tigiye, huʼa huʼnae. Mopafiʼmo kanolufi maiʼnaya vayanagi he tita yokemo hiyo. Na agufa kavatefene. Lao yaʼmo mopaleʼmo asagauno neʼaigenoʼaeʼmo kahaumo nelagiya kava huno Gotiʼa lao yaʼamo alino atesigenoʼaeʼmo faliʼnaya vayaʼaiteʼmo asagauno aisigeʼa he tigae.

Neniyo 12:2

Ma mopafiʼmo asole vayaʼmo apau kaleʼa maiʼnaya vayaʼmo apaupatiʼmo he tigae. Mago vayaʼamo he tiʼa alagepa huʼa maige maige huʼa maigae. Mago vayaʼamo he tiʼa apavagage yaʼmo aliteʼa maige maige huʼa maisageʼapaeʼmo hosu vayane, huʼa huteʼa apakameʼyamo apamigae.

Yoni 3:7

Halate alino lapateno, huʼna kaha nepauva geeʼmo afika kahau oʼaiyo.

Yoni 4:21

Yesuʼa hunoʼaeʼmo, Ane, huno, geʼnimo alagepa huka afiyo. Mago afinaʼmo afole aisigeʼapaeʼmo mani aveleʼmo muki yaʼmo Afoʼamofeʼmo mono osuge Yulusalemu taonifiʼmo mono osuge hugae.

Yoni 4:23

Goti Aunemeʼamoʼmo lama ge mono nehaya vayaʼai apaipafiʼmo aliʼyaʼmo alisigeʼapaeʼmo muki yaʼmo Afoʼamofeʼmo apaipa apakesafatiʼmo mono huteʼa Goti geʼamo lama gelefeʼmo mono hisaya afinaʼmo afole aisiyafeʼmo nehiyaʼmonanafa hemenimo ago afole aiʼniye. Muki yaʼmo Afoʼamoʼmo ani agufa vayaʼmogi agaefeʼmo mono hisaya agufa vayaʼmo kahauya huno apakesiyafeʼmo nehiye.

Yoni 5:20

Muki yaʼmo Afoʼamoʼmo mafaʼneʼaeʼmo hau ayamopafiʼmo hauʼnigeno muki nehiya kavaʼamo alino ave neliye. Mani kavaʼmo aeno agaseʼniya kavaʼmo magoʼe huno alino ave lisigeno hisigetapaeʼmo lahapau aigae.

Yoni 5:25

Lama gemo lapa nepauve, huno, Mago afinaʼmo afole aigiyana ago afole aiʼniye. Nefaliya kavategamo maiʼnaya vayaʼmogi Goti mafaʼneʼamo geʼamo afaʼa afigae. Afiʼnisaya vayaʼmogi afaʼa maisaya yaʼmo aliteʼa maigae.

Apa 24:15

Apakaemo muki hosu vayaʼe alagepa vayaʼeʼmo faliʼnayatetiʼmo he tigae, huʼa apakesamo afiʼa fatago huteʼa apavayagunagu huʼa agava maiʼnaya kava huʼna nagesamo afiʼna fatago huteʼna navayagunagu huʼna agava neʼmauve.

Apa 3:12

Pitaʼa apaketenoʼaeʼmo, Isaleli vayaʼmogitapae, huno, Na kava higeta lapau aitetapa lagaefeʼmo aulu nelahae. Lapakaemo lapakesa afitapaeʼmo lokiyatiʼaletiʼe alagepa kavatiʼaletiʼeʼmo mani vekamo alitaʼa alagepa hutaʼa ateʼnoʼageno umenitata nehiye, hutapa lapakesamo neʼafifiye.

1 Kolitiyani 15:22

Atamupiʼmo maiʼnisaya vayaʼmo mukiʼamo nefaliya kava huʼa muki Kalaisipiʼmo maiʼnisaya vayaʼmo mukiʼamo he tigae.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

Leveleseni 20:12

Uʼna ageʼna apakeʼnovana faliʼnaya vayaʼmo apaki haneʼniya vayanagi apaki ohaneʼniya vayanagi huʼa yagaino neʼapateya vekamo siya aulagamo he tiʼa maiʼnageno muki mukuʼamo alino vaka leteno mago alu mukumo afaʼa maisaya yaʼmo aliʼnaya vayaʼai apakiʼapimo haneʼniya mukumo alino vaka leʼniye. Agaemo faliʼnaya vayaʼmogi huʼnaya kavaʼapimo muki asole mukufiʼmo avoʼmo kae maleʼniya kavaʼapilefeʼmo agoti huno apateʼniye.