Yoni 5:19 - The Keyagana NT and 25 OT books

¹⁹ Yesuʼa hunoʼaeʼmo, alagi lama gemo lapa nepauve, huno, Mafaʼneʼamoʼmo agaiʼamo mago kavaʼmo afaʼa osugiyaʼmonanafa muki yaʼmo Afoʼamoʼmo nehiya kavaʼmo agetenoʼaekeʼmo nehiye. Agaemo nehiya kava huno mafaʼneʼamoʼmo ani agufa kavaʼmo nehiye.

Yoni 5:19 ပူးပေါင်းရင်းမြစ်များ

Aepa Gemae 1:1

Akeyaʼvilagamo aepa faiʼniya afinaʼmo Gotiʼa kokuʼnaʼe mopaʼeʼmo afa yatetiʼmo alo huʼniye.

Aepa Gemae 1:26

Huteno Gotiʼa hunoʼaeʼmo, lagaemo vayaʼmo lagaitigana huta alo higetao. Apakaemo solovala anipi noyameleʼmo yagaige kokuʼnate namaleʼmo yagaige yuna afugi yagagafagi afela afugi muki ma mopafi yatenagi huʼa yagaige hugae, huno huʼniye.

Samu 138:3

Nagaemo kagaefeʼmo keya aeʼna ge huʼnova afinaʼmo geʼnileʼmo aeka atagaina huka alika lokiya vaika nateʼnanageno nagupi mafaʼnemoʼmo lokiya vaino maiʼniye.

Samu 27:14

Ala kava nefekeʼmo agava maiyo. Lokiya vaita maiʼnigenoʼao lokiya vaino lapateno. Ala kava nefekeʼmo agava maiyo, huʼna nehuve.

Samu 50:6

Kokuʼnapiʼmo maiʼnaya vayaʼmogimo huʼapaeʼmo, alagi fatago vekamo maiʼniye. Agaiʼageʼmo alino fako huno apategaiye, huʼa hugae.

Hatu maeno apate'niya gemae 4:11

Ala kava neʼmoʼa ha painoʼaeʼmo, Ina laʼmo vayaʼmogi apavayamo alo huno apateʼniye. Ina laʼmo vayaʼmogi apavayamo alino akanige apakesamo alino akanige apaulagamo alo huge apaulagamo alino fali kaege nehiye. Nagaemo Ala kava neʼmonageʼmo muki ani kavaʼmo nehuve.

Mai'naya kavane 2:6

Ala kava neʼmoʼa afiteʼa neʼagaya kavaʼmo alino neʼapamiye. Agaiʼa avayafatiʼmo afiteʼa neʼagaya kavaʼe afiʼa aeto nehaya kavaʼeʼmo emineneʼe.

Aiyeya 45:24

Apakaemo huʼapaeʼmo, Lama gemo nehune, huʼa, Ala kava nepiʼmo maiʼnetaeʼmo fatago kavaʼamo aliteta himamuʼamo aliʼnone. Muki vayaʼmo agaetegamo egae. Agaefeʼmo apaipamo leʼa ateʼnaya vayaʼmo apavagage hugiye.

Matiyu 26:39

Apataleno aise afagiʼaleʼmo uno mopafiʼmo agoʼya faiʼneno augosalegatiʼmo mopafiʼmo aino ati kaeno maiʼneno nunumuʼmo hunoʼaeʼmo, Afoʼnimogae, huno, visuva kaʼmo mago alu kaʼmo haneʼnisiyana nagaetegatiʼmo mani kapumo afaʼa alika atalo. Ani gemo huvaʼmonanafa nagaemo nahauʼniya kavaʼmo akame osuka kagaemo kahauʼnisiya kavaʼmo akame huvo, huno nunumuʼmo huʼniye.

Luki 21:15

Nagaiʼnimo alagepa huʼa afiteʼa ageʼnaya gemo aliʼna lapamisugetapa hapa paisageʼa afiteʼapaeʼmo getapileʼmo ge huʼa aeʼa ati kaeʼa ge osugae.

Yoni 10:18

Mago vekamoʼmo afaʼa maisuva yaʼnimo nayapatiʼmo naha faleno oʼatalegaiyaʼmonanafa nagaiʼnimo nagesa afiteʼna atalegauve. Afaʼa maisuva yaʼnimo ataleteʼna halate alisuvafeʼmo himamuʼnimo ago aliʼnove. Afoʼnimoʼa ani kavaʼmo huvo huno naha paiʼniyaʼmofeʼmae, huno hapa paiʼniye.

Yoni 12:49

Nagaemo mani gemo nagaiʼni nagesafatiʼmo nagesamo afiʼna nosufa muki yaʼmo Afoʼamoʼmo alino nateʼnigeʼna emiʼneʼnova vekamoʼa ani gemo huvo, huno naha paiʼniya gemo nehuve.

Yoni 12:50

Afoʼnimoʼmo mani gemo huvo, huno naha paiʼniya gemo ago afiʼnovana alagepa huʼa maige maige huʼa maisaya yaʼmo neʼapamiya gemo haneʼnigeʼna afiteʼnaeʼmo hapa nepauve.

Yoni 14:10

Nagaemo muki yaʼmo Afoʼamopiʼmo maiʼnogeno muki yaʼmo Afoʼamoʼmo nagaepiʼmo maiʼniye, huka kagesamo afika fatago osuʼnapiye. Lapa nepauva gemo nagaiʼni nagesafatiʼmo nagesa afiʼna lapa nopauvaʼmonanafa agaemo muki yaʼmo Afoʼamoʼmo nagaepiʼmo maiʼnenoʼaeʼmo aliʼyaʼamo neʼaliye.

Yoni 2:19

Afi geʼnagenoʼaeʼmo, mani Goti mono noʼamo heta halagape vaisageʼnaeʼmo loleʼe magoʼe afinaʼmo halate kiʼna hano huguve, huno hapa paiʼnigeʼapaeʼmo,

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 5:21

Muki yaʼmo Afoʼamoʼmo faliʼnaya vayaʼmo alino he tino apateteno afaʼa maisaya yaʼmo neʼapamiya kava huno Mafaʼneʼamoʼa afaʼa maisaya yaʼmo apamisiyafeʼmo hauʼnisiya vayaʼaina afaʼa neʼapamiye.

Yoni 6:38

Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Yoni 8:28

Inagi Yesuʼa hunoʼaeʼmo, lapakaemo Vemo Mafaʼnemo alita he titapa atetetapaeʼmo, Mesaiya vekamo maiʼniye, hutapa agegae. Agaiʼamo agesafatiʼmo agesa afino mago kavaʼmo osuʼnifa muki yaʼmo Afoʼamoʼa alino aya maleʼniya gemo hapa paiʼniye, hutapa nagegae.

Yoni 9:4

Muki felugaʼamo nagaemo alino nateʼnigeʼna emiʼneʼnova vekamo hauʼniya aliʼyaʼamo aliguve. Haniʼmo hisigeʼapaeʼmo muki vayaʼmogimo aliʼyaʼmo afaʼa oʼaligae.

Apa 2:24

Faliʼnigenoʼaeʼmo Gotiʼa faliʼniya nofipatiʼmo hatu maeno ateteno kanolufatiʼmo ago alino he tino ateʼniye. Faliʼniya kavaʼmoʼa alagi afaʼa atafauno oʼategaiye.

Lomu 6:4

Muki yaʼmo Afoʼamoʼmo ha le konali yaʼaletiʼmo Kalaisiʼa faliʼniyatetiʼmo ago alino he tino ateʼniya kava huta he tita saufa kavaʼmo huta maisunafeʼmo Gotiʼa Kalaisipiʼmo aniʼmo faleno lateʼnigeta agaeʼeʼmo magokepi faliʼnonagenoʼaeʼmo agaeʼeʼmo magokepi kino lateʼniye.

Lomu 8:11

Goti Aunemeʼamoʼmo Yesuʼmo faliʼniyatetiʼmo ago alino he tino ateʼniya vekamo lapaipafiʼmo maiʼnisiyana Kalaisiʼa alino he tino ateʼniya vekamoʼmo ani kava huno lapaipafiʼmo maiʼniya Aunemeʼaletiʼmo falisiya lapakufamo alino he tino lapategaiye.

1 Kolitiyani 15:12

Lagaemo hutaeʼmo, Kalaisiʼa faliʼniyatetiʼmo ago alino he tino ateʼniye, huta aeta hakalo huta lapa nepaunaʼmofeʼmo na kava higetapa mago vayaʼamogitapamo hutapaeʼmo, faliʼnaya vayaʼmo he otigae, hutapa nehae.

2 Kolitiyani 4:14

Lagaemo afiʼnonana Ala kava neʼmo Yesuʼa ago alino he tino ateʼniya vekamoʼmo Yesuʼe lagaeʼeʼmo alino he tino latetenoʼaeʼmo lapakaeʼeʼmo lavalelinuno agaeʼeʼmo magokepi lokaeno latesigeta lokaeta maigune, huta afiʼnonaʼmofeʼmo ge nehune.

2 Kolitiyani 5:10

Kalaisiʼa siyaʼaleʼmo fai maiʼnenoʼaeʼmo kavatimo alino fako huno latesiya afinaʼmo mukiʼamogita uta haita aulagaleʼmo he tita maigune. Lagufafiʼmo maiʼnetaeʼmo alagepa kavaʼmo huʼnisupi hosu kavaʼmo huʼnisupigeta mukiʼamogitamo lamete lamete huta miyatimo aligune.

Efasasi 2:5

Lagaemo Goti geʼamo ago amagita ataleteta hosu kavapiʼmo falisuna kavategamo maiʼnonagenoʼaeʼmo alino he tino latetenoʼaeʼmo afaʼa maisuna yaʼmo lamiʼnigeta Kalaisiʼeʼmo afaʼa maiʼnone. Fikumo lapa maeno lapamiʼniya kavatetiʼmo lapakufamo alino katino lapateʼniye.

Efasasi 3:16

Nunumuʼmo nehuʼnaeʼmo, lusi kava huka ha le konali vekamo maiʼnanaʼmofeʼmo ha le konali kagemi yakalefeʼmo himamukaletiʼe Kaunekametetiʼeʼmo apakupi mafaʼnemo lokiya vaika apato. Kalaisiʼa agaefeʼmo apakesamo afiʼa fatago nehaya kavatetiʼmo apaipafiʼmo alagi maiyo. Kalaisiʼa apaipafiʼmo maiʼnisigeʼapaeʼmo hapau apayamopafiʼmo hapauʼnisigeʼa hapafuʼyamo aegekana huʼa maiʼneʼa noʼmo faiʼa neʼataya yateʼmo alagi atafauʼa alagi huʼa maiyo.

Filipai 3:21

Agaemo ayamufaʼaletiʼmo muki yaʼe vayaʼeʼmo alino aiyafiʼmo apateteno yagaino apatesiya ayamufaʼaletiʼmo hosu lagufamo lokiya oʼvaino nekasaliya lagufamo agaiʼa agufagana agufa lagufamo ha le konali lagufamo alino hamaleno lategaiye.

Filipai 4:13

Nagaemo Kalaisipiʼmo maiʼneʼnaeʼmo lokiya vaino neʼnateya himamuʼaletiʼmo muki kavaʼamo afaʼa huguve.

Kolosi 1:11

Gotiʼa ha le konali lokiyaʼaʼe vekamoʼmo lokiyaʼaletiʼmo lokiya vaino lapateno. Lokiya vaino lapatesigetapa hosu afinaʼmo oʼataleta hosu lapaipamo okalita lapamogaga aiʼnetapa muki yaʼmo Afoʼamofekeʼmo hao ke hegae.

Kolosi 1:16

Gotiʼa Kalaisipiʼmo muki yaʼe vayaʼeʼmo alo huno apateʼniye. Kokuʼnapiʼmo haneʼniya yaʼe vayaʼenagi ma mopafiʼmo haneʼniya yaʼe vayaʼenagi neʼagaya yaʼe vayaʼenagi noʼagaya yaʼe vayaʼenagi huno alo huno apateʼniye. Agaetetikeʼmo yagaiʼa neʼapataya vayanagi ala vayanagi kava vayanagi ala apaki vayanagi huno agaetefeʼmo alo huno apateʼniye.

1 Tesaloniyani 4:14

Lagaemo, Yesuʼa ago faliteno he tiʼniye, huta lagesamo afita fatago nehunaʼmofeʼmo Gotiʼa Yesupiʼmo faliʼnaya vayaʼe Yesuʼeʼmo apavalelino eminegaiye, huta lagesamo afita fatago hugune.

1 Pita 3:18

Ani kavatefeʼmo fatago vekamo Kalaisiʼa fatago vayaʼmo oʼmaiʼnaya vayaʼai apaimuʼyaleʼmo muki afinatefeʼmo magoke afinaʼmo ago faliʼniye. Agaemo Gotitegamo lavalelino uno haisiyafeʼmo agufaʼamo faliʼniyaʼmonanafa Goti Aunemeʼamoʼmo ago alino he tino ateʼniye.

Leveleseni 2:23

Ani kavaʼmo huteʼna mafaʼne anagaʼamo apamagisugeʼa faligae. Inagi siosiʼafi siosiʼafiʼmo maiʼnaya vayaʼmogimo nagaemo hisuva kavaʼmo ageteʼapaeʼmo, agaemo vayaʼai apaipa apakesafiʼmo neʼageya vekamo maiʼniye, huʼa nagegae. Na agufa kavaʼmo huʼnisafigeʼna anonatapilefeʼmo lapamete lapamete huʼna lapamiguve.