Yoni 5:18 - The Keyagana NT and 25 OT books

¹⁸ Ani gemo huʼniyaʼmofeʼmo magoʼe huʼa amagisayafeʼmo huʼnae. Agaemo Sapati afina keʼaepa gemo amagino ataleʼniya kavakeʼmo osuʼnifa magoʼe hosu kavaʼmo huʼniye, huʼa apakesamo afiʼnayaʼmofeʼmae. Agaemo Gotiʼa afoʼnimoʼmo maiʼniye, huno hapa paiʼniya gemo huno agaiʼaʼe Gotiʼeʼmo magoke aiyaya vekalane huno hapa paige huʼniyaʼmofeʼmo magoʼe huʼa amagisayafeʼmo huʼnae.

Yoni 5:18 ပူးပေါင်းရင်းမြစ်များ

Matiyu 12:5

Keʼaepa gemoʼa hunoʼaeʼmo, mono huʼa neʼapataya vayaʼmogimo Sapati afinaʼmo alopa mono nopiʼmo aliʼyaʼmo aliʼnayana keʼaepa gemoʼa hunoʼaeʼmo, Sapati afinaʼmo aliʼyaʼmo oʼaliyo, huno huʼniya gemo amagiʼa neʼatalayaʼmonanafa vaiʼmo noʼaliye, huno avoʼmo kae maleʼniya gemo lekana paita oʼafiʼnafiye.

Yoni 1:19

Yu vayaʼmogi Yulusalemu taonifatiʼmo mono huʼa neʼapataya vayaʼe Livai nofi vayaʼeʼmo aliʼa apateʼnageʼa Yonitegamo eʼapaeʼmo, ina lagamae, huʼa ge huʼa afi geʼnae.

Yoni 10:30

Nagaeʼe Afoʼnimoʼeʼmo magoke aiyaya vekalaʼmo maiʼnoʼae, huno hapa paiʼnigeʼapaeʼmo

Yoni 10:33

alagepa kavaʼmo huʼnanaʼmofeʼmo kamagisunafeʼmo nosunaʼmonanafa Gotifeʼmo huka faipa huka neʼatanaʼmofeʼmo kamagisunafeʼmo nehune. Ina agufa vekamo maiʼnanaʼmonanafa Gotiʼnamo maiʼnove, huka nehanaʼmofeʼmae, huʼa ha paiʼnagenoʼaeʼmo,

Yoni 14:23

Yesuʼa geʼaleʼmo aeno atagaina huno ha painoʼaeʼmo, nagaefeʼmo hapau apayamopafiʼmo nehapaiya vayaʼmogimo geʼnimo akame hugae. Akame hisageno Afoʼnimoʼa apakaefeʼmo hau ayamopafiʼmo hauʼnisigetaʼa agaeʼe nagaeʼeʼmo apakaemo maiʼnisayategamo emitetaʼa magokepi lokaetaʼa maige maige huta maigune.

Yoni 14:9

Yesuʼa hunoʼaeʼmo, Filipigamo lapakaeʼeʼmo yatala afinaʼmo magokepi lokaeʼna maiʼnovana nageka aeto osuʼnapiye. Nageʼniya vekamoʼa muki yaʼmo Afoʼamoʼmo ago ageʼniyaʼmofeʼmo na kava higekaeʼmo muki yaʼmo Afoʼamoʼmo alika lave liyo, huka nehane.

Yoni 19:7

Yu vayaʼmogi huʼapaeʼmo, agaemo Goti mafaʼneʼamo maiʼnove, huno huʼniyaʼmofeʼmo keʼaepa getimoʼmo hunoʼaeʼmo, ago faligiye, huno huʼniye, huʼa ha paiʼnae.

Yoni 5:15

Ha paiʼnigeno ataleno uno Yu vayaʼaifeʼmo hunoʼaeʼmo, Yesuʼa alino hageno nateʼniye, huno hapa paiʼnigeʼapaeʼmo

Yoni 5:16

aepa faiʼa apaini huʼa ateʼnae. Yesuʼa Sapati afinaʼmo alino hageno ateʼniyaʼmofeʼmo apaini huʼa ateteʼa amagisayafeʼmo huʼnae.

Yoni 5:17

Yesuʼa geʼapileʼmo aeno atagaina huno hapa painoʼaeʼmo, afoʼnimoʼmo aliʼyaʼamo oʼataleno muki afinaʼmo alime alime eno hemeniʼeʼmo aliʼyaʼmo neʼaliya agufa kavaʼmo huʼna aliʼyaʼamo neʼaluve, huno hapa paiʼniye.

Yoni 5:23

Muki vayaʼamogi muki yaʼmo Afoʼamo agiʼaleʼmo aliʼa asaga huʼa neʼataya kava huʼa Mafaʼneʼamo agiʼaleʼmo aliʼa asaga huʼa atesayafeʼmo alino ateʼnigeno emineʼniye. Ina lagimo Mafaʼneʼamo agiʼaleʼmo aliʼa asaga huʼa noʼatesafi ani kavaʼmo huʼa muki yaʼmo Afoʼamoʼmo alino ateʼnigeno emineʼniya vekamo agiʼaleʼmo aliʼa asaga huʼa noʼatae.

Yoni 7:1

Mago afinaʼmo utegeʼapaeʼmo Yu vayaʼmogi Yesuʼmo kamiti amagigune, huʼa huʼnayaʼmofeʼmo Yutiya kotegamo umenitata osuno Galeliya kotegageʼmo umenitata huʼniye.

Yoni 7:19

Moseseʼa keʼaepa gemo ago alino lapamiʼniyaʼmonanafa lapakaepatiʼmo magoke vekamoʼa ani gemo alagi akame osuʼniye. Na kava huʼnogetapaeʼmo kamiti namagisayafeʼmo nehae, huno apafi geʼnigeʼapaeʼmo

Yoni 8:54

Yesuʼa hunoʼaeʼmo, nagaiʼni nagiʼnileʼmo aliʼna asaga huʼna neʼnatovesinana ina agufa yakana huno haneʼniyesine. Lapakaemo Afoʼnimofeʼmo hutapaeʼmo, Gotitimoʼmo maiʼniye, hutapa nehaya vekamoʼa nagiʼnileʼmo alino asaga huno neʼnate.

Yoni 8:58

alagi lama gemo lapa nepauve, huno, Emalehamuʼa itaʼamoʼmo alino oʼateʼniya afinatetiʼmo nagaemo hogoteʼna muki afinaʼmo alagi maiʼnova vekamo maiʼnove, huno hapa paiʼnigeʼapaeʼmo

Filipai 2:6

Agaemo Gotiʼa aliʼniya agufa aipa agesamo aliʼnigeʼana magoke aiyaya vekalaʼmo maiʼnaʼaʼmonanafa ani agufa kavakeʼmo huʼna maiguve, huno agesamo oʼafino ataleʼniye.

Leveleseni 22:1

Inagi enisole vekamoʼmo afaʼa neʼmaiya yaʼmo neʼapamiya aniʼmo alopa aniʼmo uno nelamiya aniʼmoʼa aeno ha neleya aniʼmo nave liʼniye. Ani aniʼmo Gotiʼa yagaino neʼapateya siyaʼafatiʼe aikeli sipisipimoʼa yagaino neʼapateya siyaʼafatiʼeʼmo emineno alopa kaʼmo taoni folagapiʼmo haneʼniya kateʼmo uno lamiʼniye. Nelamiya aniʼmo aluga aluga ani agiʼnaleʼmo afaʼa neʼmaiya yaʼmo neʼapamiya yosamo hanege hanege huno haneʼneno magoke kafugafiʼmo tuolofuʼa afinaʼmo muki kaiʼaʼe kaiʼaʼeʼmo alagamo neʼae. Yosa haitaʼamoʼmo alu kotega alu kotegamo maiʼnaya vayaʼmo alino hapageno apatesi yosa haitamo haneʼniye.

Leveleseni 22:3

Gotiʼa mago hosu yafeʼmo ohauʼniya yaʼmo alagi ohanegaiye. Gotiʼa yagaino neʼapateya siyaʼe aikeli sipisipimoʼa yagaino neʼapateya siyaʼeʼmo taonifiʼmo haneʼnisigeʼapaeʼmo Goti aliʼyaʼamo neʼaliya vayaʼamogimo Gotifeʼmo mono hugae.