Yoni 5:17 - The Keyagana NT and 25 OT books

¹⁷ Yesuʼa geʼapileʼmo aeno atagaina huno hapa painoʼaeʼmo, afoʼnimoʼmo aliʼyaʼamo oʼataleno muki afinaʼmo alime alime eno hemeniʼeʼmo aliʼyaʼmo neʼaliya agufa kavaʼmo huʼna aliʼyaʼamo neʼaluve, huno hapa paiʼniye.

Yoni 5:17 ပူးပေါင်းရင်းမြစ်များ

Samu 65:6

Kagaemo kayamufaʼage Gotigamo maiʼnanaʼmofeʼmo lokiyakaletiʼmo avemo alagi lokiya vaino hanesiyafeʼmo alika afole aika ateʼnane.

Aiyeya 40:26

Lapakaemo anaga kokuʼnategamo kanefiʼmo haneʼniyanagi alita maku hutapa ageyo. Ina laʼmo muki kanefiʼmo afa yatetiʼmo alo huʼniye. Agaemo ami vayaʼaiteʼmo yagaino neʼapateya vekagana huno napaʼapimo lekana paiteno alinino hogoteno neʼviye. Agaemo apakiʼapimo aeteno alopa lokiyaʼaletiʼe lokiya himamuʼaletiʼeʼmo yagaino neʼapateyanageʼa magokeʼageʼmo lageso osuʼniyanageno lageso osugiye.

Matiyu 10:29

Ago ageʼnayana lole aise namalaʼmo magoke sagalifa moniletiʼmo miya nefaiyaʼmonanafa afotapimoʼmo afaʼa faligiye huno osisiyana magoke namamo faliteno mopafiʼmo asagauno oʼaigiye.

Yoni 10:36

Gotiʼa ani gemo ma mopafi vayaʼaifeʼmo huʼniyaʼmonanafa nagaemo huʼnaeʼmo, Goti mafaʼneʼamo maiʼnove, huʼna huʼnovaʼmofeʼmo muki yaʼmo Afoʼamoʼmo aote vekamo lekana paino ateʼnenoʼaeʼmo alino ateʼnigeno emineʼniya vekaeʼmo, Gotifeʼmo huka faipa huka neʼatane, hutapa nehafiye.

Yoni 14:10

Nagaemo muki yaʼmo Afoʼamopiʼmo maiʼnogeno muki yaʼmo Afoʼamoʼmo nagaepiʼmo maiʼniye, huka kagesamo afika fatago osuʼnapiye. Lapa nepauva gemo nagaiʼni nagesafatiʼmo nagesa afiʼna lapa nopauvaʼmonanafa agaemo muki yaʼmo Afoʼamoʼmo nagaepiʼmo maiʼnenoʼaeʼmo aliʼyaʼamo neʼaliye.

Yoni 5:16

aepa faiʼa apaini huʼa ateʼnae. Yesuʼa Sapati afinaʼmo alino hageno ateʼniyaʼmofeʼmo apaini huʼa ateteʼa amagisayafeʼmo huʼnae.

Yoni 5:18

Ani gemo huʼniyaʼmofeʼmo magoʼe huʼa amagisayafeʼmo huʼnae. Agaemo Sapati afina keʼaepa gemo amagino ataleʼniya kavakeʼmo osuʼnifa magoʼe hosu kavaʼmo huʼniye, huʼa apakesamo afiʼnayaʼmofeʼmae. Agaemo Gotiʼa afoʼnimoʼmo maiʼniye, huno hapa paiʼniya gemo huno agaiʼaʼe Gotiʼeʼmo magoke aiyaya vekalane huno hapa paige huʼniyaʼmofeʼmo magoʼe huʼa amagisayafeʼmo huʼnae.

Yoni 9:4

Muki felugaʼamo nagaemo alino nateʼnigeʼna emiʼneʼnova vekamo hauʼniya aliʼyaʼamo aliguve. Haniʼmo hisigeʼapaeʼmo muki vayaʼmogimo aliʼyaʼmo afaʼa oʼaligae.

Apa 14:17

Gotiʼa maiʼniye, huʼa apakesamo afisayafeʼmo alagepa kavaʼmo nehiye. Gotiʼa hunoʼaeʼmo, ko aiyo, huno nehigenoʼaeʼmo koʼmo neʼaigeno kanale neʼyaʼmo hoyafatiʼmo alino hageno ateʼnigeʼapaeʼmo aliʼa neteʼa apamogaga neʼaiye, huʼana hapa paiʼnaʼae.

Apa 17:28

Agaeʼeʼmo lokaeta neʼmaunaʼmofeʼmo afaʼa maisuna yaʼmo aliteta umenitata huta neʼmaune. Mago lagaepati vayaʼmogi avoʼmo kaeʼnaya vayaʼmogimo, Mafaʼneʼamo maiʼnone, huʼa huʼnae.

1 Kolitiyani 12:6

Alu kava alu kavaʼamoʼmo lokiyaʼamo haneʼniyaʼmonanafa magoke Gotiʼa alino lokiya vaino neʼapate.

Kolosi 1:16

Gotiʼa Kalaisipiʼmo muki yaʼe vayaʼeʼmo alo huno apateʼniye. Kokuʼnapiʼmo haneʼniya yaʼe vayaʼenagi ma mopafiʼmo haneʼniya yaʼe vayaʼenagi neʼagaya yaʼe vayaʼenagi noʼagaya yaʼe vayaʼenagi huno alo huno apateʼniye. Agaetetikeʼmo yagaiʼa neʼapataya vayanagi ala vayanagi kava vayanagi ala apaki vayanagi huno agaetefeʼmo alo huno apateʼniye.

1 Tesaloniyani 2:13

Goti geʼamo lapa paiʼnonagetapa afitetapaeʼmo, ma mopafi vayaʼai gemo ohaneʼnifa Goti geʼamo haneʼniye, hutapa huʼnayaʼmofeʼmo Gotifekeʼmo hao ke hege hege huta maiʼnone. He, lapakaemo lama gemo huʼnae. Afiʼnaya gemo Goti geʼageʼmo haneʼniye. Mani gemoʼa lapakesamo afita fatago nehaya vayaʼmogitapa lapaipafiʼmo lokiya vaino aliʼyaʼmo neʼaligenoʼaeʼmo neʼyaʼmo afole neʼaiye.

Himulu 1:3

Agaemo Gotiʼa ha le konali yaʼamo aeno ha legekana huno neʼmaiye. Agaemo Goti lama ge auneʼamo maiʼniye. Lokiya geʼaletiʼmo muki yaʼmo afaʼa hanesiyafeʼmo yagaino ateʼnenoʼaeʼmo agaiʼamo hosu kavatimo aeno kalo paeno ataletenoʼaeʼmo uno haino kokuʼnapi Gotiʼa anaga hogote vekamo yagaino neʼapateya vekamo lamaga haopaleʼmo fai maiʼniye.