Yoni 5:14 - The Keyagana NT and 25 OT books

¹⁴ Henagaʼamo agaemo Yu vayaʼai alopa mono nopiʼmo Yesuʼa maiʼnigeno agetenoʼaeʼmo, afiyo, huno, hemenimo alagepa huka maiʼnane. Hosu kavakamo ataleka magoʼe huka osuvo, fiku yanageka magoʼe huka hosu kavaʼmo hisanagenoʼaeʼmo kaitakamo aeno agaseno magoʼe hanageke yaʼmo kagaeteʼmo afole aigiye, huno ha paiʼniye.

Yoni 5:14 ပူးပေါင်းရင်းမြစ်များ

Samu 118:18

Ala kava neʼmoʼa lusi kava huno namagiʼniyaʼmonanafa afaʼa nataleʼnigeʼna ofaliʼnove.

Samu 18:22

Muki alino fako huʼniya keʼaepa geʼamo akame huʼnove. Nagaemo avoʼmo kae maleʼniya keʼaepa gemo amagiʼna oʼataleʼnove.

Samu 27:6

Nagaemo kame vayaʼnimo aeʼna apakaseteʼna alopa mono noʼafiʼmo ofalinimo amiteʼna alopa gefatiʼmo ge huʼna namogaga aiguve. Ala kava nefekeʼmo alopa gefatiʼmo yokemo huteʼna agiʼaleʼmo aliʼna asaga huguve.

Samu 9:13

O Ala kava nene, huʼna, kahau huka nato. Ago, nagaefeʼmo apaini nehaya vayaʼmogi alopa kana yaʼmo namiʼnae. O Ala kava nene, huʼna, falisuva kavategatiʼmo nagufamo alika katika nato.

Matiyu 12:45

Ageteno ataleno uno seveniʼa hosu apaune vayaʼmogi magoʼe huʼa hosu kavaʼmo huʼa aeʼa aga seʼa maiʼnaya vayaʼmo apavalelinuno ani vekamo aipafiʼmo uʼa haiʼa magokepi lokaeʼa maiʼnae. Maiʼnagenoʼaeʼmo ani vekamo hogoteno hosu kavaʼmo huno maiʼniyana henagaʼamo magoʼe huno lusi hosu kavaʼmo huno maiʼniye. Ani agufa kavaʼmo hemenimo neʼmaiya vayaʼaiteʼmo afole aigiye, huno hapa paiʼniye.

Maki 2:5

Yesuʼa apakeyana agaefeʼmo apakesamo afiʼa fatago huʼnageno apaketenoʼaeʼmo kanage kanaga osuno neʼmaiya vekaeʼmo hunoʼaeʼmo, Mafaʼneʼnimogae, huno, hosu kavakamo aliʼna ataleʼnove, huno ha paiʼniye.

Yoni 5:13

ani alino hageno ateʼniya vekamo Yesuʼae huno oʼageʼniye. Asole vayaʼmo maiʼnayaʼmofeʼmo Yesuʼa uʼniyana ageno alagepa osuʼniye.

Yoni 5:5

Ani vayapatiʼmo mago vekamo teti eitiʼa kafugamo kaita hauge hauge huno maiʼniye.

Yoni 8:11

Ala kava nene, huno, mago vekamo oʼmaiʼniye, huno ha paiʼnigeno Yesuʼa hunoʼaeʼmo, nagaeʼeʼmo hosu a kanomo maiʼnane, huʼna osuguve. Kagaemo afaʼa ataleka uteka halate magoʼe huka hosu kavaʼmo osuvo, huno ha paiʼniye.

1 Pita 4:3

Lagaemo hogoteta malaga vayaʼmogi hapauʼniya kavakeʼmo alagi huʼnonaʼmonanafa hemenimo magoʼe huta osugune. Hogoteta kumai kavaʼmo hisunafeʼmo apayate alige amega lagufamoʼmo hauʼniya kavaʼmo huge aniʼmo neteta negi nagi kavaʼmo huge ogefagemo huge aniʼmo neteta hosu kigi yokalo gemo huge hutetaeʼmo aigofe gotitefeʼmo hosu monoʼmo huʼnone.