Yoni 4:48 - The Keyagana NT and 25 OT books

⁴⁸ Yesuʼa hunoʼaeʼmo, lapakaemo muki vayaʼmogitapamo noʼagaya naune kavaʼmo hisugetapa oʼagesayana nagaefeʼmo lapakesamo afita fatago osugae, huno ha paiʼnigeno

Yoni 4:48 ပူးပေါင်းရင်းမြစ်များ

Neniyo 4:2

Nagaemo aeno apaka seno alagi anaga Gotiʼa naha maeya aune kavaʼe oʼageʼnaya lokiya kavaʼefeʼmo ava gemo lapa paigesuve. Lapa paisuva kavaʼmo alagepa kava huguve, huʼna nagesamo afiʼnove.

Neniyo 6:27

Agaemo hosu kavategatiʼmo apavalelino ege apakufamo alino katino apatege nehiye. Agaemo kokuʼnapiʼe ma mopaleʼeʼmo alagena aune kavaʼmo huge ageteʼa hapau neʼaiya kavaʼmo huge nehiye. Ani Gotiʼmo Neniyoʼa laiyoni anagapatiʼmo agufamo alino katino ateʼniye.

Napa 14:11

Inagi Ala kava neʼmoʼa Mosesefeʼmo ha painoʼaeʼmo, Na magi afinaʼmo ani vayaʼmogi apakameʼyamo namigae. Nagaemo apakae folagapiʼmo asole noʼagaya agufa naune kavaʼmo huʼnovaʼmonanafa na magi afinaʼmo nagaefeʼmo apakesamo afiʼa fatago osugae.

Matiyu 16:1

Mago Falasi mono vayaʼe Satiyusi mono vayaʼeʼmo Yesutegamo eʼa amalageka huʼapaeʼmo, kokuʼnapi himamukaletiʼmo alagena kavaʼmo hugeta ageno, huʼa ha paiʼnae.

Matiyu 24:24

Mago vayaʼmogi, Kalaisiʼnamo maiʼnove, huʼa huge mago vayaʼmogi Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa magoʼe huʼa noʼagaya agufa apaune kavaʼmo hugayaʼmofeʼmae. Lekana paino apateʼniya vayaʼmo humi apatesayafeʼmo hugayana afaʼa humi oʼapategae.

Matiyu 27:42

alu vayaʼmo hapa maeʼniyanageno agaiʼamo afaʼa ha oʼmaegaiye. Isaleli vayaʼmogitaleʼmo yagaino nelateya kini vekamo maiʼnisiyana malipu yosaletiʼmo aino akaino eminesigetaeʼmo geʼamo afaʼa afigune.

Maki 13:22

Mago vayaʼmogi huʼapaeʼmo, Kalaisiʼna maiʼnove, huʼa huge Gotitegati gemo aliniʼneʼna aeʼna hakalo huʼna hapa nepauva vekamo maiʼnove, huʼa huge huteʼa noʼagaya apaune kavaʼmo huteʼa ago lekana paino apateʼniya vayaʼaifeʼmo humi apatesayafeʼmo hugayaʼmonanafa afaʼa humi oʼapategae.

Luki 10:18

agovana Sataniʼmo kokuʼnapatiʼmo alino alave nehiya yakana huno asagauno aiʼnigeʼna ageʼnove.

Luki 16:31

Moseseʼa avoʼmo kae maleʼniya geʼe Gotitegati gemo alini eʼa aeʼa hakalo huʼa hapa nepaiya vayaʼmogi avoʼmo kae maleʼnaya geʼeʼmo oʼafisayana mago faliʼnisiya vekamoʼmo he tinuno hapa paisiya gemo oʼafigae, huno ha paiʼniye, huno Yesuʼa hapa paiʼniye.

Yoni 12:37

Yesuʼa asole noʼagaya agufa aune kavaʼmo apaulagaleʼmo huʼniyaʼmonanafa agaefeʼmo alagi apakesamo afiʼa fatago osuʼnae.

Yoni 15:24

Nagaemo apakaetegamo emineʼna vayaʼmogi nosaya agufa kavaʼmo osuʼnovesinana apakameʼyamo oʼnamisageno hosu kavaʼapimo ohaneʼniyesinaʼmonanafa huʼnova kavaʼmo ago ageteʼapaeʼmo nagaeʼe Afoʼnimoʼefeʼmo apaini huʼnae.

Yoni 2:18

Ani kavaʼmo huʼnigeʼapaeʼmo Yu vayaʼmogi ageteʼa, kagaemo ani kavaʼmo nehanaʼmofeʼmo na agufa alagena yaʼmo neʼyagaina yaʼmo aliʼnapigi alika lave liyo, huʼa afi geʼnae.

Yoni 20:29

kagaemo nageʼnanaʼmofeʼmo kagesamo afika fatago nehapiye. Oʼnageʼnayaʼmonanafa nagaefeʼmo apakesamo afiʼa fatago huʼnaya vayaʼmo aulena vayaʼmo maiʼnae, huno ha paiʼniye.

Yoni 4:49

gamani vekamoʼmo hunoʼaeʼmo, Ala vekae, huno, mafaʼneʼnimo ago falisiyafeʼmo nehigi nagaeʼeʼmo magokepi egetaʼao, huno ha paiʼnigenoʼaeʼmo,

Apa 14:3

Apa vekalaʼmoganimo koli osuʼana yatala afinaʼmo maiʼneʼana Ala kava nefeʼmo ava gemo aeʼana hakalo huʼana hapa paiʼana maiʼnaʼae. Ala kava neʼmoʼa lokiya vaino anateʼnigeʼana noʼagaya agufa lokiya anaune kavaʼmo huʼnaʼae. Ala kava neʼmoʼa ani kavatetiʼmo fikumo hapa maeno neʼapamiya kavafeʼmo ava geeʼmo lama gemo haneʼniye, huno alino apave liʼniye.

Apa 15:12

Hapa paiʼnigeʼa afiteʼapaeʼmo muki vayaʼmogimo ge osuʼa afaʼa maiʼneʼapaeʼmo Manamasiʼe Poloʼeʼmo Gotiʼa anakaetetiʼmo alu nofi vayaʼaitegamo noʼagaya agufa lokiya aune kavaʼmo huʼniya kavafeʼmo ava gemo huʼana hapa paiʼnaʼae.

Apa 2:19

Noʼagaya agufa kavaʼmo kokuʼnapati huteʼna aliʼna apave liguve. Ma mopafiʼmo alu kavaʼmo huʼna apave liguve. Atamo leteno halina aisigeno yegemo olegaiye. Kaimoʼa haesaʼage huteno kolakana nehisigeno Ala kava neʼmo afinaʼmo hogote afinaʼamo afole aigiye.

Apa 2:22

Isaleli vayaʼmogitapamo geʼnimo afiyo. Yesuʼa Nasalasa kotega vekaeʼmo ava gemo huʼna lapa paisuvafeʼmo huve. Gotiʼa Yesutetiʼmo lokiya kavaʼmo huge noʼagaya agufa aune kavaʼmo huge alu kavaʼmo huge huʼniya kavatetiʼmo hunoʼaeʼmo, nagaetegatiʼmo emineʼniya vekae huno alino lapave liʼniye. Yesuʼa lapakae folagapiʼmo ani kavaʼmo ago huʼnigetapa ageʼnae.

Apa 2:43

Ani kavaʼmo huʼa maiʼnageʼapaeʼmo muki vayaʼmogimo hapau aiteʼa koli huʼnageʼapaeʼmo apa vayaʼmogimo muki noʼagaya agufa lokiya kavaʼmo huʼnae.

Apa 4:30

Himamukamo alika apave liteka kaita hapauʼniya vayaʼmo alika hapageka apato. Alagepa kavaʼageʼmo huʼniya vekamo aliʼyakamo neʼaliya vekamo Yesu agiʼaletiʼmo noʼagaya agufa lokiya aune kavaʼmo hisunafeʼmo alagepa huka laha mao, huʼa nunumuʼmo huʼnae.

Apa 5:12

Ani afinaʼmo apa vayaʼmogimo muki noʼagaya agufa lokiya aune kavaʼmo huʼnae. Muki siosi vayaʼmogi magoke agufa apaipa apakesamo aliteʼa Salomoni hiyato nopiʼmo uʼa aliʼa anupa huʼa maiʼnae.

Apa 6:8

Sitiveniʼa agesamo afino fatago huʼniya kavaʼe lokiyaʼaʼeʼmo aipafiʼmo havai teʼnigeno noʼagaya agufa lokiya aune kavaʼmo Yu vayaʼaitegamo huʼniye.

Apa 7:36

Agaemo noʼagaya agufa lokiya aune kavaʼmo Isipi kotegagi Haesa anitenagi kaʼme kotegagi huno fotiʼa kafugamo hutenoʼaeʼmo Yu vayaʼmo Isipi kotegatiʼmo apavalelino uʼniye.

Lomu 15:19

Nagaemo Goti Aunemeʼamo himamuʼaletiʼmo noʼagaya agufa lokiya naune kavaʼmo huteʼnaeʼmo aliʼyaʼamo aliʼnove. Nagaemo Kalaisifeʼmo alagepa faigoko geʼamo aeʼna hakalo huʼna hapa pailiʼna uʼneʼna huliʼna Yulusalemu haopalegatiʼmo eʼna muki Ililikamu kotega haopalegamo uʼna hapa paiʼna hano huʼnove.

1 Kolitiyani 1:22

Yu nofi vayaʼmogimo huʼapaeʼmo, noʼagona agufa alagena aune kavaʼmo alita lave liyo, huʼa nehageʼapaeʼmo Galiki nofi vayaʼmogimo ageteʼa afisaya kavafekeʼmo kahauya nehae.

2 Kolitiyani 12:12

Nagaemo apa vayaʼmogi nehaya agufa alagena kavaʼmo lapakaetegamo huʼnove. Nagaemo hanageke yaʼmo aliʼneʼnaeʼmo oʼataleʼna atafauʼna alagi huʼneʼna Gotiʼa alino apave liʼnigeʼa hapau neʼaiya agufa naune kavaʼmo huʼnove.

2 Tesaloniyani 2:9

Afole aiteno Satani himamuʼaletiʼmo lokiya alagena aune kavaʼmo noʼagaya aigofe aune kavaʼmo hugiye.

Himulu 2:4

Gotiʼa alagena kavaʼaletinagi noʼagaya himamu kavaʼaletinagi ageʼa hapau neʼaiya kavaʼaletinagi huno ha maeno faigoko gemo huno ani gemo alino lokiya vaino ateʼniye. Gotiʼa agesamo afiteno hauʼnigenoʼaeʼmo Aunemeʼamoʼmo himamuʼamo apamete apamete huno apamiʼniye.