Yoni 4:3 - The Keyagana NT and 25 OT books

^3-4 Yesuʼa Falasi vayaʼmogi afiʼnaya apaipa apakesamo apaketenoʼaeʼmo Yutiya kotegatiʼmo ataleno Galeliya kotegamo halate aino atagi neno ugefeʼmo huʼniye. Gotiʼa Sameliya kotega folagapiʼmo ka valino ateʼnigeno uʼniye.

Yoni 4:3 ပူးပေါင်းရင်းမြစ်များ

Matiyu 10:23

Mago taonifatiʼmo apaini huʼa lapatesagetapaeʼmo ataletapa lapaune hetaletapa alu taonifiʼmo viyo. Lama ge lapa nepauve, huno, lapakaemo muki Isaleli vayaʼai taoniʼafi taoniʼafiʼmo uteta hutapa hano osuʼnisagenoʼaeʼmo Vemo mafaʼnemo eminegaiye.

Maki 3:7

Yesuʼe geʼamo neʼafiya vayaʼeʼmo apataleʼa Galeliya kotega ani kotutegamo neʼvageʼapaeʼmo Galeliya kotegatiʼmo asole vayaʼmo apakame huʼa uʼnae. Asole vayaʼmogimo huʼniya kavafeʼmo ava gemo afiteʼapaeʼmo Yesutegamo Yutiya kotegati ege Yulusalemu taonifatiʼmo ege Itomiya haopaletiʼmo ege Yoneni aniʼmo mugagayaga faliga kotegatiʼmo ege Taiya taoni haopalegatiʼmo ege Saitoni taoni haopalegatiʼmo ege huʼnae.

Luki 17:11

Yesuʼa Yulusalemu taonifiʼmo ugefeʼmo uno Sameliya koʼmo hanete Galeliya koʼmo hanete hutegeno folagapi haneʼniya kateʼmo uteno

Yoni 1:43

Egaʼamo Yesuʼa Galeliya kotegamo visiyafeʼmo neʼunoʼaeʼmo Filipiʼmo uno agetenoʼaeʼmo, eka nakame huvo, huno ha paiʼniye.

Yoni 10:40

Yesuʼa apataleno atagi neno uno Yoneni aniʼmo lakaeno mugagayaga faligamo Yoniʼa aniʼmo faleno apateʼniya yategamo magoʼe afinaʼmo maiʼniye.

Yoni 11:54

Huʼnayaʼmofeʼmo Yesuʼa magoʼe huno Yu vayaʼai apaulagaleʼmo umenitata osuno ataleno kaʼme kotegamo uno Ifalemu taonifiʼmo geʼamo neʼafiya vayaʼeʼmo maiʼniye.

Yoni 2:11

Yesuʼa hogote afinaʼmo ani noʼagaya agufa aune kavaʼmo Kena taonifiʼmo huʼniye. Ani taonifiʼmo ha le konali yaʼamo alino apave liʼnigeʼapaeʼmo geʼamo neʼafiya vayaʼmogimo agaefeʼmo apakesamo afiʼa fatago huʼnae.

Yoni 3:22

Ani gemo hutegeʼapaeʼmo Yesuʼe geʼamo neʼafiya vayaʼeʼmo Yutiya kotegamo uʼa maiʼneʼapaeʼmo Yesuʼa muki afinaʼaeʼmo apakaeʼeʼmo magokepi lokaeno maiʼneno mago vayaʼmo aniʼmo faleno apateʼniye.

Yoni 3:32

Agaemo afiteno ageʼniya kavafeʼmo hapa nepaigeʼapaeʼmo muki vayaʼmogi ani gemo noʼafiyaʼmonanafa

Yoni 4:47

Yesuʼa Yutiya kotegatiʼmo ago ataleno uno Galeliya kotegamo maiʼniye, huʼa ha paiʼnageno afitenoʼaeʼmo Yesufeʼmo hunoʼaeʼmo, mafaʼneʼnimo falisiyafeʼmo nehigi uka alika hageka ategapiye, huno afi geʼnigenoʼaeʼmo

Yoni 7:1

Mago afinaʼmo utegeʼapaeʼmo Yu vayaʼmogi Yesuʼmo kamiti amagigune, huʼa huʼnayaʼmofeʼmo Yutiya kotegamo umenitata osuno Galeliya kotegageʼmo umenitata huʼniye.