Yoni 4:14 - The Keyagana NT and 25 OT books

¹⁴ ina lagimo nagaemo apamisuva aniʼmo nesafigeno halate magoʼe huno anifeʼmo alagi ohapaugiye. Nagaemo aniʼmo apamisugeno apaipafatiʼmo meti anikana huno eno haineno afaʼa maisaya yaʼmo apamisigeʼa alagepa huʼa maige maige huʼa maigae, huno ha paiʼnigenoʼaeʼmo,

Yoni 4:14 ပူးပေါင်းရင်းမြစ်များ

Aiyeya 49:10

Hau huno neʼapateya vekamoʼmo alagepa huno yagaino apateteno apavalelino visigeʼa kanale meti aniʼmo haneʼniyategamo sipisipi anagagana huʼa ugae. Apakaemo neʼyaʼe aniʼeʼmo kafu osisageno amuko yegemoʼe yasimoʼeʼmo apakufaleʼmo oʼapalegaiye.

Aiyeya 55:1

Ala kava neʼmoʼa hunoʼaeʼmo, Hae, huno, muki vayaʼmo anifeʼmo lapauʼnisiya vayaʼmogitapae, huno, anitegamo eyo. Monitapimo ohaneʼnisiya vayaʼmogitapamo eta miya faitapa neyo. He, eta nofi alagafati aniʼe pulumakamo nuʼaʼeʼmo moniletiʼmo miya ofaitapa fiku aliyo, huno hapa nepaiye.

Aiyeya 58:11

Muki afinaʼmo Ala kava neʼmoʼa alino ho huno lapateteno ko noʼaiya afinaʼmo lokiya vaino lapateteno lapauʼniya yaʼamo alagi lapamigiye. Lapakaemo aniʼmo haneʼniya hoyagana hutapa maige olaneno aeno nelatiya meti anikana hutapa maige huta maigae.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Matiyu 5:6

Goti fatago kavaʼaeʼmo apaka neteya vayaʼmo apamisigeʼa neʼa apamu hugayaʼmofeʼmo Goti aulena vayaʼamo maiʼnae.

Yoni 10:10

Kumayaʼmo neʼaliya vekamoʼa kumayaʼmo alige sipisipimo apamagige alino hosu huno apatege hisiyafekeʼmo neʼe. Nagaemo sipisipimo magoʼe huʼa alagepa huʼa maige maige huʼa afaʼa maisayafeʼmo emiʼneʼnove.

Yoni 11:26

Ina lagimo afaʼa maiʼneʼapaeʼmo nagaefeʼmo apakesamo afiʼa fatago nehisafigeʼa ofaliʼa afaʼa maige maige huʼa maigae. Geʼnieʼmo kagesamo afika fatago nehapiye, huno afi geʼnigenoʼaeʼmo,

Yoni 4:10

Ha paiʼnigenoʼaeʼmo, kagaemo Gotiʼa fiku hapa maeno neʼapamiya yaʼmo ageteka aniʼmo he fika namiyo, huno ge huʼniya vekamo ageka aeto huʼnanesinana agaefeʼmo namiyo, huka afi gesanageno kanage kanage huno haineno uno nelamiya aniʼmo kamiʼniyesine, huno ha paiʼnigenoʼaeʼmo

Yoni 4:11

Ala vekae, huno, paketi oʼaliʼnanaʼmofeʼmo yatala kelimo haneʼnigi haiyatetiʼmo ani kanage kanage huno eno haineno uno nelamiya aniʼmo he figane.

Yoni 4:13

ina lagimo mani aniʼmo neʼnesafigeno halate anifeʼmo hapaugiyaʼmonanafa

Yoni 4:36

Hoyafatiʼmo neʼyaʼmo neʼaliya vayaʼmogimo miyaʼapimo alige maige maige huʼa maisayafeʼmo neʼyaʼmo alige nehae. Neʼyaʼmo neʼaliyaʼmofeʼmo avina yaʼmo nehakalaya vayaʼe neʼyaʼmo neʼaliya vayaʼeʼmo magokepi apamogaga aigae.

Yoni 6:27

Lapakaemo kasalisiya neʼyaʼmo alisayafekeʼmo aliʼyaʼmo oʼalitapa hanege hanege huno hanesiya neʼyaʼmo lapamisigetapa alagepa hutapa maige maige hutapa maisaya yaʼmo alisayafekeʼmo aliʼyaʼmo aliyo. Vemo Mafaʼnemoʼmo ani agufa neʼyaʼmo lapamigiye. Muki yaʼmo Afoʼamoʼmo Gotiʼa lekana paiʼna ateʼnove, huno alino apave lisiyafeʼmo himamuʼamo amiʼniye, huno hapa paiʼnigeʼapaeʼmo,

Yoni 6:35

nagaemo afaʼa maisaya yaʼmo neʼapamiya peleti mayagana huʼna maiʼnove. Nagaetegamo esaya vayaʼmo apaka otegaiye. Nagaefeʼmo apakesamo afiʼa fatago nehisaya vayaʼmo anifeʼmo alagi ohapaugiye.

Yoni 6:58

Manimona kokuʼnapatiʼmo emineʼniya peleti mayamo haneʼniye. Lapakinago vayaʼmogi neʼnaya peleti mayagana huno ohaneʼnifa aeto agufa kanale peleti mayamo haneʼniye. Lapakinago vayaʼmogi neteʼapaeʼmo ago faliʼnayaʼmonanafa mani peleti mayamo neʼnisaya vayaʼmo muki afinaʼmo afaʼa maige maige huʼa maigae.

Yoni 7:37

Hopa afinaʼmo hano hugefeʼmo huʼniya afinaʼmo henagaʼamo alopa afinaʼmo afole aiʼnigenoʼaeʼmo Yesuʼa he tino alopa gefatiʼmo hapa painoʼaeʼmo, mago vekamoʼa anifeʼmo hauʼnisiyana eno nagaetegatiʼmo aniʼmo neno.

Lomu 5:21

Hosu kavaʼmoʼa nefaliya kavaʼmo alino afole aino ateteno ani kavatetiʼmo yagaino neʼapateya kava huno fikumo hapa maeno neʼapamiya kavaʼmoʼa fatago kavaʼaletiʼmo yagaino neʼapatesigeʼa Ala kava netimo Yesu Kalaisitetiʼmo alagepa huʼa maige maige huʼa maisaya yaʼmo apamisiyafeʼmae.

Lomu 6:23

Na kavaʼmo nehagenoʼaene. Hosu kavaʼmo aliʼyaʼamo neʼaliya vayaʼai miyaʼapimo falisaya kavaʼmo haneʼniyaʼmonanafa Gotiʼa fikumo hapa maeno neʼapamiya kavaʼmo alagepa huʼa maige maige huʼa maisaya kavaʼmo haneʼniye. Agaemo Ala kava netimo Yesu Kalaisipiʼmo neʼmaiya vayaʼmo neʼapamiye.

Efasasi 4:30

Gotiʼa henagaʼamo lapavalesiya afinafeʼmo Aunemeʼaletiʼmo lapakaeteʼmo alagena kavaʼamo ago hu maletenoʼaeʼmo, mafaʼneʼnimo maiʼnae, huno huʼniyaʼmofeʼmo Aote Aunemeʼamoʼmo aipamoʼmo kana hisiya kavaʼmo osiyo.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Yoni 5:20

Lagaemo ageʼnonana Goti Mafaʼneʼamo emineno lama ge Gotiʼa ageta alagepa hisunafeʼmo lagesamo afisuna yaʼmo lamiʼniye. Lagaemo lama ge vekafiʼmo maiʼnetaeʼmo Mafaʼneʼamo Yesu Kalaisipiʼmo maiʼnone. Ani vekamo lama ge Gotiʼa maiʼnenoʼaeʼmo alagepa huta maige maige huta maisuna yaʼmo afoʼamoʼmo maiʼniye.

Leveleseni 7:16

Halate apaka otege anifeʼmo ohapauge hugiye. Yegemoʼmo leno pasaga olisigeno atamoʼmo amuko ohapaugiye.

Leveleseni 7:17

Na kava hinageʼapaene. Aikeli sipisipimoʼa yagaino neʼapateya vekamo siyaʼamo folagapiʼmo maiʼniya sipisipi vekamoʼmo sipisipileʼmo yagaiʼa neʼapataya kava huno yagaino apateteno meti aniʼamoʼa afaʼa maisaya yaʼmo neʼapamiya anitegamo apavalelino ugiyaʼmofeʼmae. Gotiʼa apaulagafatiʼmo apaunumo alino laneno atalegaiye, huno huʼniye.