Yoni 4:12 - The Keyagana NT and 25 OT books

¹² Laginago vekamo Yekopuʼa mani keli kotuʼmo lamiʼniye. Agaemo aniʼmo he fino nege mafaʼne anagaʼamogi aniʼmo he fiʼa nege yuna afu anagaʼamogi nege huʼnae. Kagaemo Yekopuʼa aeʼna agaseʼnove, huka nehapiye, huno afi geʼnigenoʼaeʼmo,

Yoni 4:12 ပူးပေါင်းရင်းမြစ်များ

Matiyu 12:42

Akeyaʼvilaga hoga haopalega maiʼnaya vayaʼaiteʼmo yagaino neʼapateya kuvini a kanomoʼmo Salomoniʼmo ageteno afiʼniya gemo afisiyafeʼmo eʼniye. Manileʼmo maiʼniya vekamoʼmo Salomoniʼmo ago aeno aga seno maiʼniyaʼmonanafa geʼamo noʼafiyaʼmofeʼmo ani a kanomo Gotiʼa agoti huno apatesiya afinaʼmo he tino hemenimo maiʼnaya vayaʼaifeʼmo, lapakaemo hosu kavaʼmo huʼnae, huno hapa paigiye.

Yoni 4:13

ina lagimo mani aniʼmo neʼnesafigeno halate anifeʼmo hapaugiyaʼmonanafa

Yoni 4:20

Muki laginago vayaʼmogi mani aveleʼmo Gotifeʼmo mono huʼnayaʼmonanafa lapakaemo Yu vayaʼmogitapa hutapaeʼmo, Yulusalemu taonifikeʼmo Gotifeʼmo mono hiyo, hutapa nehae, huno ha paiʼnigenoʼaeʼmo

Yoni 4:5

Sameliya kotega mago taonimo agiʼamo Saika kotegamo uno avaʼyi huʼniye. Ani haopalega Yekopuʼa mago mopamo alino mafaʼneʼamo Yosefeʼmo amiʼniya mopamo haneʼniye.

Yoni 4:6

Ani haopalega Yekopuʼa keli kafi maleʼniya ani kotuʼmo haneʼnigeno Yesuʼa yatala kateʼmo eʼniyaʼmofeʼmo agufafilagati alaga haeʼnigeno eno ani ani kotu haopaleʼmo itopaleʼmo maiʼniye. Yegemo uno lamino falesiyafeʼmo hogo huʼniya afinaʼmo maiʼniye.

Yoni 8:53

Kagaemo laginago vekamo Emalehamuʼmo ago aeka agaseʼnapiye. Agaemo ago faliʼniye. Gotitegati gemo alini eʼa aeʼa hakalo huʼa hapa nepaiya vayaʼeʼmo ago faliʼnae. Kagaemo ina laʼnae, huka kagesa neʼafine, huʼa afi geʼnageno

Himulu 3:3

Afamo anaga vayaʼai afoʼapimoʼmo no kigekana huno maiʼniya vekamoʼmo ala agimo haneʼnigeno afamo anaga vayaʼmo aeno apakaseno maiʼniyaʼmofeʼmo ani kava huno Yesuʼa Moseseʼmo ago aeno aga seʼniyaʼmofeʼmo magoʼe huno ala agi alisiya vekamo maiʼniye.