Yoni 3:6 - The Keyagana NT and 25 OT books

⁶ Atafa apaipamo haneʼniya vayaʼmogi atafa apaipaʼe vayaʼmo aliʼa neʼapatae. Goti Aunemeʼamoʼmo saufa apaipaʼe vayaʼmo alino neʼapate.

Yoni 3:6 ပူးပေါင်းရင်းမြစ်များ

Aepa Gemae 5:3

Atamuʼa vani hataleti tetiʼa kafugamo maiteno ve mafaʼnemo agaiʼagana huno alino atetenoʼaeʼmo agiʼamo Setiʼae huno ateʼniye.

Aepa Gemae 6:5

Ani afinaʼmo Ala kava neʼmoʼa ma mopafi ve aʼnemogi hosu kavaʼapimo ageyana alagi alopa hosu kavaʼmo haneʼnigeno ageʼniye. Muki vayaʼmogimo muki apaipa apakesamo neʼafiya yaʼapifiʼmo hosu kavaʼageʼmo muki afinaʼae afinaʼaeʼmo hanelino hanelino usiya agufa kava huʼnigeno ageʼniye.

Samu 51:10

O Gotiyo, huʼna, yaveyave naipamo alo huka nateteka gekamo afisuvafeʼmo nauneʼnameʼmo alika saufa nauneʼnameʼmo hamaleka ato.

Yoni 1:13

Apakaemo itaʼapi afoʼapimogi kolatetiʼmo aliʼa oʼapatege apakaiʼapi hapauʼnigeʼa aliʼa oʼapatege alu vayaʼmogi hapauʼnigeʼa aliʼa oʼapatege huʼnayaʼmonanafa Gotiʼa agaiʼamo hauʼnigeno alino apateʼnigeʼa mafaʼneʼamo ha maleʼnae.

Yoni 3:7

Halate alino lapateno, huʼna kaha nepauva geeʼmo afika kahau oʼaiyo.

Lomu 7:18

Ago ageʼnovana mago alagepa yaʼmo naipafiʼmo ohaneʼniye. Atafa naipafifeʼmo nehuve. Muki afinaʼmo alagepa kavaʼmo hisuvafeʼmo nahauʼniyaʼmonanafa alagepa kavaʼmo hisuva kaʼmo ageʼnove.

Lomu 7:25

Gotiʼa Ala kava netimo Yesu Kalaisitetiʼmo nagufaʼnimo afaʼa alino katino nategaiye. Agaefekeʼmo hao ke nehove. Ani kavaʼmo huʼna maiʼneʼnaeʼmo saufa naipafatiʼmo Goti keʼaepa geʼamo akame nehuvaʼmonanafa atafa naipafatiʼmo hosu kavaʼnimo lokiyaʼamo akame nehuve.

Lomu 7:5

Atafa laipamoʼmo yagaino lateʼniya afinaʼmo keʼaepa gemoʼa hosu lahaʼye nehiya kavaʼmo alino afole aino ateʼnigeno lagufafiʼmo aliʼyaʼmo aliʼnigeta hosu alagamo aegekana huta maiʼnetaeʼmo falisuna agufa kavaʼmo huʼnone.

Lomu 8:13

Atafa lapaipamoʼmo hauʼniya kavaʼmo akame nehisayana faligayaʼmonanafa Goti Aunemeʼaletiʼmo lapakufamo hauʼniya kavaʼmo amagita falitapa ataleme ataleme neʼvisayana ofalitapa afaʼa maigae.

1 Kolitiyani 6:17

Huʼniyaʼmonanafa mago vekamoʼmo Ala kava neʼeʼmo aiʼana lokaesaʼagenoʼaeʼmo agaeʼeʼmo magoke anauneʼanameʼmo alino hamalegaiye.

2 Kolitiyani 5:17

Gotiʼa ina lagimo Kalaisipiʼmo maiʼnisafi ago saufa vayaʼmo alo huno apateʼniye. Afiyo, huʼna, atafa kavaʼapimo ago hano huʼnigenoʼaeʼmo muki saufa kavaʼapimo afole aiʼniye.

Galesiya 5:24

Kalaisi Yesu vayaʼamogimo atafa apaipa apakesagi atafa apaipafatiʼmo hapaʼye nehiya kavanagi huʼa aliʼa malipu yosaleʼmo nili aiteʼa aliʼa he tiʼa ateʼnae.

Efasasi 2:3

Mukiʼamogitamo apakaekana huta maiʼnogeno lagufamoʼe lagesamoʼeʼmo lahaʼye huʼnigetaeʼmo lagufamoʼmo hauʼniya kavaʼmo huge hosu kavafeʼmo lagesamo afita akame huge huʼnone. Itatimogi aliʼa lateʼnagetaeʼmo muki ma mopafi vayakana huta hosu laipamo alita maiʼnonaʼmofeʼmo Gotiʼa aipamo leno nelateyanageno kayoʼmo lamisiya agufa kavaʼmo huta maiʼnone.

Kolosi 2:11

Kalaisipiʼmo maiʼnagenoʼaeʼmo vayaʼmogi lapakufamo lagauʼa olapateʼnafa Kalaisiʼa lapakufamo lagaugekana huno hosu kavaʼmo nehiya atafa lapaipa lapakesamo alino ataleʼniye.

1 Yoni 3:9

Ina lagimo Gotiʼa alino apateʼnifi Goti avina yaʼamo apaipafiʼmo haneʼniyaʼmofeʼmo hosu kavaʼmo akame nosae. Gotiʼa alino apateʼniyaʼmofeʼmo apakaemo hosu kavaʼmo alagi akame osugae.