Yoni 3:36 - The Keyagana NT and 25 OT books

³⁶ Muki vayaʼamogi Mafaʼneʼaeʼmo apakesamo afiʼa fatago nehisaya vayaʼmogimo alagepa huʼa maige maige huʼa maisaya yaʼmo ago aliʼnae. Muki vayaʼmogimo Mafaʼneʼamo geʼamo akame nosisaya vayaʼmo Gotiʼa aipamo leno neʼapateya kavaʼamo apakaeteʼmo alagi hanege hanege huno hanegaiyaʼmofeʼmo alagi alagepa huʼa maige maige huʼa oʼmaigae.

Yoni 3:36 ပူးပေါင်းရင်းမြစ်များ

Samu 2:12

Mafaʼneʼamo haetapa neyo. Fiku yanageno aipamo aiseʼamo leno lapateteno lapamagisigetapa kateʼmo asagautapa aigayanagi. Agaefeʼmo aliʼa amufa amiʼnaya vayaʼmo aulena vayaʼmo maiʼnae.

Samu 36:9

Maige maige huta maisuna kavaʼmo aepa vekamo maiʼnane. Ha le yakamoʼmo aeno ha nelegetaeʼmo ha le yakamo ageta alagepa huta neʼagone.

Samu 49:19

Ani vekamoʼmo aginago vayaʼmo maiʼnaya kotegamo uno lamino hanipiʼmo maiʼnenoʼaeʼmo ha le yaʼmo oʼagegaiye.

Hamakaki 2:4

Ago, huʼna, agaiʼaeʼmo amogaga neʼaiya vekamoʼmo fatago auneʼamo oʼaliʼniye. Oʼaliʼniyaʼmonanafa fatago vekamoʼmo agesamo afino fatago huʼniya kavatetiʼmo afaʼa maigiye.

Matiyu 25:46

He, agaemo kayotetiʼmo apamagime apamagime uno apamagino hano osugiyaʼmonanafa fatago vayaʼmo alagepa huʼa maige maige huʼa maigae, huno hapa paiʼniye.

Maki 16:16

Muki vayaʼmogimo apakesamo afiʼa fatago huteʼa aniʼmo falesagenoʼaeʼmo Gotiʼa apakufamo alino katino apategaiye. Apategaiyaʼmonanafa muki vayaʼmogimo apakesamo afiʼa fatago osisayaʼmoʼmo Gotiʼa agoti huno apatetenoʼaeʼmo, hosu vayane, huno hugiye.

Luki 2:30

Muki nofi vayaʼai apaulagaleʼmo apakufamo alino katino apatesiya vekamo ago alika afole aika ateʼnanageʼnaeʼmo naulagafatiʼmo ageʼnovaʼmofeʼmo hemenimo afaʼa faliguve.

Luki 3:6

Inagi muki ma mopafi vayaʼmogi agesayana Gotiʼa vayaʼamogi apakufamo alino katino apatesigeʼa agegae, huno avoʼmo kae maleʼniye.

Yoni 1:12

Muki vayaʼmogi aliʼa falu fala huʼa oʼateʼnayaʼmonanafa agaiʼa agiʼalefeʼmo apakesamo afiʼa fatago huteʼa aliʼa falu fala huʼa ateʼnaya vayaʼmo Goti mafaʼneʼamo ha malesayafeʼmo himamuʼamo apamiʼniye.

Yoni 10:28

Nagaemo maige maige huʼa maisaya yaʼmo aliʼna neʼapamuvanageʼa alagi ofaligae. Mago vayaʼmogi eʼa nayapatiʼmo aliʼa naha faleʼa oʼapatalegae.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 4:36

Hoyafatiʼmo neʼyaʼmo neʼaliya vayaʼmogimo miyaʼapimo alige maige maige huʼa maisayafeʼmo neʼyaʼmo alige nehae. Neʼyaʼmo neʼaliyaʼmofeʼmo avina yaʼmo nehakalaya vayaʼe neʼyaʼmo neʼaliya vayaʼeʼmo magokepi apamogaga aigae.

Yoni 5:24

Lama gemo lapa nepauve, huno, ina lagimo geʼnimo afiteʼa alino nateʼnigeʼna emineʼnova vekaeʼmo apakesamo afiʼa fatago nehisafigeʼa alagepa huʼa maige maige huʼa maisaya yaʼmo aliʼnae. Apakaemo fali kavategatiʼmo atale eʼa afaʼa neʼmaiyategamo maiʼnayanageʼna agoti huʼna apateteʼnaeʼmo, hosu vayaʼmo maiʼnae, huʼna hapa opaiguve.

Yoni 6:58

Manimona kokuʼnapatiʼmo emineʼniya peleti mayamo haneʼniye. Lapakinago vayaʼmogi neʼnaya peleti mayagana huno ohaneʼnifa aeto agufa kanale peleti mayamo haneʼniye. Lapakinago vayaʼmogi neteʼapaeʼmo ago faliʼnayaʼmonanafa mani peleti mayamo neʼnisaya vayaʼmo muki afinaʼmo afaʼa maige maige huʼa maigae.

Yoni 8:51

Lama gemo lapa nepauve, huno, Geʼnimo akame nehaya vayaʼmo ofaligae, huno hapa paiʼnigeʼapaeʼmo,

Apa 14:2

Huʼnayaʼmonanafa mago apakesa afiʼa fatago osuʼnaya Yu vayaʼmogimo apa vekalaʼanifeʼmo alu nofi vayaʼai apakesamo faiteʼa aliʼa he tiʼa apateʼnae.

Lomu 4:15

Na kava higenoʼaene. Keʼaepa geʼamo ohaneʼniyesinana keʼaepa geʼamo amagiʼa noʼatalaesine. Hiyaʼmonanafa keʼaepa geʼamo haneʼniyaʼmofeʼmo aipamo leno neʼapateya kayoʼmo apamisiya agufa kavaʼmo alino afole aino neʼate.

Lomu 5:9

Gotiʼa kolaʼamo aino lakino lateʼniya kavatetikeʼmo, naulagaleʼmo fatago vayaʼmo maiʼnae, huno laha paiʼniyaʼmofeʼmo Gotiʼa aipamo leno nelateya kayoʼmo lamisiya kavategatiʼmo magoʼe huno laha maeno lagufamo alino katino lategaiye.

Lomu 8:1

Kalaisiʼa hosu kavatilefeʼmo faliʼniyaʼmofeʼmo Gotiʼa Kalaisi Yesupiʼmo maiʼnisaya vayaʼaifeʼmo hunoʼaeʼmo, hosu vayane, huno huteno agoti huno oʼapatege kayoʼmo oʼapamige hugiye. Apakaemo atafa apaipamo akame nosafa Goti Aunemeʼamo hauʼniya kavaʼmo akame nehae.

Galesiya 3:10

Goti Mukufiʼmo avoʼmo kae maleʼniya gemoʼmo hunoʼaeʼmo, Ina lagimo muki afinaʼmo muki keʼaepa geʼamo akame huʼa hano nosisafigeno Gotiʼa lifana huno neʼapate, huno huʼniyaʼmofeʼmo Goti keʼaepa gemo akame nehaya kavaʼapilefeʼmo aliʼa amufa amiʼnaya vayaʼaifeʼmo lifana huno apateʼniye.

Efasasi 5:6

Mani agufa hosu kavaʼmo nehayaʼmofeʼmo Goti geʼamo oʼafiʼa amagiʼa neʼatalaya vayaʼaifeʼmo aipamo leno neʼapateyanageno alagi apamagigiyaʼmofeʼmo fiku yanageʼa mago vayaʼmogi afa gemo huteʼa humi lapategae.

1 Tesaloniyani 1:10

Maiʼneʼapaeʼmo Gotiʼa alino he tino ateʼniya Mafaʼneʼamoʼmo Gotiʼa aipamo leno nelateyanageno kayoʼmo lamisiya kavategatiʼmo lagufamo alino katino nelateya Mafaʼneʼamo kokuʼnapatiʼmo eminesiyafeʼmo agava neʼmaiye, huʼa nehae.

1 Tesaloniyani 5:9

Gotiʼa aipamo leno lateteno kayoʼmo lamisiyafeʼmo lekana paino olateʼnifa Ala kava netimo Yesu Kalaisitetiʼmo laha maesiyafeʼmo lekana paino lateʼniye.

Himulu 10:29

Inagi mago vekamoʼmo Goti Mafaʼneʼaeʼmo, ina agufa vekamae, huteno agiʼaleʼmo alino afepi atege kotalake kolaʼamo alino aote maleʼniya kolaʼaeʼmo ina agufa kolane, huno agesamo afige fikumo hapa maeno neʼapamiya Aunemeʼaeʼmo huno faipa huno atege huʼnisiyana anonaʼalefeʼmo magoʼe huno lusi kayoʼmo apamigiye, huʼa apakesamo afigae.

Himulu 2:3

Apamiʼniyaʼmofeʼmo Ala kava neʼmo Gotiʼa lusi kava huno vayaʼai apakufamo alino katino neʼapateya kavafeʼmo ava gemo ago hapa paiʼnigeʼa afiʼnaya vayaʼmogimo, lama gemo haneʼniye, huʼa laha paiʼnaya gemo oʼafita afaʼa maisunana haiya kava huta faita kasalo paegaune.

Himulu 3:18

Gotiʼa haiya vayaʼaifeʼmo lokiya gefatiʼmo hunoʼaeʼmo, Nagaeʼeʼmo maiʼa haga leʼa maisayapiʼmo alagi u haiʼa oʼmaigae, huno huʼniye. Geʼamo amagiʼa ataleʼnaya vayaʼaifeʼmo huʼniye.

Himulu 3:19

Inagi ago afiʼnonana apakesamo afiʼa fatago osuʼnayaʼmofeʼmo afaʼa uʼa ohaiʼnae.

Leveleseni 21:8

Maigayaʼmonanafa vayaʼaifeʼmo koli huteʼa Goti geʼamo neʼatalaya vayanagi apakesamo afiʼa fatago nosaya vayanagi alagi faipa vayanagi vayaʼmo neʼapamagiya vayanagi kumai kavaʼmo nehaya vayanagi Satani himamuʼaletiʼmo noʼagaya agufa apaune kavaʼmo nehaya vayanagi aigofe gotiʼapimogitefeʼmo mono nehaya vayanagi muki agufa aigofe gemo nehaya vayanagi huʼa ata kotuʼmo sofa yafapiʼmo neleya ata kotupiʼmo maigae. Ata kotupiʼmo maisaya kavaʼmo agiʼamo napa tu afinaʼmo falisaya kavaʼmae.