Yoni 3:25 - The Keyagana NT and 25 OT books

²⁵ Yoni geʼamo neʼafiya vayaʼe Yu nofi vayaʼeʼmo aniʼmo faleʼa neʼapataya kavafeʼmo ge vaiʼnae.

Yoni 3:25 ပူးပေါင်းရင်းမြစ်များ

Matiyu 3:11

Nagaemo lapaipamo alita afe leʼnaya kavatefeʼmo aniʼaletikeʼmo faleʼna nelapatovanageno nagae nakame huno esiya vekamoʼmo Goti Aote Aunemeʼaletiʼe ataletiʼeʼmo aniʼmo faleno lapategaiye. Agaemo lokiyaʼamoʼmo nagaemo lokiyaʼnimo ago aeno naga seʼniyaʼmofeʼmo afa vekamo maiʼneʼna aliʼyaʼamo neʼaluva agufa vekaʼagana huʼna maiʼnovanageʼna suʼamo aliniʼna visuva kavaʼmo huʼna afaʼa oʼmaiʼnove.

Maki 7:8

Ani gelefeʼmo lapakaemo Goti keʼaepa gemo ataleta ma mopafi vayaʼai geʼapimo akame nehae. Akame hutetapa kapugi samogi muki yanagi huta sese nehae.

Yoni 2:6

Ani nopiʼmo sigisiʼa yafa ani keʼmo haneʼnigeno Yu vayaʼai mono kavaʼapimo akame huʼa aniʼmo nefalaya keʼmo haneʼniye. Ani kepiʼmo teniʼa paketi aniʼmo haneʼnisifi fifitiniʼa paketi aniʼmo haneʼnisifi huʼniya ani keʼmo haneʼniye.

Himulu 9:10

Ani agufa kavaʼmo amega apakufale kavaʼmo haneʼniyana neʼyanagi aninagi sese nehaya kavanagi huno haneʼniye. Ani kavaʼmo haneme haneme neʼesigenoʼaeʼmo saufa afinaʼmo Gotiʼa alino alagepa huno apatesiya afinaʼmo afole aisigenoʼaeʼmo hano hugiye.

Himulu 9:23

Ani kavaʼmo haneʼniyaʼmofeʼmo apakaemo afumo kolatetiʼmo ma mopafi mono kavaʼmo huteʼa kokuʼnapi aune kavatefeʼmo aeʼa kalo paeʼa ataleʼnayaʼmonanafa kokuʼnapi yaʼmoʼa aeno kalo paeno atalesiyafeʼmo afumo amagiʼa amiʼnaya ofalinimo ago aeno agaseʼniya ofaliniletiʼmo aeno kalo paeno ataleʼniye.

1 Pita 3:21

Apakaemo sipifiʼmo maiʼnagenoʼaeʼmo Gotiʼa anipatiʼmo apakufamo alino katino apateʼniya kavaʼmo aune kavaʼmo huno Gotiʼa aniʼmo faleʼa nelataya kavatetiʼmo lagufamo alino katino nelate. Fikumo aniʼmo faleʼa neʼapataya kavaʼmoʼa amega apakufale oʼaniʼyaʼageʼmo aeno kalo paeno neʼataleyaʼmonanafa Gotiʼa Yesu Kalaisiʼmo alino he tino ateʼniya kavatetiʼmo yuʼilaga mafaʼnetimo alino alagepa huno lateʼniya mafaʼnetifatiʼmo Goti geʼaleʼmo aeta atagaina huta nehune.