Yoni 3:21 - The Keyagana NT and 25 OT books

²¹ Noʼmayaʼmonanafa lama gemo akame nehaya vayaʼmogi Goti geʼamo neʼafiya kavaʼmo afole aisiyafeʼmo ha le yategamo neʼae.

Yoni 3:21 ပူးပေါင်းရင်းမြစ်များ

Samu 119:105

Gekamoʼmo lamugana huno haneʼnenoʼaeʼmo aeno ha leʼnigeʼna umenitata nehuve. Gekamoʼmo aeno ha leno visuva kaʼmo nave neliye.

Samu 119:80

Nagaemo avoʼmo kae maleʼnaya keʼaepa gekaleʼmo aiʼna hapaisuva naipa nagesamo namigeʼnao navagage osisiyafeʼmo akame hino.

Aiyeya 26:12

Ala kava nene, huʼna, alagepa aliʼyatimo lagaepiʼmo alo huʼnanaʼmofeʼmo laha maesanageno laipamoʼmo falu hisigeta alagepa huta maigune.

Yoni 1:47

Yesuʼa ageyana Natanieloʼmo agaetegamo eʼnigeno agetenoʼaeʼmo, lama ge Isaleli vekamo maiʼniye. Magoke aigofe geʼamo ohaneʼniya vekamae, huno huʼnigeno

Yoni 3:20

Hosu kavaʼmo nehaya vayaʼmogimo ha le yafeʼmo alagi ohapauʼnigeʼapaeʼmo hosu kavaʼapimo afole oʼaisiyafeʼmo ha le yategamo alagi noʼmae.

Yoni 5:39

Lapakaemo Goti Mukufiʼmo haneʼniya geeʼmo kahauya hutapa agege lekana paige hutapa maiʼnetapaeʼmo, alagepa huta maige maige huta maisuna yaʼmo aligune, hutapa lapakesamo neʼafiyaʼmonanafa ani gemoʼa nagaefekeʼmo huʼniye.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

1 Kolitiyani 15:10

Neʼafuvaʼmonanafa Gotiʼa fikumo naha maeno namiʼnigeʼnaeʼmo Goti apa vekaʼamo hamaleʼnove. Ani fikumo naha maeno namiʼniya himamuʼamoʼmo afaʼa ohaneʼniyaʼmonanafa naipafiʼmo lokiya aliʼyaʼmo aliʼnigeʼna aliʼyaʼmo aliteʼnaeʼmo muki apa vayaʼmo ago aeʼna apakaseʼnove. Nagaiʼnimo oʼaliʼnovaʼmonanafa Gotiʼa fikumo naha maeno namiʼniya himamuʼamoʼmo nagaeʼeʼmo magokepi lokaeno aliʼyaʼmo aliʼnigeʼna aliʼyaʼamo aliʼnove.

2 Kolitiyani 1:12

Lagaemo ma mopafi vayaʼmogi afiteʼa ageʼnaya agufa kavatetiʼmo mago kavaʼmo osuʼnonagenoʼaeʼmo Gotiʼa fikumo laha maeno lamiʼnigeta mago kavaʼmo aeta ati okaeta laipafatiʼmo laote kavaʼmo huʼnone. Lagaemo ma mopafi vayaʼai apaulagaleʼmo mani kavaʼmo nehuta lapakae lapaulagaleʼmo magoʼe huta mani alagepa kavaʼmo huʼnone. Yuʼilaga vekatimoʼmo mani alagepa kavatieʼmo faigoko gemo laha nepaigeta lamogaga neʼaune.

Galesiya 6:8

Vayaʼmogimo atafa apaipamoʼmo nehaiya kavaʼmo nehisayana hosu neʼyaʼmo afole aisigeʼa aliteʼa faligae. Vayaʼmogimo Goti Aunemeʼamoʼmo hauʼniya kavaʼmo nehisayana alagepa neʼyaʼmo afole aisigeʼa aliteʼa maige maige huʼa maigae.

Efasasi 5:9

Goti Aunemeʼamoʼmo alagamo neʼaesigetapaeʼmo alagepa kavaʼmo huge fatago kavaʼmo huge lama ge kavaʼmo huge hutapa maigae.

Kolosi 1:29

Nagaeʼeʼmo mani kavaʼmo afole aisiyafeʼmo Kalaisi ayamufaʼaletiʼmo naipafiʼmo lusi kava huno aliʼyaʼmo neʼaligeʼnaeʼmo ayamufaʼaletiʼmo naya mukiki huʼna aliʼyaʼamo neʼaluve.

Himulu 13:21

Muki alagepa kavafeʼmo kahauʼnisiya kavaʼmo hisayafeʼmo alagi alika alagepa huka apato. Yesu Kalaisitetiʼmo apaipafiʼmo aliʼyaʼmo aligeʼapao kahauʼnisiya kavaʼmo hiyo. Kagikaleʼmo alita asaga huta katesunageka ala kagi vekamo maige maige huka maiyo. He, lama ge.

1 Pita 1:22

Lama gemo afitetapaeʼmo lapaipamo sese huta atetetapa konaga vayatapieʼmo lama ge huno lapau lapayamopafiʼmo lapauʼniyaʼmofeʼmo lokiya kavaʼmo hutapa yaveyave lapaipafatiʼmo lapau lapayamopafiʼmo lapaino.

1 Yoni 1:6

Lagaemo hanipiʼmo umenitata nehutaeʼmo, Gotiʼeʼmo afalu afalugana huta lokaeta maiʼnone, huta nehisunana aigofe gemo huteta lama gemo alagi akame nosune.

3 Yoni 1:11

Nahauʼniya vekaʼnimogae, huʼna, hosu kavaʼmo akame osuka alagepa kavakeʼmo akame huvo. Alagepa kavaʼmo nehaya vayaʼmo Goti vayaʼamo maiʼnageʼa hosu kavaʼmo nehaya vayaʼmogimo Gotiʼa oʼageʼnae.

Leveleseni 3:15

Nehaya kavatapimo ago lapakeʼnove. Lapakeʼnovana lanitani anikana hutapa oʼmaige amuko anikana hutapa oʼmaige huʼnageʼna lapakeʼnove. Lanitani anikana hutapa maiʼnafi amuko anikana hutapa maiʼnafi huno afaʼa nahauʼniye.