Yoni 3:19 - The Keyagana NT and 25 OT books

¹⁹ Gotiʼa agoti huno apatetenoʼaeʼmo, hosu vayaʼmo maiʼnae, huno huʼniya gemo aepaʼamo haneʼniyana ha le yaʼamo ma mopafiʼmo ago afole aiʼniyaʼmonanafa vayaʼmogi ha le yafeʼmo apaini huʼa hani yafekeʼmo hapauʼniye. Hosu kavakeʼmo nehayaʼmofeʼmae.

Yoni 3:19 ပူးပေါင်းရင်းမြစ်များ

Mai'naya kavane 2:13

Ani vayaʼmogimo alagepa kaʼmo ataleʼa hosu kaʼmo hani huʼniya kateʼmo neʼvae.

Luki 12:47

Aliʼyaʼmo neʼaliya vekamoʼmo aliʼyaʼmo afoʼamoʼmo geʼamo ago afiʼniyana alo huteno akame nosisiyana lusi kava huno amagigiyaʼmonanafa

Luki 16:14

Falasi vayaʼmogimo monieʼmo hapaʼye nehiya vayaʼmogi ani muki huʼniya geʼamo afiteʼapaeʼmo apaipamo leʼa ateʼnae.

Yoni 1:4

Agaemo alagepa huʼa neʼmaiya kavaʼmo aepa vekamo maiʼnigeno agaepatikeʼmo alagepa huʼa neʼmaiya kavaʼmo afole aiteno vayaʼaitegamo aeno ha leʼnigeʼa ageʼnae.

Yoni 1:5

Ani aeno ha neleya yaʼmoʼa hanipiʼmo aeno ha nelegenoʼaeʼmo hani huʼniya yaʼmoʼa magoʼe huno aeno oʼagaseʼniye.

Yoni 12:31

Hemenimo ma mopafi vayaʼai hosu kavaʼapimo afole aisigeno Gotiʼa alino fako huno apategaiye. Hemenimo ma mopafi vayaʼaiteʼmo yagaino neʼapateya vekamo alino hafaino atalegaiye.

Yoni 12:43

Apakaemo ma mopafi vayaʼmogi ala apakiʼapimo apamisayafekeʼmo lusi kava huno hapauʼniyaʼmonanafa Gotiʼa ala apakiʼapimo apamisiyafeʼmo aiseʼamo hapauʼniye.

Yoni 12:46

Apakaemo nagaefeʼmo apakesamo afiʼa fatago nehaya vayaʼmo hanipiʼmo oʼmaisayafeʼmo ha le yakana huʼna ma mopafiʼmo emiʼneʼnove.

Yoni 5:44

Vayaʼmogi lapakitapileʼmo aliʼa asaga huʼa lapatesayafeʼmo lapauʼniyaʼmonanafa Gotiʼa lapakitapileʼmo alino magokeʼamokeʼmo asaga huno lapatesiya kavafeʼmo kahauya nosayaʼmofeʼmo haiya kava hutapa nagaefeʼmo lapakesamo afitapa fatago hugae.

Yoni 7:17

Ina lagimo Gotiʼa hauʼniya kavaʼmo hisayafeʼmo hapauʼnisifigeʼna aliʼna apaya neʼmalova geeʼmo huʼapaeʼmo Gotitegatiʼmo eʼnifi agaiʼa aipafatiʼmo nehifi huʼa afaʼa afigae.

Yoni 7:7

Ma mopafi vayaʼmogimo lapakaefeʼmo afaʼa alagi apaini osugae. Nagaemo hosu kavaʼapieʼmo gemo aeʼna hakalo huʼna hapa nepauvaʼmofeʼmo nagaefeʼmo apaini nehae.

Yoni 8:12

Yesuʼa halate ina ge huno hapa paiʼniye. Ma mopafi vayaʼai ha le yaʼapimo maiʼnove. Ina lagimo nakame nehisafigeʼa alagepa huʼa maisaya yaʼmo alino apave lisiya ha le yaʼmo aliteʼa hanipiʼmo umenitata osugae.

Yoni 9:5

Ma mopafiʼmo maiʼneʼnaeʼmo ma mopafi vayaʼai ha le yaʼapigana huʼna maiʼneʼna aeʼna ha leʼna neʼapatove, huno hapa paiteno

Lomu 1:32

Gotiʼa fatago kavaʼaletiʼmo ani agufa kavaʼmo nehaya vayaʼmo agoti huno apatetenoʼaeʼmo, anonatapilefeʼmo lapamisugetapa alagi falisaya agufa kavaʼmo hutapa maiʼnae, huno ago hu maleʼniye. Apakaemo ani gemo ago afiʼnayaʼmonanafa ani hosu kavaʼageʼmo nosayaʼmonanafa magoʼe huʼa hosu kavaʼmo nehayana hosu kavaʼmo nehaya vayaʼaifeʼmo amuse huʼa neʼapatae.

Lomu 2:8

Apamigiyaʼmonanafa Gotifeʼmo kame huʼa ateteʼa lama geʼamo akame osuʼa hosu kavaʼmo akame nehaya vayaʼaifeʼmo aipamo leno neʼapateya kayoʼmo apamisigeʼa lusi kana yaʼmo alisageno apakafu kigiye. Ani agufa kavaʼmo muki hosu kavaʼmo nehisaya vayaʼaiteʼmo afole aigiye. Hogoteno Yu vayaʼaiteʼmo afole aiteno Yu nofi vayapatiʼmo oʼmaiʼnaya vayaʼaiteʼmo afole aigiye.

2 Tesaloniyani 2:12

Na kava hisiyafeʼmae. Goti lama geʼaeʼmo apakesamo afiʼa fatago osuʼneʼa hosu kavafekeʼmo apamogaga neʼaiya vayaʼmogi aigofe gemo afisageno agoti huno apatetenoʼaeʼmo, hosu vayaʼmo maiʼnae, huno hisiyafeʼmae.

1 Pita 2:8

Magoʼe huno Goti mukufi gemoʼmo hunoʼaeʼmo, Ani yafaʼmoʼa apaiyafiʼmo hapaege vai lamino hapaege hisiyafeʼmo haneʼniye, huno huʼniye. Apakaemo Goti geʼamo noʼafiyaʼmofeʼmo vai lamino nehapae. Gotiʼa ani kavaʼmo hugae, huno hu maleʼniye.

2 Pita 3:3

Hogotetapa mani gemo alagepa hutapa afiyo. Mago vayaʼmogi huʼapaeʼmo, ina agufa gemo haneʼniye, huʼa huteʼa huʼa faipa huʼa atesaya vayaʼmo henagaʼamo hano hugefe hisiya afinaʼmo afole aiteʼa apakufamoʼmo hauʼniya kavaʼmo akame hugae.