Yoni 3:13 - The Keyagana NT and 25 OT books

¹³ Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 3:13 ပူးပေါင်းရင်းမြစ်များ

Mai'naya kavane 30:4

Ina laʼmo kokuʼnapiʼmo uno haiteno emineʼniye. Ina laʼmo yasimo alino anupa hu maleʼneno ayapiʼmo aliʼniye. Ina laʼmo aniʼmo hiyapiʼmo maleteno hiyatetiʼmo kukenagana huno vaino aino ati kaeno ateʼniye. Ina laʼmo muki ma mopamo alino lokiya vaino ateʼnigeno haneʼniye. Ani kavaʼmo huʼniya vekamo agiʼamo ina laʼmae. Mafaʼneʼamo agiʼamo ina laʼmae. Agiʼamo afiʼnapiye.

Matiyu 28:20

Aniʼmo faleta apatetetapaeʼmo muki ma kavaʼmo hiyo ina kavaʼmo hiyo, huʼna lapa paiʼnova gemo akame hiyo, hutapa alita apaya maleyo. Lama gemo lapa nepauve, huno, nagaemo lapakaeʼeʼmo magokepi lokaeʼna maime maime neʼvisugenoʼaeʼmo ma mopaʼe kokuʼnaʼeʼmo hano hisiya afinaʼmo afole aigiye, huno hapa paiʼniye. He, lama ge.

Matiyu 8:20

Yesuʼa geʼaleʼmo aeno atagaina huno ha painoʼaeʼmo, Afela kalamogi nehavaya kelimo hanege namamogi apanoʼmo hanege huʼniyaʼmonanafa Vemo mafaʼnemo havaesiya noʼmo ohaneʼniye, huno ha paiʼniye.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 17:5

O Afo, huno, kagaeʼeʼmo magokepi lokaeʼna maiʼneʼnaeʼmo kaulagaleʼmo ha le konali yaʼnimo ma mopamo alo osuʼnana afinatetiʼmo aliʼnova ha le konali yaʼnimo alika namiyo.

Yoni 3:12

Nagaemo ma mopafi kavafeʼmo kaha paiʼnogekaeʼmo kagesamo afika fatago osuʼnanaʼmonanafa kokuʼnapi kavafeʼmo ava gemo huʼna kaha paisuvana haiya kava huka kagesamo afika fatago hugane.

Yoni 3:31

Anagatiʼmo emineʼniya vekamoʼa muki vayaʼamo ago aeno apakaseʼniye. Ma mopafatiʼmo afole neʼaiya vayaʼmo ma mopafi vayaʼmo maiʼneʼapaeʼmo ma mopafi kavafeʼmo ava gemo nehageno kokuʼnapatiʼmo emineʼniya vekamoʼa aeno apakaseʼniye.

Yoni 6:33

Gotiʼa neʼapamiya peleti mayamo kokuʼnapatiʼmo emineno ma mopafi vayaʼmo afaʼa maisaya yaʼmo neʼapamiya vekamo maiʼniye, huno hapa paiʼnigeʼapaeʼmo,

Yoni 6:38

Ani kavatefeʼmo nagaiʼni nahauʼnisiya kavaʼmo hisuvafeʼmo emiʼnoʼmeʼnofa alino nateʼnigeʼna emiʼneʼnova vekamoʼa hauʼniya kavaʼmo hisuvafeʼmo emiʼneʼnove.

Yoni 6:42

Ge hauʼapaeʼmo, ani kanomo Yesuʼa Yosefe mafaʼnemo oʼmaiʼnifiye. He, ani kanomo maiʼnigeta itaʼafoʼalaʼmoganimo ago anakeʼnone. Na kava higenoʼaeʼmo, nagaemo kokuʼnapati emiʼneʼnove, huno nehiye, huʼa huteʼa huʼa faipa huʼa ateteʼa ge hauʼnae.

Yoni 6:46

Ani gemo huvaʼmonanafa magoke vekamoʼa Afoʼnimoʼmo oʼageʼniye. Gotitegatiʼmo magoke vekamo emineʼniya vekamokeʼmo muki yaʼmo Afoʼamoʼmo ageʼniye.

Yoni 6:51

Nagaemo afaʼa maisaya yaʼmo neʼapamiya peleti mayamo kokuʼnapatiʼmo emineʼniya peleti mayagana huʼna maiʼnove. Ina lagimo ani peleti mayamo neʼnisafigeʼa muki afinaʼmo afaʼa maige maige huʼa maigae. Apamisuva peleti mayamo nagufafati nameʼanimo haneʼniye. Ma mopafi vayaʼmo afaʼa maige maige huʼa maisayafeʼmo nameʼanimo apamiguve, huno hapa paiʼniye.

Yoni 6:62

Agesayana Vemo Mafaʼnemo atagi neno uno haino maisigetapaeʼmo, na agufa yane hutapa lapakesamo afigae.

Yoni 8:42

Nagaiʼnimo nagesamo afiʼna eminoʼmeʼnofa Gotiʼa alino nateʼnigeʼna eʼnove. Gotitegatiʼmo emiʼneʼnovaʼmofeʼmo Gotiʼa afotapimoʼa maiʼniyesinana nagaefeʼmo lapau lapayamopafiʼmo lapauʼniyesine.

Apa 2:34

Neviniʼa kokuʼnapiʼmo uno ohaiʼniyaʼmonanafa ani gemo hunoʼaeʼmo, Ala kava neʼmoʼa ala kava neʼnieʼmo ha painoʼaeʼmo, Lamaga nahaopaleʼmo fai maiʼnegeʼnao kame vayakamo apamagiteʼna aliʼna kaiya afeʼalumelagamo apategauve, huno avoʼmo kae maleʼniye.

Apa 20:28

Goti Aunemeʼamoʼmo sipisipi vayaʼaiteʼmo yagaitapa apatesaya vayatama vayane, huno lekana paino lapateʼniyanagi lapakaitapileʼmo alagepa hutapa yagaiʼnetapa mukiʼamo magoke anaga vayaʼmo sipisipi vayaʼaiteʼmo alagepa hutapa yagaitapa apateyo. Gotiʼa agaiʼa siosi vayaʼamo kolaʼaletiʼmo miya faino neʼapateya sipisipi vayaʼamo maiʼnayanagi alagepa huta yagaitapa apateyo.

Lomu 10:6

Kae maleʼniyaʼmonanafa vayaʼmogi apakesamo afiʼa fatago nehaya kavatetiʼmo fatago kavaʼamo alisaya kavatefeʼmo ava gemo hunoʼaeʼmo, ina laʼmo uno haino Kalaisiʼmo avalelino eminesiyafeʼmo kokuʼnapiʼmo uno haigiye, hutapa lapakesa oʼafiyo. Ago emineʼniyaʼmofeʼmo ani agufa kavaʼmo hisaya aliʼyatapimo ohaneʼniye.

1 Kolitiyani 15:47

Hogote vekamo mopaletiʼmo alo huno ateʼnigeno ma mopafatiʼmo afole aiʼniye. Napa tu vekamo Ala kava neʼmo kokuʼnapatiʼmo emineʼniye.

Efasasi 1:23

Siosi vayaʼmo Kalaisi agufaʼamo maiʼnae. Siosi vayaʼamo oʼmaiʼnaesinana agenopaʼageʼmo haneʼniyesinaʼmonanafa Kalaisi siosi vayaʼamo maiʼnayaʼmofeʼmo muki agufafi yaʼamo haneʼnigeno alagepa huno neʼmaiye. Agaemo muki haopalegamo maiʼnenoʼaeʼmo muki yateʼe vayaʼaiteʼeʼmo yagaino neʼapateya vekamo maiʼniye.