Yoni 3:11 - The Keyagana NT and 25 OT books

¹¹ Alagi lama gemo kaha nepauve, huno, afiʼnoʼa gemo lapa paitetaʼa ageʼnoʼa kavafeʼmo aetaʼa hakalo hutaʼa lapa nepauʼaʼmonanafa getiʼamo noʼafiye.

Yoni 3:11 ပူးပေါင်းရင်းမြစ်များ

Aiyeya 50:2

Nagaemo lapakaemo lapa maesuvafeʼmo lapakaetegamo uʼnovana na kava higetapaeʼmo ge afitapa oʼnavaleʼnae. Nagaemo lapakaefeʼmo keya aeʼna ge huʼnovana na kava higetapaeʼmo geʼnileʼmo aetapa atagaina hutapa ge osuʼnae. Lokiyaʼnimo ohaneʼniyaʼmofeʼmo afaʼa miya faiʼna hatu maeʼna olapategaufiye. Hosu yategatiʼmo lapavaleliʼna visuva himamuʼnimo ohaneʼnifiye. Nagaemo ge nehugenoʼaeʼmo solovala aniʼmo alagi nelane. Nagaemo ge nehugenoʼaeʼmo alopa aniʼmoʼa kahaepa koʼmo alino hamaleʼnigeno noyame anagaʼmo faliʼnagenoʼaeʼmo atu neʼaiye.

Aiyeya 53:1

Ina laʼmo aeta hakalo huta hapa nepauna geeʼmo agesamo afino fatago huʼniye. Ala kava neʼmoʼa ina laʼmo agufamo alino katino atesiya himamuʼamo alino ave liʼnigeno ageʼniye.

Aiyeya 55:4

Nagaemo lama geleʼmo faigoko huno ha maesiyafeʼmo agaemo avaleʼna vayaʼmo apamiʼnove. Nagaemo gemo nehiya vekamo yagaino lapatesiya vekamo lekana paiʼna ateʼnove.

Aiyeya 65:2

Nagaemo muki neteʼaʼe uneʼaʼeʼmo geʼnimo oʼafiʼa himuʼnamu kavaʼmo nehaya vayaʼmo apavalesuvafeʼmo nayatalaʼmo aliʼna ataleʼna apakava maiʼnove. Apakaemo apakaiʼapimo apakesamo neʼafiya kavaʼmo kanale osu kavaʼmo nehae.

Matiyu 11:27

Afoʼnimoʼmo aliʼyaʼamo alisuvafeʼmo muki yaʼamo namiʼniye. Muki vayaʼmogimo mafaʼneʼamo nageʼa alagepa osuʼnayaʼmonanafa Afoʼnimokeʼmo nageno alagepa huʼniye. Muki vayaʼmogimo afoʼnimoʼmo ageʼa alagepa osuʼnayaʼmonanafa nagaemo ageʼna alagepa huʼneʼna nahauʼnigeʼna ageʼneʼna aliʼna apave liʼnova vayaʼmogiʼeʼmo ageʼa alagepa huʼa agege huʼnone.

Matiyu 23:37

Yulusalemu taoniyo, Yulusalemu taoniyo, huʼna, Gotiʼa agaetegati gemo alini eʼa aeʼa hakalo huʼa hapa nepaiya vayaʼmo alino apateʼnigeʼa neʼagekaeʼmo kamitimo apamagige apa vayaʼmo yafa kayotetiʼmo apamagige nehane. Kokolemogimo apanaʼaumo apavaleliʼeʼa hapakufiʼmo apati kaeʼa neʼmaiya kava huʼna muki afinaʼae afinaʼaeʼmo mafaʼnekamo apavaleliʼneʼna hapau vaisuvafeʼmo nahauʼniyaʼmonanafa okahauʼniye.

Luki 10:22

Hutenoʼaeʼmo, Afoʼnimoʼmo muki yateʼe vayaʼaiteʼeʼmo yagaisuvafeʼmo alino nateʼniye. Muki vayaʼmogimo mafaʼneʼamo ageʼa alagepa huʼa oʼageʼnafa afoʼamokeʼmo ageno alagepa huno ageʼniye. Ani kavaʼmo huʼa vayaʼmogimo muki yaʼmo Afoʼamoʼmo ageʼa alagepa huʼa oʼageʼnafa mafaʼneʼamokeʼmo ageno alagepa huno ageʼniye. Ani kavaʼmo huno mafaʼneʼamoʼmo lekana paino apateʼnisiya vayaʼmo alino apave lisigeʼapaeʼmo muki yaʼmo Afoʼamoʼmo ageʼa alagepa huʼa agegae, huno hapa paiʼniye.

Yoni 1:11

Agaemo koʼalegamo emineʼnigeʼapaeʼmo vayaʼamogimo aliʼa falu fala huʼa oʼateʼnae.

Yoni 1:18

Muki vayapatiʼmo magoke vekamoʼmo alagi Gotiʼmo oʼageʼniyaʼmonanafa Gotiʼa aiya magoke mafaʼneʼamoʼmo muki yaʼmo Afoʼamo haopaleʼmo maiʼniya mafaʼneʼamokeʼmo alino lave liʼnigeta ageʼnone.

Yoni 12:49

Nagaemo mani gemo nagaiʼni nagesafatiʼmo nagesamo afiʼna nosufa muki yaʼmo Afoʼamoʼmo alino nateʼnigeʼna emiʼneʼnova vekamoʼa ani gemo huvo, huno naha paiʼniya gemo nehuve.

Yoni 14:24

Nagaefeʼmo hapau apayamopafiʼmo nohapaiya vayaʼmogimo geʼnimo alagi akame nosae. Nagesafatiʼmo nagesamo afiʼna mani gemo lapa nopaufa muki yaʼmo Afoʼamoʼmo alino nateʼnigeʼna emiʼneʼnova vekalegatiʼmo mani gemo aliʼna lapa nepauve.

Yoni 3:12

Nagaemo ma mopafi kavafeʼmo kaha paiʼnogekaeʼmo kagesamo afika fatago osuʼnanaʼmonanafa kokuʼnapi kavafeʼmo ava gemo huʼna kaha paisuvana haiya kava huka kagesamo afika fatago hugane.

Yoni 3:13

Mago vekamoʼmo kokuʼnapi kavaʼmo uno haino oʼageʼniyaʼmonanafa Vemo Mafaʼnemo kokuʼnapatiʼmo emineʼniya vekamogeno hemeniʼeʼmo kokuʼnapiʼmo maiʼniye.

Yoni 3:3

Yesuʼa hunoʼaeʼmo, alagi lama ge kaha nepauve, huno, Gotiʼa halate alino oʼapateʼnisiya vayaʼmogi Gotiʼa haiya kava huno yagaino neʼapatefi huʼa afaʼa ageʼa aeto osugae, huno ha paiʼnigenoʼaeʼmo,

Yoni 3:5

alagi lama gemo kaha nepauve, huno, anitetiʼe Aunemeʼaletiʼeʼmo alino oʼapateʼnisiya vayaʼmo Gotiʼa yagaino neʼapateya kegiʼyafiʼmo afaʼa uʼa ohaigae.

Yoni 5:43

Nagaemo Afoʼnimo agiʼalefeʼmo emiʼneʼnogetapaeʼmo alita falu fala hutapa noʼnatayaʼmonanafa mago vekamoʼa agaiʼa agiʼalefeʼmo agesa afiteno esigetapaeʼmo alita falu fala hutapa ategae.

Yoni 7:16

Yesuʼa hunoʼaeʼmo, aliʼna apaya neʼmalova gemo nagaiʼni gemo ohaneʼnifa Gotiʼa alino nateʼnigeʼna emineʼnova vekamo geʼamo haneʼniye.

Yoni 8:14

Yesuʼa hunoʼaeʼmo, nagaiʼniekeʼmo ani faigoko gemo huʼna naha maeʼna nehuvaʼmonanafa he alagi lama gemo nehuve. Haiya kotegatiʼmo eʼnofi haiya kotegamo visufi huʼna ago ageʼnovaʼmofeʼmo alagi lama gemo nehuve. Lapakaemo haiya kotegatiʼmo eʼnofi haiya kotegamo visufi hutapa oʼnageʼnae.

Yoni 8:26

Nagaemo asole kavatapieʼmo agoti huʼna lapatesuva kavafeʼmo lapa paisuva gemo haneʼniyaʼmonanafa alino nateʼnigeʼna emiʼneʼnova vekamoʼa alagi lama gemo nehigeʼna afiteʼnaeʼmo ma mopafi vayaʼaifeʼmo hapa nepauve.

Yoni 8:38

Nagaemo Afoʼnimoʼa alino nave liʼnigeʼna ageʼnova kavafeʼmo ava gemo huʼna lapa nepauvaʼmonanafa lapakaemo afotapimoʼa hiyo, huno nehiya gegeʼmo akame hutapa nehae, huno hapa paiʼnigeʼapaeʼmo,

Apa 22:18

Ageʼnovana Ala kava neʼmoʼa hunoʼaeʼmo, Malage huka Yulusalemu taonifatiʼmo ataleka uvo. Apakaemo nagae nava gemo aeka hakalo huka hapa paisana gemo oʼafigayanagi ataleka uvo, huno naha paiʼniye.

2 Kolitiyani 4:4

Ma mopafi vayaʼmogi gotiʼapimoʼa apakesamo afiʼa fatago nosaya vayaʼai apakesamo afisaya apaulagamo alino fali kaeno apateʼnigeʼapaeʼmo afaʼa noʼagae. Kalaisiʼa Goti auneʼamo alagi maiʼniyaʼmonanafa apakaemo Kalaisi ha le konali yaʼaeʼmo alagepa faigoko geʼamoʼmo aeno ha neleya konali yaʼamo afaʼa oʼagegae.

Leveleseni 1:5

Yesu Kalaisiʼa Gotifeʼmo lama ge ava gemo nehiya vekamoʼmo faliʼnaya vayapatiʼmo hogoteno alino he tino ateʼniya yege mafaʼneʼamo maiʼniye. Agaemo ma mopafi ala kini vayaʼaiteʼmo yagaino neʼapateya vekaʼapimoʼa fikumo lapa maeno lapamisigeno lapaipamoʼmo falu hino. Agaemo lagaefeʼmo hau ayamopafiʼmo hauʼnigenoʼaeʼmo hosu kavatimo kolaʼaletiʼmo aeno kalo paeno ataleʼniye.

Leveleseni 3:14

Kagaemo Leyotisiya taonifiʼmo maiʼnaya siosi vayaʼaiteʼmo yagaino neʼapateya apa vekalegamo mani kaha nepauva gemo avoʼmo kaeka atalegeno vino. Gotiʼa geʼamo naha paiʼnigeʼna he lama gemo nehuva vekamo maiʼnove. Gotifeʼmo fatago gemo alagi lama geʼamo aeʼna hakalo huʼna hapa nepauva vekamo maiʼnove. Muki yaʼamo Gotiʼa alo huʼniya yaʼmo aepa faiʼnova vekamo maiʼneʼnaeʼmo mani gemo lapa nepauve.