Yoni 21:3 - The Keyagana NT and 25 OT books

³ Saimoni Pitaʼa muki vayaʼaifeʼmo hunoʼaeʼmo, uʼna umenimo maleʼneʼna noyamemo aligesuve, huno hapa paiʼnigeʼapaeʼmo, mukiʼamo magokepi lokaeta ugune, huʼa ha paiteʼa sipifiʼmo uʼa haiʼa maiteʼa uʼnayana muki haniʼilagamo noyamemo oʼaliʼnae.

Yoni 21:3 ပူးပေါင်းရင်းမြစ်များ

Luki 5:5

Tisao, huno, muki haniʼilagamo umenimo maleʼnonana mago noyamemo oʼaliʼnonaʼmonanafa gekamo afiteʼna umenimo aliʼna anipiʼmo yaga auʼna malegauve, huno ha paiʼnigeʼapaeʼmo

Yoni 21:4

Yegemo haineʼnigenoʼaeʼmo Yesuʼa ani agiʼnaleʼmo he tino maiʼnigeʼapaeʼmo Yesuʼa maiʼniye, huʼa oʼageʼnae.

Apa 18:3

Ani yalavelaʼmo mago selimo miya faili uʼa noʼmo kisaya yaʼmo nefakaniʼa yalavelaʼmo maiʼnaʼageno Poloʼa ani agufa aliʼyaʼmo neʼaliya vekamo maiʼniyaʼmofeʼmo anakaeʼeʼmo magokepi ani aliʼyaʼmo lokaeno alino maiʼniye.

Apa 20:34

He, ago nageʼnageʼna nayatetiʼmo aliʼyaʼmo aliteʼna nagaeʼe lokaeʼa aliʼyaʼmo aliʼnaya vayaʼeʼmo neʼyatiʼe kukenatiʼeʼmo miya faiʼnogetapa ago ageʼnae.

1 Kolitiyani 3:7

Avina yaʼmo nehakaleya vekaʼe aniʼmo nelakiya vekaʼeʼmo ina agufa vekalaʼmo maiʼnaʼaʼmonanafa Gotikeʼmo alino hageno neʼateya vekamo ala agi vekamo maiʼniye.

1 Kolitiyani 9:6

Nagaeʼe Manamasiʼeʼmo laʼagaitiʼageʼmo neʼyaʼmo nesuʼa aliʼyaʼmo alitetaʼa afaʼa oʼatalesuʼafiye.

1 Tesaloniyani 2:9

Konagatimogitapae, huta, alagepa faigoko gemo aeta hakalo huta lapa paita maiʼnetaeʼmo laha maetapa kana yaʼmo oʼalisayafeʼmo felugaʼe haniʼilagaʼeʼmo lokiya vaita aliʼyaʼmo aliʼnonagetapa ago lageʼnae.